Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

୨୦୧୪ ରୁ ୨୦୨୧ ପର୍ଯ୍ୟନ୍ତ : ପେଟ୍ରୋଲ ୩୦ ଟଙ୍କା ଏବଂ ୩୬ ଟଙ୍କା ମହଙ୍ଗା ହେଲାଣି ଡିଜେଲ ଦର, କେଉଁ ବର୍ଷ କେତେ ବଢିଛି ଜାଣନ୍ତୁ…

11/06/2021 at 2:45 PM

ନୂଆଦିଲ୍ଲୀ ୧୧/ ୦୬ : ଦେଶରେ ପେଟ୍ରୋଲ ଏବଂ ଡିଜେଲ ଦର ବୃଦ୍ଧି ଲଗାତାର ଭାବେ ଜାରି ରହିଛି । ଗତ କିଛି ଦିନ ହେଲା ବେକାବୁ ହେଉଥିବା ତେଲ ଦର ସାଙ୍ଗକୁ କରୋନା ମାଡ ଲୋକମାନଙ୍କୁ ହସ୍ତବ୍ୟସ୍ତ କରିଦେଲାଣି । ଏହି କ୍ରମରେ ଶୁକ୍ରବାର ପୁଣି ଥରେ ଦେଶରେ ବୃଦ୍ଧି ପାଇଛି ପେଟ୍ରୋଲ ଏବଂ ଡିଜେଲ ଦର । ରାଜଧାନୀ ଦିଲ୍ଲୀରେ ପେଟ୍ରୋଲ ଲିଟର ପିଛା ୨୯ ପଇସା ଏବଂ ଡିଜେଲ ୨୮ ପଇସା ପ୍ରତି ଲିଟର ବୃଦ୍ଧି ପାଇଛି । ବର୍ତ୍ତମାନ ଦିଲ୍ଲୀରେ ପେଟ୍ରୋଲ ୯୫.୮୫ ଟଙ୍କା ଏବଂ ଡିଜେଲ ୮୬.୭୫ ଟଙ୍କା ରହିଛି ।
ସେହିଭଳି ମୁମ୍ବାଇରେ ପେଟ୍ରୋଲ ଦର ଶହେ ଟଙ୍କା ପାର କରିଛି । ପେଟ୍ରୋଲ ୧୦୧.୦୪ ଟଙ୍କା ରହିଥିବା ବେଳେ ଡିଜେଲ ଦର ଲିଟ ପିଛା ରହିଛି ୯୪.୧୫ ଟଙ୍କା । ଦିଲ୍ଲୀ ଏବଂ ମୁମ୍ବାଇ ବ୍ୟତିତ ଦେଶର ଅନେକ ସ୍ଥାନରେ ତୈଳ ଦର ବୃଦ୍ଧି ପାଉଛି । ଅନେକ ରାଜ୍ୟରେ ଦର ଶହେ ପାର କରିବା ପରେ ଖାଉଟିଙ୍କ ଚିନ୍ତା ବଢିଯାଇଛି ।
ଏହି କ୍ରମରେ ଯଦି ଦେଖିବାକୁ ଯିବା ଦେଶରେ ଗତ ୭ ବର୍ଷ ମଧ୍ୟରେ ପେଟ୍ରୋଲ ୩୦ ଟଙ୍କା ବୃଦ୍ଧି ପାଇଥିବା ବେଳେ ଡିଜେଲ ୩୬ ଟଙ୍କା ବୃଦ୍ଧି ପାଇଛି । ବର୍ଷ ୨୦୧୪-୧୫ରେ ପେଟ୍ରୋଲ ଦର ୬୬ ଟଙ୍କା ପ୍ରତି ଲିଟର ଏବଂ ଡିଜେଲ ଦର ଲିଟର ପିଛା ଥିଲା ୫୦ ଟଙ୍କା । କିନ୍ତୁ ଆଜି ୨୦୨୧ରେ ଦେଶର କିଛି ସ୍ଥାନରେ ପେଟ୍ରୋଲ ସେଞ୍ଚୁରୀ ମାରିଥିବା ବେଳେ ଡିଜେଲ ୯୫ ପାର କରିଛି ।

