ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବେଙ୍ଗାଲୁରୁ: ଶରୀରରୁ ଚର୍ବି ଘଟାଇବା ହେଲା କାଳ, ପ୍ଲାଷ୍ଟିକ ସର୍ଜରୀ ବେଳେ ଅଭିନେତ୍ରୀଙ୍କ ମୃତ୍ୟୁ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୩ ପଜିଟିଭ୍
  • ||
  • ଦେଶରେ କମୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୫୬୯ କରୋନା ପଜିଟିଭ୍
  • ||
  • ଡାଇଭ୍ ମାରି କ୍ୟାଚ୍ ଧରିଲେ ଜନି ବେୟରଷ୍ଟୋ, ହେଲେ ଅମ୍ପାୟାର କହିଲେ ନଟଆଉଟ୍ ! ଜାଣନ୍ତୁ କାହିଁକି…
  • ||
  • ଲମତାପୁଟ : ରାଜ୍ୟ ବାହାରକୁ ଗଞ୍ଜେଇ ଚାଲାଣ ବେଳେ ମାଡିବସିଲା ପୋଲିସ, ୨ ଗିରଫ
  • ||

ନୟାଗଡରେ ରୋଗୀଙ୍କଠାରୁ ଚିକିତ୍ସା ଏବଂ ମେଡିସିନ୍ ପାଇଁ ଟଙ୍କା ଆଦାୟ କରୁଛନ୍ତି ଫାର୍ମାସିଷ୍ଟ

6/09/2018 at 5:37 PM

ନୟାଗଡ ୬|୯: ରୋଗୀଙ୍କଠାରୁ ଟଙ୍କା ଆଦାୟ କରୁଛନ୍ତି ଫାର୍ମ।ସିଷ୍ଟ । ଚିକିତ୍ସା ଏବଂ ମେଡିସିନ୍ ପାଇଁ ଟଙ୍କା ନେଉଥିବା ବେଳର ଭିଡିଓ ଏବେ ଭାଇରାଲ୍ ହୋଇଛି । ନୟାଗଡ ଜିଲ୍ଲା ଟାକେରା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରର ଫାର୍ମ।ସିଷ୍ଟ ଗୋବର୍ଦ୍ଧନ ସାହୁ ଏହି ଟଙ୍କା ନେଉଥିବା ଭିଡିଓ ଏବେ ସୋସିଆଲ୍ ମିଡିଆରେ ବୁଲୁଛି । ପ୍ରାଥମିକ ସ୍ବାସ୍ଥ୍ୟକେନ୍ଦ୍ରଠାରୁ ଆରମ୍ଭ କରି ଜିଲ୍ଲା ସ୍ବାସ୍ଥ୍ୟକେନ୍ଦ୍ର ଗୁଡିକରେ ରୋଗୀଙ୍କୁ ମାଗଣାରେ ଚିକିତ୍ସା ଏବଂ ଔଷଧ ପ୍ରଦାନ କରିବା ପାଇଁ ସରକାର ଓଡିଶା ଷ୍ଟେଟ୍ ମେଡିକାଲ୍ କର୍ପୋରେସନ୍ ଏବଂ ନିରାମୟ ଯୋଜନା କରିଛି । ହେଲେ କିଛି ଦୁର୍ନୀତିଖୋର କର୍ମଚାରୀଙ୍କ ଯୋଗୁଁ ଯୋଜନା ଦିଗହରା ହେଉଛି । ଟାକେରା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଦୀର୍ଘଦିନ ହେଲେ ଡାକ୍ତର ନଥିବାରୁ ସମ୍ପୃକ୍ତ ଫାର୍ମ।ସିଷ୍ଟ ଜଣଙ୍କ ସେଠାରେ ସର୍ବେସର୍ବ। ହୋଇ ରହିଛନ୍ତି । ରୋଗୀଦେଖାଠାରୁ ଆରମ୍ଭ କରି ଔଷଧ ଦେବା ପର୍ଯ୍ୟନ୍ତ ସବୁ କାମ ସେ କରିଥାନ୍ତି । ଫାର୍ମ।ସିଷ୍ଟ ଜଣଙ୍କ ସରକାରୀ ଔଷଧ ଏବଂ ବାହାର ଔଷଧ ପାଖରେ ରଖି ଚିକିତ୍ସା ଆଳରେ ସେସବୁକୁ ରୋଗୀଙ୍କୁ ବିକ୍ରି କରି ଭଲ ରୋଜଗାର କରୁଥିବା ଅଭିଯୋଗ ହୋଇଆସୁଥିଲା । ହେଲେ କୌଣସି କାର୍ଯ୍ୟାନୁଷ୍ଠାନ ହେଉନଥିଲା । ଗତ ଦୁଇଦିନ ତଳେ ଫାର୍ମ।ସିଷ୍ଟ ଜଣେ ରୋଗୀଙ୍କଠାରୁ ଖୁଲମଖୁଲା ଟଙ୍କା ନେଉଥିବା ସମୟର ଭିଡିଓ ଭାଇରାଲ୍ ହେବା ପରେ ଜିଲ୍ଲା ସ୍ବାସ୍ଥ୍ୟ ବିଭାଗର ଆଖି ଖୋଲିଛି । ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସି.ଡି.ଏମ୍.ଓ. କହିଛନ୍ତି।

   Related Posts