Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଷ୍ଟେଟ୍ ବ୍ୟାଙ୍କ ଉପରେ କୋଟିଏ ଟଙ୍କାର ଫାଇନ ଲଗାଇଲେ ରିଜର୍ଭ ବ୍ୟାଙ୍କ, ସବୁଠୁ ବଡ ବ୍ୟାଙ୍କ ବିରୋଧରେ ଋଣ ନିୟମ ଉଲ୍ଲଙ୍ଘନ ଅଭିଯୋଗ
  • ||
  • ଶ୍ରେୟସ ଆୟରଙ୍କ ଉପରେ ମୁମ୍ବାଇ ଇଣ୍ଡିଆନ୍ସର ନଜର, ରାହୁଲ ଓ ଧାଓ୍ୱନ ବି ବଦଳାଇବେ ଟିମ୍ !
  • ||
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||

ଅଧା ହୋଇପାରେ ପେଟ୍ରୋଲ-ଡିଜେଲ୍ ଦାମ୍, ଏହି ବିକଳ୍ପ ଉପରେ ବିଚାର କରୁଛନ୍ତି ସରକାର

24/02/2021 at 4:40 PM

ନୂଆଦିଲ୍ଲୀ ୨୪।୦୨: ଦେଶରେ ସଂପ୍ରତି ପେଟ୍ରୋଲ-ଡିଜେଲ୍‌ ଦର ଆକାଶଛୁଆଁ ରହିଛି। ତୈଳ ଦରକୁ ନେଇ ଲୋକେ କଲ୍‌ବଲ୍‌। ଏପରିକି ଦେଶର ଅନେକ ରାଜ୍ୟରେ ପେଟ୍ରୋଲ ୧୦୦ ଛୁଇଁଲାଣି। ଯଦି କେନ୍ଦ୍ର ସରକାର ପେଟ୍ରୋଲିୟମ ଉତ୍ପାଦକୁ ବସ୍ତୁ ଓ ସେବା କର(ଜିଏସଟି)ରେ ସାମିଲ କରିବେ ତେବେ ସାଧାରଣ ଜନତାଙ୍କୁ ଏଥିରୁ ଆଶ୍ଵସ୍ତି ମିଳି ପାରିବ। ଅର୍ଥ ମନ୍ତ୍ରୀ ନିର୍ମଳା ସୀତାରମଣ ଓ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାର ସଙ୍କେତ ମଧ୍ୟ ଦେଇ ସାରିଛନ୍ତି। ଜିଏସଟିରେ ସାମିଲ ହେଲେ ପେଟ୍ରୋଲ-ଡିଜେଲ୍ ଦାମ ବର୍ତ୍ତମାନ ଦରଠୁ ଅଧା ହୋଇଯିବ।

ବର୍ତ୍ତମାନ ପେଟ୍ରୋଲ ଓ ଡିଜେଲ୍ ଉପରେ କେନ୍ଦ୍ର ସରକାର ଉତ୍ପାଦ ଶୁଳ୍କ ଓ ରାଜ୍ୟ ଭାଟ୍‌ ଆଦାୟ କରୁଛନ୍ତି। କେବଳ ଶୁଳ୍କ ଏତେ ରହିଛି ଯେ, ୩୫ ଟଙ୍କାର ପେଟ୍ରୋଲ ବିଭିନ୍ନ ରାଜ୍ୟରେ ଲିଟର ପିଛା ୯୦ ରୁ ୧୦୦ ଟଙ୍କାରେ ବିକ୍ରି ହେଉଛି। ଫେବୃଆରୀ ୨୩ରେ ଦିଲ୍ଲୀରେ ପେଟ୍ରୋଲ ଲିଟର ପିଛା ୯୦.୯୩ ଟଙ୍କା ଓ ଡିଜେଲ୍ ଲିଟର ପ୍ରତି ୮୧.୩୨ ଟଙ୍କାରେ ରହିଥିଲା। ପେଟ୍ରୋଲ ଉପରେ କେନ୍ଦ୍ର ସରକାର ୩୨.୯୮ ଟଙ୍କାର ଉତ୍ପାଦ ଶୁଳ୍କ ଲଗାଉଛନ୍ତି। ଦେଶରେ ଜିଏସଟି ଲାଗୁ ହୋଇଥିଲେ ମଧ୍ୟ ପେଟ୍ରୋଲ-ଡିଜେଲ୍‌କୁ‌ ଏଥିରୁ ବାହାରେ ରଖାଯାଇଛି। ଏବେ ସୀତାରମଣ ଇନ୍ଧନ ମୂଲ୍ୟ ହ୍ରାସ ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ମିଳିତ ସହଯୋଗ ଓ ସମନ୍ଵୟ ପାଇଁ ଆହ୍ଵାନ ଦେଇଛନ୍ତି।

