Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ସାବଧାନ! ବୃକ୍ଷଲତା, ବନସ୍ପତିରୁ ବ୍ୟାପୁଛନ୍ତି ସୁପର ବଗ୍, ଭୋଗିପାରନ୍ତି ଗୁରୁତର ସ୍ୱାସ୍ଥ୍ୟଗତ ସମସ୍ୟା

27/06/2019 at 5:37 PM

ବୃକ୍ଷ,ଲତା ଓ ବନସ୍ପତି ଆମକୁ  ପ୍ରାକୃତିକ ସ୍ୱାସ୍ଥ୍ୟ ପ୍ରଦାନ କରନ୍ତି । ହଜାର ହଜାର ବର୍ଷରୁ ଭାରତରେ ପ୍ରାକୃତିକ ଚିକିତ୍ସା ବ୍ୟବସ୍ଥା ପ୍ରଚଳିତ ଥିବା ବେଳେ ବୃକ୍ଷ,ଲତା, ଗୁଳ୍ମ ଓ ବନସ୍ପତି ବ୍ୟବହାର କରାଯାଇ ଦୁରାରୋଗ୍ୟ ବ୍ୟାଧିର ଚିକିତ୍ସା ହୋଇ ଆସୁଛି। ତେବେ  ଆମମାନଙ୍କୁ ସୁସ୍ଥ ସ୍ୱାସ୍ଥ୍ୟ ବରଦାନ ଦେଉଥିବା ଏହି ସବୁ ବୃକ୍ଷଲତା ଏବେ ସୁପର ବଗ ବାହକ ବୋଲି ଜଣାପଡିଛନ୍ତି। ଏଣୁ ସୁସ୍ଥ ରହିବା ପାଇଁ ଆମେ ଖାଉଥିବା ସବୁଜ ପନିପରିବା ଓ ଅସୁସ୍ଥତା ବେଳେ ସୁସ୍ଥ ହେବା ପାଇଁ ଖାଉଥିବା ପଥି ଯେ ଏବେ ଆମ ପାଇଁ ଘାତକ ନ ହେବେ ତାହା କୁହାଯାଇପାରିବ ନାହିଁ ।

ସୁପରବଗ୍ ଆଣ୍ଟିବୋୟାଟିକ୍ ରେଜିଷ୍ଟାଣ୍ଟ । ଏଣୁ ଏମାନଙ୍କ ଯୋଗୁ ଶରୀରରେ ହେଉଥିବା ରୋଗ ସହଜରେ ଭଲ ହୋଇ ନଥାଏ। ଏଣୁ ଆମକୁ ଦୀର୍ଘ ଦିନ ରୋଗ ଭୋଗିବାକୁ ପଡେ ଓ କେତେକ ସ୍ଥଳରେ ଆଣ୍ଟିବୋୟାଟିକ କାମ ନ କରିବା ଯୋଗୁ ରୋଗୀକୁ ବ଼ଞ୍ଚାଇବା ମଧ୍ୟ କଷ୍ଟକର ହୋଇପଡେ। ଏହି ସୁପରବଗ ଆମ ଦେହକୁ ପନିପରିବା, ଫଳ, ସାଗ ଓ ବନ ସ୍ପତି ମାଧ୍ୟମରେ ପ୍ରବେଶ କରିବା ସହ ଘାତକ ଭୂତାଣୁଙ୍କ ପାଇଁ ମଧ୍ୟ ପଥ ପରିସ୍କାର କରିଦେଉଛନ୍ତି। ଏଣୁ ଆମେ ଏବେ ଅନେକ ସମୟରେ ଭାଇରାଲ ରୋଗବେମାରୀର ଶିକାର  ହେଉଛେ।

ତେବେ ବନସ୍ପତି, ବୃକ୍ଷଲତା ମାଧ୍ୟମରେ ସୁପରବଗ୍ ବ୍ୟାପୁଥିବା ନେଇ ପ୍ରଥମ ଥର ବୈଜ୍ଞାନିକ ଅନୁସନ୍ଧାନରୁ ଜଣାପଡିଛି। ଏହି ସୁପରବଗ୍ ଦୂଷିତ ପନିପରିବା ଅଥବା ଫଳ ଖାଇବା ଯୋଗୁ ହେଉଥିବା ଥଣ୍ଡା,କାସ ଅଥବା ଡାୟରିଆ ଭଳି ନୁହେଁ । ଏମାନେ ବର୍ଷ ବର୍ଷ ଧରି ଆମ ଅନ୍ତରେ ରହି ୟୁରିନ ଇନଫେକ୍ସନ ଭଳି ସମସ୍ୟା ସୃଷ୍ଟିକରିପାରନ୍ତି। ଯାହାର ଚିକିତ୍ସା କରିବା ପରେ କଷ୍ଟକର ହୋଇପାରେ। ତେବେ ମଣିଷ ଶରୀରକୁ ଏହି ସୁପରବଗ କିପରି ପ୍ରବେଶ କରୁଛନ୍ତି ତାର ଅନୁଧ୍ୟାନ ବେଳେ ପ୍ଲାଣ୍ଟ ବେସଡ ଫୁଡ ହିଁ ବାହକ ଭଳି କାମ କରୁଥିବା ପ୍ରଥମ ଥର ଜଣାପଡିଛି। ଏଣୁ ହାଟ ବଜାରରୁ ଚାଷୀଙ୍କ ଉତ୍କୃଷ୍ଟ ଚାଷ ପ୍ରଣାଳିରେ ଉତ୍ପାଦିତ ପନିପରିବା ବଦଳେ ଘରେ ସୁସ୍ଥ ପରିବେଶରେ  ଫୁଲ କୁଣ୍ଡରେ ବିନା ସାର ଓ କୀଟନାସକ ପ୍ରୟୋଗ କରି ନିଜ ପାଇଁ ପନିପରିବା ଓ ଫଳ ଉତ୍ପାଦନ କରି ଖାଇବା ଅଭ୍ୟାସ କରିବା ଏବେ ଜରୁରି ହୋଇପଡିଛି।

   Related Posts