Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ପାକିସ୍ତାନ ବିମାନ ଦୁର୍ଘଟଣାରେ ଚୀନ୍ ଲିଙ୍କ୍, ଲିଜ୍‌ରେ ମିଳିଥିଲା ଏୟାରବସ୍ ଏ ୩୨୦

22/05/2020 at 5:56 PM

କରାଚି ୨୨।୦୫: ପାକିସ୍ତାନ ଇଣ୍ଟରନ୍ୟାସନାଲ ଏୟାରଲାଇନ୍ସ(ପିଆଇଏ)ର ବିମାନ ଏୟାରବସ୍‌ ୩୨୦ କରାଚିର ଜିନ୍ନା ଅନ୍ତରାଷ୍ଟ୍ରୀୟ ବିମାନ ବନ୍ଦର ନିକଟରେ ଏକ ଜନବହୁଳପୂର୍ଣ୍ଣ ଅଞ୍ଚଳରେ ଦୁର୍ଘଟଣାଗ୍ରସ୍ତ ହୋଇଛି। ବିମାନରେ ୯୯ ଯାତ୍ରୀଙ୍କ ସହିତ ୮ କ୍ରୁ ସଦସ୍ୟ ଥିଲେ। କୁହାଯାଉଛି ପାକିସ୍ତାନ ଚୀନର ଏକ ଘରୋଇ କମ୍ପାନୀ ତରଫରୁ ଏୟାରବସ୍ ଏ୩୨୦ ବିମାନକୁ ଲିଜ୍‌ରେ ନେଇଥିଲା।

ଡନ୍ ନ୍ୟୁଜ୍ ଅନୁଯାୟୀ, ବିମାନ ଲାହୋରରୁ କରାଚି ଅଭିମୁଖେ ଯାତ୍ରା କରୁଥିଲା ଏବଂ ଅବତରଣର ଠିକ୍ ପୂର୍ବରୁ କରାଚିର ମୋଡେଲ୍‌ କଲୋନୀରେ ଖସି ପଡିଥିଲା। ବିମାନ ଖସି ପଡିବାରୁ ଅନେକ ଘରେ ନିଆଁ ଲାଗି ଯାଇଛି। ବିସ୍ଫୋରଣ ବହୁତ  ଜୋରଦାର ଥିଲା ଏବଂ ଦୁର୍ଘଟଣାସ୍ଥଳରୁ ଏମିତି ଧୂଆଁ ଉଠୁଥିଲା ଯେ, କିଛି ଦେଖା ଯାଉ ନଥିଲା।

ପାକିସ୍ତାନର ଫାୟର ବ୍ରିଗେଡ୍‌ର ଗାଡି ବହୁତ ମୁସ୍କିଲ ପରେ ନିଆଁକୁ ଆୟତ୍ତ କରିଛନ୍ତି। ଗଳି ସଂକୀର୍ଣ୍ଣ ହୋଇଥିବା କାରଣରୁ ଅଗ୍ନିଶମ ଗାଡିକୁ ଉଦ୍ଧାରକାର୍ଯ୍ୟରେ ସମସ୍ୟାର ସମ୍ମୁଖୀନ  ହେବାକୁ ପଡିଛି। ଉଲ୍ଲେଖଯୋଗ୍ୟ, କରୋନା ଭାଇରସ୍‌ ଲକ୍‌ଡାଉନ୍ କାରଣରୁ ଦେଶରେ ଘରୋଇ ଉଡାଣ ବନ୍ଦ ରହିଥିଲା। ଗତ ଶନିବାରଠୁ ବିମାନ ଚଳାଚଳ ଆରମ୍ଭ ହୋଇଥିଲା।  

ପାକିସ୍ତାନୀ ନ୍ୟୁଜ୍ ଚ୍ୟାନେଲ୍ ଅନୁଯାୟୀ ବିମାନ କୌଣସି ଚୀନ୍ କମ୍ପାନୀଠୁ ଲିଜ୍‌ରେ ନିଆଯାଇଥିଲା। କିନ୍ତୁ ପାକିସ୍ତାନର ଏକ ନ୍ୟୁଜ୍ ଓ୍ଵେବ୍‌ସାଇଟ୍‌ ଦ ନେସନ ଅନୁଯାୟୀ, ଏୟାରବସ୍‌ ଏ ୩୨୦କୁ ପିଆଇଏ ନଭେମ୍ବର ମାସରେ ନିଜ କ୍ଲବରେ ସାମିଲ କରିଥିଲା। ୨୦୧୯ ନଭେମ୍ବର ୨୨ରେ ପ୍ରକାଶିତ ଏହି ସମ୍ବନ୍ଧିତ ଖବରରେ କୁହାଯାଇଛି ଯେ, ପାକିସ୍ତାନର ବେସାମରିକ ବିମାନ ଚଳାଚଳ ବିଭାଗ କୁଏତର ALAFCO ଏଭିଏସନ ଲିଜ୍‌ ଆଣ୍ଡ ଫାଇନାନ୍ସ କମ୍ପାନୀରୁ ବିମାନକୁ  ଲିଜ୍‌ରେ ନେଇଥିଲା।

ଖବର ଅନୁଯାୟୀ, ଲିଜ୍‌ରେ ମିଳିଥିବା ପ୍ରଥମ ବିମାନ କରାଚି ବିମାନ ବନ୍ଦରରେ ପହଞ୍ଚିଥିଲା। ସେହି ସମୟରେ କୁହାଯାଇଥିଲା, ବର୍ଷର ଶେଷ ସୁଦ୍ଧା ଆଉ ଏକ ବିମାନ ପାକିସ୍ତାନରେ ପହଞ୍ଚିଯିବ। ALAFCO  କୁଏତର ଏକ କମ୍ପାନୀ, ଯିଏ ବିମାନକୁ ଲିଜ୍‌ରେ ଦେବା କାରବାର କରିଥାଏ। ଏହି କମ୍ପାନୀରୁ ଚୀନ୍‌ ବିମାନ ନେଇଥିଲା ଏବଂ ପରେ ପାକିସ୍ତାନକୁ ଲିଜ୍‌ରେ ଦେଇଥିଲା।

ପାକିସ୍ତାନ ଏୟାରବସ୍‌ର ଓ୍ଵେବ୍‌ସାଇଟ୍‌ ଅନୁଯାୟୀ, ଏ୩୨୦ ବିମାନ ୧୯୮୪ରେ ଲଞ୍ଚିଂ ହୋଇଥିଲା। ଏହା ୧୯୮୭ ଫେବୃଆରୀ ୨୨ରେ ପ୍ରଥମ ଉଡାଣ ଭରିଥିଲା। ୧୯୮୮ରେ ସର୍ବ ପ୍ରଥମେ ଏୟାର ଫ୍ରାନ୍ସ ଏହାକୁ ନିଜ ବିମାନ କ୍ଲବରେ ସାମିଲ କରିଥିଲା।

   Related Posts