ଜିଏସଟିରେ ସାମିଲ ହେଲେ ଏହା ପଡିବ ପ୍ରଭାବ

ଯଦି ପେଟ୍ରୋଲିୟମ ଉତ୍ପାଦକୁ ଜିଏସଟିରେ ଅନ୍ତର୍ଭୁକ୍ତ କରାଯାଏ ତେବେ ସମଗ୍ର ଦେଶରେ ପେଟ୍ରୋଲ-ଡିଜେଲ୍ ଦର ସାମାନ୍ୟ ହୋଇଯିବ। କେବଳ ଏତିକି ନୁହେଁ ଯଦି ଜିଏସଟି ପରିଷଦ କମ ସ୍ଲାବ୍‌ର ବିକଳ୍ପ ଚୟନ କରନ୍ତି ତେବେ ତୈଳ ଦର ଆହୁରି କମ ହୋଇଯିବ। ବର୍ତ୍ତମାନ ଭାରତରେ ଚାରୋଟି ପ୍ରାଥମିକ ଜିଏସଟି ସ୍ଲାବ ରହିଛି। ତାହା ହେଉଛି- ୫ ପ୍ରତିଶତ, ୧୨ ପ୍ରତିଶତ, ୧୮ ପ୍ରତିଶତ ଓ ୨୮ ପ୍ରତିଶତ ରହିଛି। କିନ୍ତୁ ଏ ପର୍ଯ୍ୟନ୍ତ କେନ୍ଦ୍ର ଓ ରାଜ୍ୟ ସରକାର ଉତ୍ପାଦ ଶୁଳ୍କ ଓ ଭାଟ୍ ନାମରେ ଇନ୍ଧନ ଉପରୁ ୧୦୦ ପ୍ରତିଶତରୁ ଅଧିକ ଟ୍ୟାକ୍ସ ଆଦାୟ କରୁଛନ୍ତି।

ସମସ୍ୟା ମଧ୍ୟ ରହିଛି

ସରକାରଙ୍କ ପ୍ରମୁଖ ରାଜସ୍ଵ ପେଟ୍ରୋଲିୟମ ଉତ୍ପାଦରୁ ଆସୁଛି। ଏଥିପାଇଁ ଜିଏସଟି ପରିଷଦ ପେଟ୍ରୋଲ ଓ ଡିଜେଲ୍‌କୁ ଅଧିକ ସ୍ଲାବ୍‌ରେ ରଖି ପାରନ୍ତି। ଏଥିସହ ଏହା ଉପରେ ଉପକର ଲଗାଇବାର ସମ୍ଭାବନା ମଧ୍ୟ ରହିଛି। ସରକାରୀ ତଥ୍ୟ ଅନୁଯାୟୀ ଚଳିତ ଆର୍ଥିକ ବର୍ଷର ପ୍ରଥମ ଛଅ ମାସରେ ପେଟ୍ରୋଲିୟମ କ୍ଷେତ୍ରରୁ ସରକାର ୨ ଲକ୍ଷ ୩୭ ହଜାର ୩୩୮ କୋଟି ଟଙ୍କାର ରାଜସ୍ଵ ଆଦାୟ କରିଛନ୍ତି। ଏଥିରେ ୧, ୫୩, ୨୮୧ କୋଟି ଟଙ୍କା କେନ୍ଦ୍ରର ଅଂଶ ରହିଥିବା ବେଳେ ୮୪,୦୫୭ ଟଙ୍କା ରାଜ୍ୟର।

   Related Posts