ନୂଆଦିଲ୍ଲୀ ୮/୯: ଇମ୍ପ୍ଲୋଇ ପ୍ରୋଭିଡେଂଟ ଫଣ୍ଡ ତଥା ଇପିଏଫଓ ଏକ ରିଟାୟରମେଂଟ ପ୍ଲାନ ଅଟେ । ତେବେ ଅର୍ଥନୀତିଜ୍ଞମାନେ ପରାମର୍ଶ ଦିଅନ୍ତି କି ଚାକିରିରୁ ଅବସର ନେବା ପୂର୍ବରୁ ପିଏଫ ଟଙ୍କା ଉଠାଇବା ଉଚିତ ନୁହେଁ । ସରକାର ବି ସେହି ହିସାବରେ ନିୟମ ପ୍ରସ୍ତୁତ କରିଛନ୍ତି କି କର୍ମଚାରୀ ଚାକିରିରୁ ଅବସର ନେବା ପରେ ହିଁ ଏହି ଟଙ୍କାକୁ ଉଠାଇପାରିବେ । ଯାହାଦ୍ବାରା ଚାକିରି ପରେ ସେମାନଙ୍କୁ କୌଣସି ପ୍ରକାରର ଆର୍ଥିକ ସମସ୍ୟା ଦେଇ ଯେଭଳି ଗତିକରିବାକୁ ନପଡେ । ତେବେ କିଛି ବିଶେଷ ପରିସ୍ଥିତିରେ ବି କର୍ମଚାରୀମାନେ ନିଜର ଏହି ପିଏଫ ଆମାଉଂଟକୁ ଉଠାଇପାରିବେ । ଇମ୍ପ୍ଲୋଇ ପ୍ରୋଭିଡେଂଟ ଫଣ୍ଡ ଆକ୍ଟ ୧୯୫୨ ଅନୁସାରେ କର୍ମଚାରୀଙ୍କ ବେସିକ୍ ସାଲାରୀର ୧୨ ପ୍ରତିଶତ ଅଂଶ ପିଏଫ ବାବଦକୁ କଟିଯାଇଥାଏ ।ତେବେ ପିଏଫ ଟଙ୍କା ମଝିରେ ଉଠାଇଲେ ଟ୍ୟାକ୍ସ ମଧ୍ୟ ଦେବାକୁ ପଡିଥାଏ । ଜାଣନ୍ତୁ କଣ ରହିଛି ନିୟମ ।
ପିଏଫ ଉଠାଣ ଉପରେ କଣ ରହିଛି ଇନକମ ଟ୍ୟାକ୍ସ ନିୟମ
wp:list {"ordered":true}- ଯଦି କୌଣସି କଂପାନୀରେ କୌଣସି କର୍ମଚାରୀ ୫ ବର୍ଷ ରହିଥିବେ ଆଉ ସେ ଯଦି ଇପିଏଫ ଉଠାନ୍ତି ତେବେ ତା ଉପରେ ଇନକମ ଟ୍ୟାକ୍ସର କୌଣସି ଲୟାବିଲିଟି ନଥାଏ । ୫ ବର୍ଷର ଅବଧି ଏକ କିମ୍ବା ଏହାଠୁ ଅଧିକ କିମ୍ବା କଂପାନୀକୁ ମିଶାଇ ବି ହୋଇପାରେ । ତେବେ ଏଥିପାଇଁ ଗୋଟିଏ ହିଁ କଂପାନୀରେ ୫ ବର୍ଷ ପୁରା କରିବା ଜରୁରୀ ନୁହେଁ ।କିନ୍ତୁ ମୋଟ ଅବଧି ଅତି କମରେ ୫ ବର୍ଷ ହେବା ନିହାତି ଜରୁରୀ ।
- ଯଦି କୌଣସି କର୍ମଚାରଙ୍କ ସ୍ବାସ୍ଥ୍ୟଗତ ସମସ୍ୟା ରହିଥାଏ, କିମ୍ବା କଂପାନୀ ବନ୍ଦ ହୋଇଯାଏ କିମ୍ବା ଏଭଳି ଅନ୍ୟ କୌଣସି କାରଣ ଯୋଗୁଁ କର୍ମଚାରୀଙ୍କ ଚାକିରି ଚାଲିଯାଏଁ ଏବଂ ଆପଣ ଉକ୍ତ କଂପାନୀରେ ୫ ବର୍ଷରୁ ଅଧିକ ଦିନ ହେଲା କାମ କରିଆସିଛନ୍ତି ତେବେ ବି ତା ଉପରେ ଇନକମ ଟ୍ୟାକ୍ସ ଲୟାବିଲିଟ୍ ନଥାଏ ।
- ସେହିଭଳି ଇପିଏଫ ଆକାଉଂଟରେ ଯଦି ୩୬ ମାସ ଯାଏଁ କୌଣସି ପ୍ରେମେଂଟ ହୋଇନାହିଁ ତେବେ ତାକୁ ନିସ୍କ୍ରିୟ ବୋଲି ଘୋଷଣା କରାଯିବ । ସେହିପରି ପିଏଫ ଆକାଉଂଟରେ ଇଂଟରେଷ୍ଟ ସେପର୍ଯ୍ୟନ୍ତ ମିଳୁଥିବ , ଯେପର୍ଯ୍ୟନ୍ତ କର୍ମଚାରୀଙ୍କ ରିଟାୟରମେଂଟ ବୟସ ପୁରି ନାହିଁ । ତେବେ ଚାକିରି ଛାଡିବା ପରେ ଇଂଟରେଷ୍ଟ ଟ୍ୟାକ୍ସ ପରିସରକୁ ଚାଲିଆସିଥାଏ ।
- ପାଂଚ ବର୍ଷର ଅବଧି ପୁରା ନହେଲେ ଉଭୟ ଟିଡିଏସ ଏବଂ ଟ୍ୟାକ୍ସ ୧୦ ପ୍ରତିଶତ କଟିଥାଏ । ୫୦ ହଜାର କିମ୍ବା ଏହାଠୁ ଅଧିକ ଆମାଉଂଟ ରହିଥିଲେ ଏବଂ ଅବଧି ପାଂଚ ବର୍ଷରୁ କମ ହୋଇଥିଲେ ତେବେ ଫର୍ମ ୧୫ଜି କିମ୍ବା ୧୫ଏଚ ଜମା କରି ଆପଣ ଟିଡିଏସରୁ ରକ୍ଷା ପାଇପାରିବେ ।
