Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||

ପେଟ୍ରୋଲ ପମ୍ପ ବିସ୍ଫୋରଣ: ବାପା-ମାଆ କହିଲେ, ପୁଅ ଅସ୍ତି ଟିକକ ମିଳିଲେ ବିସର୍ଜନ କରିବୁ,

30/10/2020 at 3:17 PM

ଆସିକା୩୦/୧୦: ଚଳିତ ମାସ ୭ ତାରିଖରେ ଭୁବନେଶ୍ୱରରେ ପେଟ୍ରାଲ୍‌ ପମ୍ପ ବିସ୍ଫୋରଣରେ ନିଖୋଜ ଥିବା ସୀମାଞ୍ଚଳ ପରିଡାଙ୍କ ମୃତ୍ୟୁ ଘଟିଥିବା ଏକରକମ ସ୍ପଷ୍ଟ ହୋଇଛି । ତାଙ୍କ ଡିଏନ୍‌ଏ ରିପୋର୍ଟରୁ ଏହା ସ୍ପଷ୍ଟ ହୋଇଛି । ଗୁରୁବାର ଏହା ଜଣାପଡିବା ପରେ ଘରେ ପୁଣି କାନ୍ଦବୋବାଳି ପଡିଯାଇଛି । ବୃଦ୍ଧା ବାପା ମାଆ ନିଜ କୋହକୁ ଚପାଇ ରଖି ନପାରି ଲୁହ ଗଡାଈ ବାହୁନି ବାହୁନି କାନ୍ଦୁଛନ୍ତି । ମଲା କାଳକୁ ତାଙ୍କ ଶବକୁ କିଏ କାନ୍ଧ ଦେବ ବୋଲି ଅଥୟ ଅଧିର ହୋଇ ପଡୁଛନ୍ତି ।

ପୁଅ ଥାଆନ୍ତା ତେବେ ବୁଢା ବୁଢୀଙ୍କ ଆତ୍ମାର ସଦ୍‌ଗତି ପାଇଁ ଗଙ୍ଗାରେ ଅସ୍ଥି ବିସର୍ଜନ କରିଥାନ୍ତା, ପିଣ୍ଡ ଦେଇଥାନ୍ତା । ହେଲେ ସବୁକଥା ଓଲଟ ପାଲଟ ହୋଇଗଲା । ଏବେ ଅନ୍ତତଃ ପୁଅର ଅସ୍ଥି ଟିକକ ଆମକୁ ମିଳୁ । ଆମେ ତାହାକୁ ଗଙ୍ଗାରେ ବିସର୍ଜନ କଲେ ପୁଅର ଆତ୍ମା ସଦ୍‌ଗତି ପ୍ରାପ୍ତ ହୁଅନ୍ତା ବୋଲି କହିଛନ୍ତି ସୀମାଞ୍ଚଳଙ୍କ ବାପା ତ୍ରିନାଥ ପରିଡା ।

ମୃତ ସୀମାଞ୍ଚଳଙ୍କ ବାପା ତ୍ରିନାଥ ଏବେ ସରକାରଙ୍କୁ ପୁଅର ଅସ୍ଥି ଟିକକ ମାଗୁଛନ୍ତି । ଗଙ୍ଗାରେ ଅସ୍ଥି ବିସର୍ଜନ କରିବାକୁ ତାଙ୍କ ଶେଷ ଇଚ୍ଛା । ସେପଟେ ମାଆ ମାଲ ପରିଡା ପୁଅ ମୁତ୍ୟୁ ପରେ ଘର ଚଳିବ କେମିତି, ବୋହୂ- ନାତିନାତୁଣୀଙ୍କ କଥା କିଏ ବୁଝିବ ସେହି ଚିନ୍ତାରେ ଏବେ ମ୍ରିୟମାଣ ହୋଇପଡିଛନ୍ତି । ପ୍ରକାଶ ଥାଉକି ଦଶ ଦିନ ତଳେ ଗଞ୍ଜାମ ଜିଲ୍ଲା ଆସିକା ବ୍ଲକ୍‌ ଗହଙ୍ଗୁ ଗ୍ରାମର ନିଖୋଜ ସୀମାଞ୍ଚଳ ପରିଡାଙ୍କ ବାପା, ମାଆ ଭୁବନେଶ୍ୱର ଯାଇ ଡିଏନ୍‌ଏ ପରୀକ୍ଷା ସକାଶେ ରକ୍ତ ଦେଇ ଆସିଥିଲେ ।

