ହିନ୍ଦୁ ଧର୍ମରେ ସବୁ ଜୀବଜନ୍ତୁ ଓ ପଶୁପକ୍ଷୀଙ୍କୁ ଅଧିକ ମହତ୍ୱ ଦିଆଯାଇଥାଏ। ବାସ୍ତୁଶାସ୍ତ୍ରରେ ମଧ୍ୟ ଜୀବଜନ୍ତୁଙ୍କୁ ନେଇ ଅନେକ କଥା ଲେଖାଯାଇଛି। ଶାସ୍ତ୍ର ଆନୁସାରେ ଅନେକ ଜୀବଜନ୍ତୁ ଓ ପଶୁପକ୍ଷୀଙ୍କୁ ଶୁଭ ବୋଲି କୁହାଯାଏ ଓ ଅନେକଙ୍କୁ ଅଶୁଭ ବୋଲି କୁହାଯାଏ। ଜୀବଜନ୍ତୁଙ୍କ ଠାରୁ ସକରାତ୍ମକ ସହ ନକରାତ୍ମକ ପ୍ରଭାବ ମଧ୍ୟ ପଡିଥାଏ। ତେବେ ଜାଣନ୍ତୁ ପାରାଙ୍କ ବିଷୟରେ। ପ୍ରାଣୀଙ୍କ ମଧ୍ୟରୁ ପାରା ସବୁଠୁ ଶାନ୍ତ ସ୍ୱଭାବର ବୋଲି କୁହାଯାଏ। ଅଧିକାଂଶ ସମୟରେ ପାରା ମଣିଷ ରହୁଥିବା ଘରେ ବସା ବାନ୍ଧନ୍ତି। କିଛି ଲୋକେ ପାରାଙ୍କ ବସାକୁ ଶୁଭ ମାନନ୍ତି ତ କିଛି ଅଶୁଭ ମାନନ୍ତି। ଏମିତି ଅନେକ ଜିନିଷ ଅଛି ଯାହା ଲୋକଙ୍କ ଜୀବନରେ ଉଭୟ ନକରାତ୍ମକ ଓ ସକରାତ୍ମକ ପ୍ରଭାବ ପକାଇଥାଏ।

ଜୀବନରେ କିଛି ଜଣ ବହୁତ ପରିଶ୍ରମ କରି ସଫଳତା ହାସଲ କରନ୍ତି। ଅପରପକ୍ଷରେ କିଛି ଜଣ ପରିଶ୍ରମ ନକରି ମଧ୍ୟ ସଫଳତା ଲାଭ କରନ୍ତି। ତେବେ କୌଣସି ଘରେ ଯଦି ପାରାମାନେ ବସା ବାନ୍ଧନ୍ତି ଏହା କିଛି ସଂକେତ କରିଥାଏ। ଘରେ ପାରାଙ୍କ ବସା ଥିଲେ ସୁଖ ସମୃଦ୍ଧି ଲାଭ ହୋଇଥାଏ। ଘରର ଆର୍ଥିକ ଅବସ୍ଥା ଉନ୍ନତ ହୋଇଥାଏ। ଘରେ ବାସ କରୁଥିବା ଲୋକଙ୍କ ଜୀବନରେ ସଫଳତା ଆସିଥାଏ। ପାରାଙ୍କ ବସା ଥିଲେ ଘରେ କୌଣସି ଅଶୁଭ ହୋଇନଥାଏ। ତେଣୁ ଘରେ ଥିବା ପାରା ବସାକୁ ଭାଙ୍ଗିବା ଉଚିତ ନୁହେଁ ।