ନୂଆଦିଲ୍ଲୀ ୦୫।୧୦: ମହାମାରୀ କରୋନାର ପ୍ରକୋପ ସମୟରେ ୧୨ତମ ବ୍ରିକ୍ସ ଶିଖର ସମ୍ମିଳନୀ ଚଳିତ ଥର ଭିଡିଓ କନଫରେନ୍ସିଂ ଜରିଆରେ ଆୟୋଜିତ ହେବ। ୧୨ତମ ବ୍ରିକ୍ସ ଶିଖର ସମ୍ମିଳନୀ ନଭେମ୍ବର ୧୭ରୁ ଭର୍ଚୁଆଲି ଆୟୋଜିତ ହେବ। ସଂପ୍ରତି ଏଲଏସିରେ ଭାରତ-ଚୀନ ମଧ୍ୟରେ ଜାରି ସୀମା ବିବାଦ ମଧ୍ୟରେ ଦୁଇ ଦେଶର ରାଷ୍ଟ୍ରାଧ୍ୟକ୍ଷଙ୍କ ଭେଟ ହେବାକୁ ଯାଉଛି।

କୁହାଯାଉଛି ଏଲଏସିରେ ଉତ୍ତେଜନା ସମୟରେ ନଭେମ୍ବର ୧୭ରେ ପ୍ରଥମ ଥର ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଚୀନ ରାଷ୍ଟ୍ରପତି ସି ଜିନପିଙ୍ଗ ମୁହାଁମୁହିଁ ହେବେ। କିନ୍ତୁ ଦୁଇ ନେତାଙ୍କ ଏହି ଭେଟ ଭିଡିଓ କନଫରେନ୍ସିଂ ଜରିଆରେ ଭର୍ଚୁଆଲ ହେବ।

{"id":339142,"sizeSlug":"large"}

ଚଳିତ ବର୍ଷ ଶିଖର ସମ୍ମିଳନୀରେ ବ୍ରିକ୍ସ ଦେଶର ନେତାଙ୍କ ବୈଠକର ଶୀର୍ଷକ ’ବୈଶ୍ଵିକ ସ୍ଥିରତା ଓ ଅଭିନବ ବିକାଶ ପାଇଁ ବ୍ରିକ୍ସର ଭାଗିଦାରୀ’  ରହିଛି। ୨୦୨୦ରେ ରୁଷରେ ଆୟୋଜିତ ବ୍ରିକ୍ସ ସମ୍ମିଳନୀର ମୁଖ୍ୟ ଉଦ୍ଦେଶ୍ୟ ବ୍ରିକ୍ସ ଦେଶମାନଙ୍କ ମଧ୍ୟରେ ବହୁପକ୍ଷୀୟ ସହଯୋଗ ଏବଂ ଲୋକଙ୍କ ଜୀବନସ୍ତର ବଢାଇବାରେ ଯୋଗଦାନ ଦେବା ରହିଛି। ଚଳିତ ବର୍ଷ ବ୍ରିକ୍ସର ଦେଶ ଶାନ୍ତି ଓ ସୁରକ୍ଷା, ଅର୍ଥବ୍ୟବସ୍ଥା ଓ ବିତ୍ତ, ସାଂସ୍କୃତିକ ଓ ଲୋକଙ୍କ ମଧ୍ୟରେ ଯୋଗାଯୋଗ ଆଦି ବିଷୟରେ ରଣନୈତିକ ଭାଗିଦାରୀ ଜାରି ରଖିଛନ୍ତି।

ଉଲ୍ଲେଖଯୋଗ୍ୟ, ଭାରତ ଓ ଚୀନ ବାସ୍ତବ ନିୟନ୍ତ୍ରଣ ରେଖା(ଏଲଏସି)ରେ ଜାରି ଉତ୍ତେଜନା କମ କରିବା ପାଇଁ ଉଦ୍ୟମ ଜାରି ରଖିଛନ୍ତି। ତଥାପି ବିଶ୍ଵାସଘାତ ଚୀନକୁ ପ୍ରତି ଚାଲର ମୁକାବିଲା ପାଇଁ ଭରାତୀୟ ବାୟୁସେନା ଓ ସ୍ଥଳସେନା ମିଳିତ ଭାବେ ରଣନୀତି ଆଧାରରେ କାର୍ଯ୍ୟ କରୁଛନ୍ତି। ସୀମାରେ ବାୟୁସେନା ନିଜର ପ୍ରସ୍ତୁତିକୁ ଆହୁରି ଜୋରଦାର କରୁଛି।