Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜାସନ ରୟ ଓ ଓ୍ଵିଲିୟମସନଙ୍କ ଅର୍ଦ୍ଧଶତକ, ଲଗାତାର ପରାଜୟ ପରେ ରାଜସ୍ଥାନକୁ ହରାଇ ବିଜୟର ସ୍ଵାଦ ଚାଖିଲା ହାଇଦ୍ରାବାଦ
  • ||
  • ବିଜାପୁର ସିଆରପିଏଫ କ୍ୟାମ୍ପ ଉପରେ ନକ୍ସଲ ହମ୍‌ଲା, ଜାରି ରହିଛି ଗୁଳି ବିନିମୟ
  • ||
  • ନ୍ୟୁଜ7ରେ ପୁଣି ଆାରମ୍ଭ ହେବ ‘ହଟସିଟ୍ ’, ସିଜନ-୨ରେ ସାମିଲ୍‌ ହେବେ ବହୁ ବିଶିଷ୍ଟ ବ୍ୟକ୍ତି
  • ||
  • ଆଞ୍ଜେଲା ମାର୍କେଲଙ୍କ ଯୁଗ ଶେଷ ! ଜର୍ମାନ ନିର୍ବାଚନରେ ଖୁବ୍ କମ ଭୋଟରେ ହାରିଲା ମାର୍କେଲଙ୍କ ପାର୍ଟି, କ୍ଷମତା ଡୋର ସୋସିଆଲ ଡେମୋକ୍ରାଟ୍ସଙ୍କ ହାତକୁ ଯିବ
  • ||
  • ଭୁବନେଶ୍ବର : ‘ଗୁଲାବ’ ପ୍ରଭାବରେ ରାଜ୍ୟର ହୋଇନି ବେଶୀ ପବନ, କୋରାପୁଟ ଓ ମାଲକାନଗିରି ଜିଲ୍ଲାର ଗୋଟିଏ ଗୋଟିଏ ବ୍ଲକ୍‌ରେ ଅଧିକ ବର୍ଷା : SRC
  • ||
  • କାଲିମେଳା : ରାସ୍ତାରେ ଚାଲୁଛି ୨ରୁ ୩ଫୁଟ ବର୍ଷାଜଳ, ଉଭୟ ପାର୍ଶ୍ବରେ ଅଟକିଛି ଯାନବାହାନ
  • ||
  • ମୋହନା : ଗଜପତିରେ ପ୍ରଭାବ ପକାଇଲା ‘ଗୁଲାବ’, ବିଭିନ୍ନ ସ୍ଥାନରେ ଗଛ ପଡି ରାସ୍ତା ଅବରୋଧ
  • ||
  • ଆଇପିଏଲ ୨୦୨୧ : ୪୦ ତମ ଲିଗ୍‌ ମୁକାବିଲାରେ ମୁହାଁମୁହିଁ ହେବେ ହାଇଦ୍ରାବାଦ ଓ ରାଜସ୍ଥାନ
  • ||
  • କେନ୍ଦୁଝର : ବଣୁଆ ହାତୀ ଆକ୍ରମଣରେ ଜଣଙ୍କର ମୃତ୍ୟୁ, ମଞ୍ଚାରୁ ଓହ୍ଲାଇ ଘରକୁ ଯିବାବେଳେ ଆକ୍ରମଣର ଶିକାର
  • ||
  • ଜୟପୁର : ଲଗାଣ ବର୍ଷା ଯୋଗୁଁ ଧସିଲା ମାଟି ଅତଡା, ଜାତୀୟ ରାଜପଥ ଅବରୋଧ
  • ||

କୋଭିଡ୍ ଚିକିତ୍ସାରେ ପ୍ଲାଜମା ଥେରାପୀ ଓ ରେମଡିସିଭିର୍‌ର ମିଳିତ ପ୍ରୟୋଗ ସଫଳ ହୋଇଛି, ରାଜସ୍ଥାନରେ ମିଳିଛି ପ୍ରମାଣ

