Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ସପ୍ତାହରେ ୫୦୦୦ କରୋନା ଆକ୍ରାନ୍ତଙ୍କଠାରେ ପ୍ରୟୋଗ ହେବ ପ୍ଲାଜମାଥେରାପୀ, ସୁସ୍ଥ ହେବେ ବୋଲି ରହିଛି ଆଶା

25/04/2020 at 3:34 PM

ଲଣ୍ଡନ, ୨୫|୦୪:  କରୋନା ଭାଇରସର ମୁକାବିଲା ପାଇଁ ଏବେ ଗବେଷକମାନେ ପ୍ଲାଜମାଥେରାପିର ପ୍ରୟୋଗ କରୁଛନ୍ତି । ଏହା ଉପଯୋଗୀ ସାବ୍ୟସ୍ତ ହୋଇଛି ବୋଲି କିଛି ବାଜ୍ଞାନିକ ଦାବି କରିଛନ୍ତି । ଏପରିକି ଏହି ପ୍ଲାଜମାଥେରାପୀରେ କୋଭିଡ-୧୯ ଆକ୍ରାନ୍ତଙ୍କ ଚିକିତ୍ସା ସମ୍ଭବପର ବୋଲି ମଧ୍ୟ କୁହାଯାଉଛି ।

ୟୁକେର ସ୍ୱାସ୍ଥ୍ୟ ସଚିବ ମେଟ୍ ହେନକକ୍ କହିଛନ୍ତି ଯେ, ଏହି ଉପଚାର କରୋନା ମୁକାବିଲା ପାଇଁ ଏକ ମାଇଲ୍ ଷ୍ଟୋନ୍ ହେବ । ଏନେଇ ସେ ଆଶା ରଖିଛନ୍ତି । ଏନଏଚଏସ ସେହି ବ୍ୟକ୍ତିଙ୍କ ଠାରୁ ରକ୍ତ ସଂଗ୍ରହ କରିବ ଯେଉଁମାନେ କରୋନା ବାଇରସକୁ ମାତ ଦେଇଛନ୍ତି । ଏକ ସ୍ୱତନ୍ତ୍ର ମେସିନ୍ ସାହାଯ୍ୟରେ ସୁସ୍ଥ ବ୍ୟକ୍ତିଙ୍କ ଶରୀରରୁ ରକ୍ତ ନେବ । ଏହି ମେସିନ ପ୍ଲାଜମାକୁ ପୃଥକ କରି ରକ୍ତକୁ ପୁଣି ରକ୍ତଦାତାଙ୍କ ପାଖକୁ ଫେରିଯିବ । ୪୫ ମିନଟର ଏହି ପ୍ରକ୍ରିୟାରେ ପ୍ଲାଜମା ସଂଗ୍ରହ କରାଯିବ । ଅଧିକରୁ ଅଧିକ ପ୍ଲାଜମା ଏକାଠି କରିବା ପାଇଁ ପ୍ରକ୍ରିୟା ଜାରି ରହିଛି । ଏହି ସଂଗୃହୀତ ପ୍ଲାଜମା ଗୋଟିଏ ସପ୍ତାହ ମଧ୍ୟରେ ପ୍ରାୟ ୫ ହଜାର କରୋନା ଆକ୍ରାନ୍ତଙ୍କଠାରେ ପରୀକ୍ଷାମୂଳଭାବେ ପ୍ରୟୋଗ କରାଯିବ ।

ୟୁକେର ଉପମୁଖ୍ୟ  ଚିକିତ୍ସାଧିକାରୀ ଜୋନାଥନ୍ ବାଟ୍ ଟିମ୍ କହିଛନ୍ତି ଯେ, ଦେଶରେ ୭୦୦୦ରୁ ଅଧିକ ଗବେଷକ କରୋନା ପ୍ରତିଷେଧକ ପାଇଁ ଗବେଷଣା ଚଳାଇଛନ୍ତି । ଏହାସହ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କଠାରୁ ପ୍ଲାଜମା ସଂଗ୍ରହ କରାଯିବ ବୋଲି ସେ କହିଛନ୍ତି ।

   Related Posts