ପେଟ୍ରୋଲ୍‌ ପମ୍ପ୍‌ ଦୁର୍ଘଟଣା ଦିନ ହିଁ ସୀମାଞ୍ଚଳ କୁଆଡେ ପ୍ରାଣ ହରାଇଥିଲେ । ବେଶ୍‌ କିଛି ଦିନ ଖୋଜାଖୋଜି କରିବା ସତ୍ତେ୍ୱ ନିଖୋଜ ପୁଅର କୌଣସି ଖୋଜଖବର ନମିଳିବାରୁ ଶେଷକୁ ପ୍ରତୀକ ଶବଦାହ (ପାଳ ଶବ କରି ଶ୍ମଶାନରେ ଅନ୍ତିମ ସଂସ୍କାର) କରିଥିଲେ । ଯେହେତୁ ଘଟଣାସ୍ଥଳରେ ସୀମାଞ୍ଚଳଙ୍କ ଏଟିଏମ୍‌ କାର୍ଡ, ଜୋତା, ଫଟୋ ଆଦି ମିଳିଥିଲା ତାହାକୁ ପ୍ରମାଣ ଭାବେ ଗ୍ରହଣ କରି ମୃତ୍ୟୁ ଘଟିଥିବା ସନ୍ଦେହ କରାଯାଉଥିଲା । ହେଲେ ସରକାର ପକ୍ଷରୁ ବିସ୍ଫୋରଣ ପର ଠାରୁ ସୀମାଞ୍ଚଳଙ୍କ ମୃତ୍ୟୁ ନେଇ କୌଣସି ତଥ୍ୟ ସ୍ୱଷ୍ଟ କରାଯାଇ ନଥିଲା ।

ଦୁର୍ଘଟଣାର ଏତେ ଦିନ ପରେ ଘଟଣାସ୍ଥଳରୁ ମିଳିଥିବା ମାଂସ ଖଣ୍ଡ ଓ ହାଡ଼ ସାଙ୍ଗକୁ ପରିବାର ଲୋକଙ୍କ ଡିଏନ୍‌ଏକୁ ନେଇ ଯାଞ୍ଚ ପରେ ରିପୋର୍ଟ ଆସିଛି ଓ ଗୁରୁବାର ସୀମାଞ୍ଚଳଙ୍କ ମୃତ୍ୟୁ ସ୍ପଷ୍ଟ ହୋଇଛି । ଏହି ଖବର ଘର ଲୋକଙ୍କ ନିକଟରେ ପହଞ୍ଚିବା ପରେ ପୁଣି ଶୋକାକୂଳ ପରିବେଶ ସୃଷ୍ଟି ହୋଇଥିଲା। ଭୁବନେଶ୍ୱର ପେଟ୍ରୋଲ୍‌ ପମ୍ପ୍‌ରେ ବିସ୍ଫୋରଣ ପରେ ସେଠାରେ କାର୍ଯ୍ୟରତ ସୀମାଞ୍ଚଳ ପରିଡାଙ୍କ କୌଣସି ଖୋଜଖବର ମିଳି ନଥିଲା । ତ୍ରିନାଥଙ୍କ ଏକମାତ୍ର ରୋଜଗାରିଆ ପୁଅ ସୀମାଞ୍ଚଳଙ୍କ ସ୍ତ୍ରୀ ସମେତ ପୁଅ, ଝିଅ ଏବଂ ବୃଦ୍ଧା ମାଆଙ୍କୁ ମିଶାଇ ପାଞ୍ଚ ପ୍ରାଣୀ କୁଟୁମ୍ବ ଏବେ ଅନାଥ। ପରିବାରର ଥଇଥାନ ସମେତ ଆର୍ଥିକ ସହାୟତା ଦେବାକୁ ଦାବି କରିଛନ୍ତି ଅଞ୍ଚଳବାସୀ ।

   Related Posts