ଭୁବନେଶ୍ବର୨୯|୧୨: ଚାଷୀଙ୍କ ପାଇଁ ମୋଦି ସରକାରଙ୍କ ଚିନ୍ତା । ୩ ବିଜେପି ଶାସିତ ରାଜ୍ୟରେ ବିଜେପିକୁ ଝଟକା ଲାଗିବା ପରେ ଏବେ ବଡ ପ୍ୟାକେଜ ଘୋଷଣା ମୋଡ୍ରେ ମୋଦି । ଏନେଇ କେନ୍ଦ୍ରୀୟ ସ୍ତରରେ ଚାଲିଛି ବ୍ୟାପକ ଆଲୋଚନା । ପାଖାପାଖି ୩ ଲକ୍ଷ କୋଟିର ପ୍ୟାକେଜ ଦେଇ ଚାଷିଙ୍କୁ ଖୁସ୍ କରିବା ଯୋଜନାରେ ଅଛନ୍ତି କେନ୍ଦ୍ର ସରକାର । ନୂଆ ବର୍ଷରେ ନୂଆ ଘୋଷଣା କରି ଚାଷୀ ଭୋଟରଙ୍କୁ ନିଜ ପଟକୁ ନେବା ପାଇଁ ଗ୍ରାଣ୍ଡ ପ୍ଲାନ କରୁଛି କେନ୍ଦ୍ର । ଯାହାକୁ ନେଇ ଆଗକୁ ଜାତୀୟ ତଥା ରାଜ୍ୟ ରାଜନୀତିରେ ଛକାପଞ୍ଝା ହେବାକୁ ଯାଉଛି।….
{"id":68516}୨୦୧୯ ନିର୍ବାଚନ ପୂର୍ବରୁ ମୋଦି ସରକାର ଚାଷୀଙ୍କୁ ଦେବେ ବଡ଼ ତୋଫା । ଏନେଇ କେନ୍ଦ୍ର ସରକାରଙ୍କ ପକ୍ଷରୁ ଚାଲିଛି ମାନସ ମନ୍ଥନ । ରାଜସ୍ଥାନ, ଛତିଶଗଡ ଓ ମଧ୍ୟପ୍ରଦେଶ ନିର୍ବାଚନ ହାରିଯିବା ପରେ ବିଜେପି ଏବେ ଚାଷୀଙ୍କୁ ନୂଆ ବର୍ଷର ଭେଟି ଦେଇ କଂଗ୍ରେସ ହାତରୁ ଚାଷୀ ସମସ୍ୟା ପ୍ରସଙ୍ଗ ଛଡାଇନେବା ଯୋଜନାରେ ଅଛି । ଏନେଇ ଏବେ କେନ୍ଦ୍ର ସରକାର ବିଭିନ୍ନ ପ୍ରସ୍ତାବ ଉପରେ ଆଲୋଚନା କରୁଥିବା ଜଣା ପଡିଛି । ଦେଶର ଚାଷୀଙ୍କ ପାଇଁ ପ୍ରାୟ ୩ ଲକ୍ଷ କୋଟି ଟଙ୍କାର ପ୍ୟାକେଜ ଦେବା ଯୋଜନାରେ ଅଛନ୍ତି କେନ୍ଦ୍ର ସରକାର । ସଂସଦରେ ଶୀତ ଅଧିବେଶନ ଶେଷ ହେବା ପୂର୍ବରୁ ଅର୍ଥାତ ଜାନୁଆରୀ ୫ ପୂର୍ବରୁ ଚାଷୀଙ୍କ ପାଇଁ ପ୍ୟାକେଜ ଦେବା ମୁଡ୍ ରେ ଅଛନ୍ତି ମୋଦି । ପ୍ରଧାନମନ୍ତ୍ରୀ ସେଥିପାଇଁ ବରିଷ୍ଠ ମନ୍ତ୍ରୀ ଓ ବିଶେଷଜ୍ଞଙ୍କ ସହ ପରାମର୍ଶ ଜାରି ରଖିଛନ୍ତି ।…
{"id":68518}କେନ୍ଦ୍ର ସରକାର ଚିନ୍ତା କରୁଥିବା ଯୋଜନା ମୁତାବକ ରବି ଓ ଖରିଫ ଚାଷ ପୂର୍ବରୁ ସାର, ବିହନ, ଔଷଧ ଆଦି କିଣିବା ପାଇଁ ଚାଷୀଙ୍କ ଖାତାକୁ ସିଧାସଳଖ ଟଙ୍କା ଦେଇ ପାରନ୍ତି। ତେଲେଙ୍ଗାନା ସରକାର ଏଭଳି ଯୋଜନା କରିବା ପରେ ଚାଷୀ ଲାଭ ପାଇଥିବାରୁ ଏହି ଯୋଜନା ଲାଗୁପାଇଁ କେନ୍ଦ୍ର ଚିନ୍ତା କରୁଛି । ଦ୍ବିତୀୟ ପ୍ରସ୍ତାବ ଭାବେ ସହାୟକ ମୂଲ୍ୟ ଓ ବଜାର ଦର ଭିତରେ ଯେଉଁ ଫରକ ରହିବ ତାକୁ ଭରଣା ପାଇଁ ମଧ୍ୟ ଆଲୋଚନା ଚାଲିଛି । ଏହି ଯୋଜନାରେ କେନ୍ଦ୍ର ୭୦ ପ୍ରତିଶତ ଓ ରାଜ୍ୟ ୩୦ ପ୍ରତିଶତ ଅର୍ଥ ଚାଷୀଙ୍କୁ ଯୋଗାଇବାର ବ୍ୟବସ୍ଥା ହୋଇପାରେ । ସେହିଭଳି ଟଙ୍କାକରେ ଚାଷୀଙ୍କ ପାଇଁ ଫସଲ ବୀମା ଯୋଜନା ଘୋଷଣା କରାଯାଇପାରେ । ବିରୋଧୀ ବିଜେଡି ଓ କଂଗ୍ରେସ କେନ୍ଦ୍ର ସରକାରଙ୍କ ଘୋଷଣାକୁ ଅପେକ୍ଷା କରିଛନ୍ତି । ଆଉ କେନ୍ଦ୍ରର ପ୍ୟାକେଜକୁ ଦେଖିବା ପରେ ବିରୋଧୀ ସେମାନଙ୍କ ଗୋଟି ଚଳାଇବେ ।…
{"id":68519}ଏବେ ପ୍ରଶ୍ନ କେନ୍ଦ୍ର ସରକାର ଚାଷୀଙ୍କ ପାଇଁ ୩ ଲକ୍ଷ କୋଟି ଟଙ୍କାର ପ୍ୟାକେଜ ଦେଲେ ଅର୍ଥ ଆସିବ କୁଆଡୁ । ଏତେ ବଡ ଆକାରର ଅର୍ଥ ରିଜର୍ଭ ବ୍ୟାଙ୍କ ଭରଣା କଲେ ଦେଶର ଅର୍ଥନୀତି ଉପରେ ଏହାର ପ୍ରଭାବ କଣ ପଡିବ ତାହା ବି ଏବେ ବିତର୍କର ବିଷୟ।