31/08/2020 at 3:35 PM

ଜୟପୁର, ୩୧|୦୮:  କରୋନା ଭାଇରସର ଆତଙ୍କ ସାରା ବିଶ୍ୱରେ ଜାରି ରହିଛି । ଏହି ଭାଇରସର କୌଣସି ଭାକସିନ୍ କିମ୍ବା ଔଷଧ ବାହାରି ନାହିଁ । ତେବେ ପ୍ଲାଜମା ଥେରାପୀ , ଟୋକିଲିଜୁମାବ୍ ଇଞ୍ଜେକ୍ସନ୍ ଏବଂ ରେମଡିସିଭିରର ମିଳିତ ପ୍ରୟୋଗ କରୋନା ବିରୋଧରେ ପ୍ରଭାବୀ ସାବ୍ୟସ୍ତ ହୋଇଛି । ଗୁରୁତର ଆକ୍ରାନ୍ତଙ୍କ ପାଇଁ ଏହା ଲାଭଦାୟକ ସାବ୍ୟସ୍ତ ହେଉଛି । ଏନେଇ ଶନିବାର ରାଜସ୍ଥାନ ଜୟପୁରର ଡାକ୍ତରମାନେ କହିଛନ୍ତି ।

ରାଜସ୍ଥାନ ସ୍ୱାସ୍ଥ୍ୟ ବିଭାଗର ଜଣେ ବରିଷ୍ଠ ଅଧିକାରୀଙ୍କ ସୂଚନାନୁସାରେ, ଏବେସୁଦ୍ଧା ୩୩୫ଜଣ ଆକ୍ରାନ୍ତଙ୍କୁ ପ୍ଲାଜମା ପ୍ରଦାନ କରାଯାଇଛି । ସେହିପରି ୩୮୭୭ଜଣଙ୍କୁ ରେମଡିସିଭିର ଇଞ୍ଜେକ୍ସନ ପ୍ରଦାନ କରାଯାଇଛି । ସେହିପରି ୨୩୨ ଆକ୍ରାନ୍ତଙ୍କୁ ଟୋକିଲିଜୁମାବ୍ ଇଞ୍ଜେକ୍ସନ୍ ଦିଆଯାଇଛି । ଏବେ ବିଭିନ୍ନ ହସ୍ପିଟାଲରେ ୩୩ଟି ପ୍ଲାଜନା ୟୁନିଟ୍ ରହିଛି । କରୋନାରୁ ଆରୋଗ୍ୟ ଲାଭ କରିଥିବା ଆକ୍ରାନ୍ତମାନେ ପ୍ଲାଜମା ଦାନ କରୁଛନ୍ତି ।

ଏସଏମଏସ  ମେଡିକାଲ କଲେଜର ଅଧ୍ୟକ୍ଷ ଡାକ୍ତର ସୁଧିର ଭଣ୍ଡାରୀ କହିଛନ୍ତି ଯେ, ଯଦି ଜଣେ ଆକ୍ରାନ୍ତ ଆଣ୍ଟି-ଇନଫ୍ଲାମେଟୋରୀ, ଆଣ୍ଟି ଭାଇରାଲ ଏବଂ ଷ୍ଟେରୋଏଡ୍ ଦରକାର କରିଥାଏ ତେବେ ତାକୁ ପ୍ଲାଜମା ଦିଆଯାଏ । ଏହାସହ ଦୁଇଟି ଇଞ୍ଜେକ୍ସନ ମଧ୍ୟ ପ୍ରଦାନ କରାଯାଏ । ଏପରି କରିବା ଦ୍ୱାରା ଆକ୍ରାନ୍ତଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସିଥାଏ । ଏପରିକି ଭେଣ୍ଟିଲେଟରରେ ଥିବା ଆକ୍ରାନ୍ତଙ୍କ ପାଇଁ ମଧ୍ୟ ପ୍ଲାଜମା ଥେରାପୀ ଲାଭଦାୟକ ସାବ୍ୟସ୍ତ ହେଉଛି ।

ବିଶେଷଜ୍ଞଙ୍କ କହିବାନୁସାରେ, ପ୍ଲାଜମା ଥେରାପୀରେ ୭୦ ପ୍ରତିଶତରୁ ଅଧିକ ଆକ୍ରାନ୍ତ ଆରୋଗ୍ୟ ଲାଭ କରିଛନ୍ତି । ଠିକ୍ ସମୟରେ ପ୍ଲାଜମା ଦିଆଗଲେ ସଫଳତା ମିଳୁଛି । ତେବେ କିଛି ଗୁରୁତର ଆକ୍ରାନ୍ତଙ୍କଠାରେ ଏହା ଫେଲ୍ ମାରୁଛି । ରାଜସ୍ଥାନ ସହ ଦେଶର ସମସ୍ତ ରାଜ୍ୟରେ ପ୍ଲାଜମା ସଂଗ୍ରହ ପାଇଁ ସଚେତନ କରାଯାଉଛି ।

   Related Posts