ନୂଆଦିଲ୍ଲୀ - ପ୍ରଧାନମନ୍ତ୍ରୀ ମୋଦୀଙ୍କ ଆମେରିକା ଗସ୍ତ ପାଇଁ ପାକିସ୍ତାନ ଏୟାରସ୍ପେଶ୍ରେ ଯାତ୍ରା ପାଇଁ ଅନୁମତି ଦେବ ନାହିଁ । ପାକିସ୍ତାନ ବିଦେଶମନ୍ତ୍ରୀ ଶାହ ମହମୁଦଦ କୁରେସୀ ଏହି ସୂଚନା ଦେଇଛନ୍ତି । ଭାରତୀୟ ରାଷ୍ଟ୍ରଦୂତଙ୍କୁ ଏ ବିଷୟୟରେ ସୂଚନା ଦିଆଯାଇଛି ବୋଲି କୁରେସୀ ସୂଚନା ଦେଇଛନ୍ତି ।
ଭାରତ ପାକିସ୍ତାନର ଏହି ପଦକ୍ଷେପର ଜବାବ ଦେଇଛି । ପାକିସ୍ତାନ ସରକାରଙ୍କର ଏହି ନିଷ୍ପତ୍ତିକୁ ଆମେ ନିନ୍ଦା କରୁଛୁ ବୋଲି ଭାରତର ବୈଦେଶକ ମନ୍ତ୍ରାଳୟରେ ମୁଖପାତ୍ର ରବୀଶ କୁମାର କହିଛନ୍ତି ।
ପ୍ରଧାନମନ୍ତ୍ରୀ ମୋଦୀ ସେପ୍ଟେମ୍ବର ୨୧ରୁ ୨୭ ପର୍ଯ୍ୟନ୍ତ ଆମେରିକା ଗସ୍ତ କରିବେ । ସେଠାରେ ସେ ହାଓଡି ମୋଦୀ କାର୍ଯ୍ୟକ୍ରମରେ ଅଂଶଗ୍ରହଣ କରିବେ । ଚଳିତମାସରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ବିଦେଶଗସ୍ତ ସମୟରେ ପାକିସ୍ତାନ ଏୟାରସ୍ପେଶ ବ୍ୟବହାରର ଅନୁମତି ଦେଇ ନଥିଲା ।
