ବଲାଙ୍ଗୀର ୦୫।୦୭: ପିକଅପ ଭ୍ୟାନ୍ ଦୁର୍ଘଟଣା ଗ୍ରସ୍ତ । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୧୨ ଆହତ ହୋଇଥିବା ଜଣାପଡିଛି । ସମସ୍ତ ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ତୁରେକେଲା ଥାନା ବୁଡିବାହାଲ ଛକ ଠାରେ ଏକ ପିକଅପ ଗାଡି ଦୁର୍ଘଟଣା ହୋଇଥିଲା ।
ରେଳ ବିଭାଗ ର ଇଲେକ୍ଟ୍ରିକାଲ ଡିଭିଜନ କିଛି ସାମଗ୍ରୀ ପିକଅପ ଗାଡି ଲାଠୋର ରାସ୍ତା ଦେଇ କଣ୍ଟାବାଞ୍ଜି ଆସୁଥିଲା । ତେବେ ଗାଡିଟି ଠିକ ବୁଡିବାହଲ ଛକ ନିକଟରେ ଭାରସାମ୍ୟ ହରାଇ ଏକ ଚାଷ ଜମି ଭିତରକୁ ପଶିଯାଇଥିଲା । ଫଳରେ ଜଣକର ମୃତ୍ୟୁ ହୋଇଥିବା ବେଳେ ଗାଡିରେ ଥିବା ୧୨ ଜଣଙ୍କ ମଧ୍ୟରୁ ୬ଜଣ ଆହତ ହୋଇଥିବା ବେଳେ ୬ଜଣ ଗୁରୁତର ହୋଇଛନ୍ତି । ଗୁରୁତର ୬ଜଣକୁ ବଲାଙ୍ଗୀର ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ଘଟଣା ସ୍ଥଳକୁ ଖବର ପାଇ ତୁରେକେଲା ପୋଲିସ ପହଂଚି ଆହତ ମାନଙ୍କୁ ଡାକ୍ତରଖାନା ଚିକିତ୍ସା ପାଇଁ ନେଇ ଯାଇଥିଲେ । ମୃତ ବ୍ୟକ୍ତି ପୁରୀ ଜିଲ୍ଲାର ହୋଇଥିବା ବେଳେ ସମସ୍ତେ ଠିକା ଶ୍ରମିକ ବୋଲି ଜଣାପଡିଛି ।