Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ଶାରୀରିକ, ମାନସିକ ଓ ଆଧ୍ୟାତ୍ମିକ ସନ୍ତୁଳନ ଶାନ୍ତି ଆଣିଦିଏ

26/06/2021 at 8:19 PM

ଭୁବନେଶ୍ଵର ୨୬/୦୬: ଶିକ୍ଷାଗତ ଯୋଗ୍ୟତା ଓ ଆର୍ଥିକ ସ୍ଵଚ୍ଛଳତା ନୁହେଁ ମାତ୍ର ଶାରୀରିକ, ମାନସିକ ଓ ଆଧ୍ୟାତ୍ମିକ ସନ୍ତୁଳନ ହିଁ ମନୁଷ୍ୟ କୁ ଶାନ୍ତି ଆଣିଦିଏ।ଏହା କହିଛନ୍ତି ଶିକ୍ଷା ଓ ଅନୁସନ୍ଧାନ ଡିମ୍ଡ ବିଶ୍ଵବିଦ୍ୟାଳୟର କୁଳପତି ତଥା ପ୍ରଖ୍ୟାତ ସ୍ନାୟୁ ବିଶେଷଜ୍ଞ ପ୍ରଫେସର ଅଶୋକ କୁମାର ମହାପାତ୍ର।ସମ୍ମାନଜନକ ସୋଆ ପାକ୍ଷିକ ବକ୍ତୃତା ଶୃଙ୍ଖଳାରେ ଶନିବାର ଦିନ “ସୁସ୍ଥ ସମାଜ ପାଇଁ ଆଧ୍ୟାତ୍ମିକତା” ପ୍ରସଙ୍ଗରେ ନିଜର ମତ ରଖି ଏହା କହିଛନ୍ତି ପ୍ରଫେସର ମହାପାତ୍ର।ପ୍ରଫେସର ମହାପାତ୍ର ସ୍ଵାସ୍ଥ୍ୟ କ’ଣ, ସୁସ୍ଥ ସମାଜ କାହାକୁ କହିବା ଏବଂ ଆଧ୍ୟାତ୍ମିକତାର ଏହାକୁ ଗଢ଼ିବାରେ ଭୂମିକା କଣ ସେ ବିଷୟରେ ମତ ରଖିଥିଲେ।

ବର୍ତ୍ତମାନ ସହ ୧୯୦୦ ମସିହାର ମୁଣ୍ଡପିଛା ଆୟର ତୁଳନା କଲେ ଆମେ ଜାଣିବା ତାହା କେତେ ଗୁଣ ବଢ଼ିଛି। କିନ୍ତୁ ସେହି ଅନୁପାତରେ ଜନ ଜୀବନର ସୁଖ ଓ ଶାନ୍ତି ବଢ଼ିଛି କି? ବଜାର ଭିତ୍ତିକ ଶିକ୍ଷା ବ୍ୟକ୍ତିର ବାହାରଟାକୁ ସଜାଇବାରେ ସକ୍ଷମ ହୋଇଛି । କିନ୍ତୁ ତା’ର ଅନ୍ତରର ଦାରିଦ୍ର୍ୟତା ବଢ଼ି ଚାଲିଛି । ଶଙ୍ଖ ମଲମଲ ଶଯ୍ୟା ନିଦ୍ରାର ଗ୍ୟାରେଣ୍ଟି ଦିଏନି, ଯଦିଓ ଏହା ଏକ ଆତ୍ମ ସନ୍ତୋଷ ଭାବ ଆଣିଦିଏ। ଶାରିରୀକ ସ୍ତରରେ ସୁସ୍ଥତା ଅତି ସ୍ଥୂଳ ପର୍ଯ୍ୟାୟର । ପ୍ରକୃତ ଶାନ୍ତି ପାଇଁ ଲୋଡ଼ା ଶାରିରୀକ, ମାନସିକ ଓ ଆଧ୍ୟାତ୍ମିକ ସନ୍ତୁଳନ।

‘ଆହେ ଦୟାମୟ’ ପ୍ରାର୍ଥନାର ଉଦାହରଣ ଦେଇ ସେ କହିଲେ ଯେ ପିଲାବେଳୁ ଉତ୍ତମ ଚିନ୍ତା, ସତ୍ ସଙ୍ଗ, ଉଚିତ କର୍ମ, ପରୋପକାର, ସାଧୁତା ଓ ସାହସିକତା ଆଦି ଗୁଣର ଅଭ୍ୟାସ ହିଁ ପ୍ରକୃତ ଶିକ୍ଷାର ଭିତ୍ତିଭୂମି ।ଶ୍ରୋତୃବର୍ଗ ପ୍ରଫେସର ମହାପାତ୍ରଙ୍କୁ ଅନେକ ପ୍ରଶ୍ନ ପଚାରିଥିଲେ । ୟୁନିଭର୍ସିଟି ଆଉଟରିଚ ପ୍ରୋଗ୍ରାମର ନିର୍ଦ୍ଦେଶକ ପ୍ରଫେସର ନଚିକେତା ଶର୍ମା ଅତିଥି ପରିଚୟ ଦେବା ସହିତ କାର୍ଯ୍ୟକ୍ରମ ସଞ୍ଚାଳନ କରିଥିଲେ । ଏନଏସଏସ ପ୍ରୋଗ୍ରାମ ଅଫିସର ପ୍ରଫେସର ସରୋଜ କୁମାର ମହାନ୍ତି ଧନ୍ୟବାଦ ଅର୍ପଣ କରିଥିଲେ ।ଏହି ୱେବିନାର ଉଭୟ ଗୁଗୁଲମିଟ ଓ ୟୁଟିଉବରେ ପ୍ରସାରିତ ହୋଇଥିଲା ଓ ୨୫୦ ରୁ ଅଧିକ ଛାତ୍ରଛାତ୍ରୀ, ସ୍ଵେଚ୍ଛାସେବୀ, ପ୍ରୋଗ୍ରାମ ଅଫିସର ଏବଂ ଅନେକ ଗଣ୍ୟମାନ୍ୟ ବ୍ୟକ୍ତି ଏଥିରେ ଯୋଗ ଦେଇଥିଲେ ।

   Related Posts