Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଏବେ ତୃତୀୟ ଲହର ଚାଲିଛି, ତଥାପି ଭୟଭୀତ ହେବାର ଆବଶ୍ୟକତା ନାହିଁ: ମୁଖ୍ୟ ସଚିବ
  • ||
  • ପୁରୀ: ପୋଲିସ କବଜାରେ ୩ ଧଳାଜହର ବେପାରୀ, ୧୭୨ ବ୍ରାଉନ ସୁଗାର ଜବତ
  • ||
  • କ୍ୟାପଟେନ୍ ପଦ ଛାଡିବା ପରେ କୋହଲିଙ୍କ ଟେଷ୍ଟ ରାଙ୍କିଙ୍ଗ୍ରେ ସୁଧାର, ଟପ୍-୧୦କୁ ଫେରିଲେ ବୁମରା
  • ||
  • କଳାହାଣ୍ଡି; ଗୋଲାମୁଣ୍ଡା ଗାଁ ପୋଖରୀରେ ବୁଡି ଜାଆଁଳା ଭାଇ ମୃତ
  • ||
  • ବିଜେପିରେ ମିଶି ପାରନ୍ତି କଂଗ୍ରେସର ପୋଷ୍ଟର ଗର୍ଲ ପ୍ରିୟଙ୍କା ମୌର୍ଯ୍ୟ, କହିଲେ- ପାର୍ଟି ମୋର ଫାଇଦା ଉଠାଇଲା
  • ||
  • ଭାରତର ଷ୍ଟାର ଟେନିସ୍ ଖେଳାଳି ସାନିଆ ମିର୍ଜାଙ୍କ ଅବସର ଘୋଷଣା, ୨୦୨୨ ହେବ ଶେଷ ସିଜିନ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ମୃତ ବ୍ୟକ୍ତିଙ୍କ ପରିବାର ଲୋକଙ୍କୁ ହସ୍ପିଟାଲରୁ ଆସିଲା ଫୋନ: ‘କରୋନା ରିପୋର୍ଟ ଆସିଛି ନେଗେଟିଭ୍, କାଲି ହେବେ ଡିସଚାର୍ଜ୍’

31/05/2020 at 8:44 PM

ଗାନ୍ଧୀନଗର, ୩୧|୦୫:   ଗୁଜୁରାଟର ଅହମଦାବାଦରେ କରୋନା ସବୁଠାରୁ ଅଧିକ ଆତଙ୍କ ସୃଷ୍ଟି କରିଛି । ଏହାମଧ୍ୟରେ ସହରର ସିଭିଲ୍ ହସ୍ପିଟାଲରେ ଏକ ଚକିତ କଲା ଭଳି ଘଟଣା ସାମ୍ନାକୁ ଆସିଛି  ।ହସ୍ପିଟାଲ ଅବହେଳାର ଏକ ଘଟଣା ଚର୍ଚ୍ଚାର ବିଷୟବସ୍ତୁ ପାଲଟିଛି ।

ସୂଚନାନୁସାରେ, ଅହମଦାବାଦର ନିକୋଲ ଅଞ୍ଚଳରେ ରହୁଥିବା ଜଣେ ବ୍ୟକ୍ତି ଦେବରାମ ଭାଇ ଭିସିକର ସନ୍ଦିଗ୍ଧ କରୋନା ଆକ୍ରାନ୍ତ ଭାବେ ସିଭିଲ୍ ହସ୍ପିଟାଲରେ ଭର୍ତ୍ତି ହୋଇଥିଲେ । ଏହାର ପରଦିନ ଦ୍ୱିପ୍ରହରରେ ତାଙ୍କର ଦେହାନ୍ତ ହୋଇଯାଇଥିଲା । ସେହିଦିନ ପରିବାର ଲୋକେ ଦେବରାମଭାଇଙ୍କ ଅନ୍ତିମ ସଂସ୍କାର କରିଥିଲେ । ତେବେ ଅନ୍ତିମ ସଂସ୍କାର ପୂର୍ବରୁ ତାଙ୍କ ଚେହେରା ଦେଖିବା ପାଇଁ ଅନୁମତି ଦିଆଯାଇ ନଥିଲା । ଏହାର ପରଦିନ ତାଙ୍କ ପରିବାର ଲୋକଙ୍କ ପାଖକୁ ହସ୍ପିଟାଲରୁ କଲ୍ ଆସିଥିଲା । ଦେବରାମଭାଇ ଜୀବିତ ଅଛନ୍ତି ଓ ସେ ସାମାନ୍ୟ ସୁସ୍ଥ ହେବା ପରେ ତାଙ୍କୁ ଓ୍ୱାର୍ଡକୁ ସ୍ଥାନାନ୍ତର କରାଯିବ ବୋଲି କୁହାଯାଇଥିଲା । ଏହାପରେ ଦେବରାମଭାଇ ଜୀବତ ନା ମୃତ ପରିବାର ଲୋକେ ଦ୍ୱନ୍ଦ୍ୱରେ ପଡିଯାଇଥିଲେ ।

ପରିବାର ଲୋକେ କହିଛନ୍ତି ଯେ, ଦେବରାମଭାଇ ଜୀବିତ ନା ମୃତ ସେମାନେ ଦ୍ୱନ୍ଦ୍ୱରେ ପଡିଯାଇଛନ୍ତି । ସେମାନେ କାହାର ଅନ୍ତିମ ସଂସ୍କାର କଲେ ତାହା ମଧ୍ୟ ଜାଣି ନାହାଁନ୍ତି । ୨୮ ତାରିଖରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ୨୯ ତାରିଖ ଦ୍ୱିପ୍ରହରରେ ଦୁଃଖଦ ଖବର ମିଳିଥିଲା । ଏହାପରେ ୩୦ ହସ୍ପିଟାଲ ପକ୍ଷରୁ ସେ ସୁସ୍ଥ ଥିବା ଓ ସୁସ୍ଥ ହେଉଥିବା ଫୋନ ଆସିଥିଲା । ପରିବାର ଲୋକେ ଏନେଇ ହସ୍ପିଟାଲ ଯାଇ କର୍ମଚାରୀଙ୍କୁ ପଚାରିବାରୁ ସେମାନେ କୌଣସି ଉତ୍ତର ଦେଇପାରି ନଥିଲେ । ଏହାପରେ ସେମାନେ ଘରକୁ ଫେରିଯାଇଥିଲେ । ପୁଣିଥରେ ହସ୍ପିଟାଲରୁ ଫୋନ ଆସିଥିଲା । ଏପରିକି ଦେବରାମଭାଇଙ୍କ କରୋନା ରିପୋର୍ଟ ନେଗେଟିଭ୍ ଥିବା କୁହାଯାଇଥିଲା ।

ଏହି ଘଟଣାକୁ ନେଇ ହସ୍ପିଟାଲର ନିର୍ଦ୍ଦେଶକ କହିନନ୍ତି ଯେ, ମଧୁମେହରେ ଦେବରାମଭାଇ ପ୍ରାଣ ହରାଇଥିଲେ । ତାଙ୍କର କରାନା ଟେଷ୍ଟ୍ କରାଯାଇଥିଲା । ତେବେ ସୂଚନା ଦେବାରେ ସାମାନ୍ୟ ଭୁଲ ହୋଇଥିବା ସେ ସ୍ୱୀକାର କରିଥିଲେ ।  

   Related Posts