ନଜର ପକାନ୍ତୁ କେଉଁ ବର୍ଷ କେତେ ଥିଲା ଦର

୨୦୧୪-୧୫ : ପେଟ୍ରୋଲ ୬୬.୦୯ ପ୍ରତି ଲିଟର ଥିବା ବେଳେ ଡିଜେଲ ଦର ଥିଲା ୫୦.୩୨ ଟଙ୍କା
୨୦୧୫-୧୬ : ପେଟ୍ରୋଲ ୬୧.୪୧ ପ୍ରତି ଲିଟର ଥିବା ବେଳେ ଡିଜେଲ ଦର ଥିଲା ୪୬.୮୭ ଟଙ୍କା
୨୦୧୬-୧୭ : ପେଟ୍ରୋଲ ୬୪.୭୦ ପ୍ରତି ଲିଟର ଥିବା ବେଳେ ଡିଜେଲ ଦର ଥିଲା ୫୩.୨୮ ଟଙ୍କା
୨୦୧୭-୧୮ : ପେଟ୍ରୋଲ ୬୯.୧୯ ପ୍ରତି ଲିଟର ଥିବା ବେଳେ ଡିଜେଲ ଦର ଥିଲା ୫୯.୦୮ ଟଙ୍କା
୨୦୧୮-୧୯ : ପେଟ୍ରୋଲ ୭୮.୦୯ ପ୍ରତି ଲିଟର ଥିବା ବେଳେ ଡିଜେଲ ଦର ଥିଲା ୬୯.୧୮ ଟଙ୍କା
୨୦୧୯-୨୦ : ପେଟ୍ରୋଲ ୭୧.୦୫ ପ୍ରତି ଲିଟର ଥିବା ବେଳେ ଡିଜେଲ ଦର ଥିଲା ୬୦.୦୨ ଟଙ୍କା
୨୦୨୦-୨୧ : ପେଟ୍ରୋଲ ୭୬.୩୨ ପ୍ରତି ଲିଟର ଥିବା ବେଳେ ଡିଜେଲ ଦର ଥିଲା ୬୬.୧୨ ଟଙ୍କା
୨୦୨୧ ଜୁନ ୧୧ରେ : ପେଟ୍ରୋଲ ୯୫.୮୫ ପ୍ରତି ଲିଟର ଥିବା ବେଳେ ଡିଜେଲ ଦର ରହିଛି ୮୬.୭୫ ଟଙ୍କା

ପେଟ୍ରୋଲ ଦର ବର୍ତ୍ତମାନ ଦେଶର ବିଭିନ୍ନ ସ୍ଥାନରେ ଐତିହାସିକ ସ୍ତରରେ ପହଞ୍ଚିଛି । ରାଜସ୍ଥାନ, ମଧ୍ୟପ୍ରଦେଶ, ମହାରାଷ୍ଟ୍ର, ଆନ୍ଧ୍ରପ୍ରଦେଶ, ତେଲେଙ୍ଗାନା ଏବଂ ଲଦାଖ ସମେତ ୬ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରେ ପେଟ୍ରୋଲ ଲିଟର ପିଛା ୧୦୦ ଟଙ୍କା ଅତିକ୍ରମ କରିଛି ।

ରାଜଧାନୀ ଭୁବନେଶ୍ବରରେ ଶୁକ୍ରବାର ପେଟ୍ରୋଲ ଲିଟର ପିଛା ୩୦ ପଇସା ମହଙ୍ଗା ହୋଇ ୯୬.୬୬ ଟଙ୍କା ରହିଥିବା ବେଳେ ଡିଜେଲ ଦର ଲିଟର ପିଛା ୩୧ ପଇସା ବୃଦ୍ଧିପାଇ ୯୪.୫୯ରେ ପହଞ୍ଚିଛି । ଗତକାଲି ଅର୍ଥାତ ଗୁରୁବାର ରାଜଧାନୀ ଭୁବନେଶ୍ବରରେ ପେଟ୍ରୋଲ ଲିଟର ପିଛା ୯୬.୩୬ ଟଙ୍କା ଏବଂ ଡିଜେଲ ୯୪.୨୮ ଟଙ୍କା ପ୍ରତି ଲିଟର ଥିଲା ।

   Related Posts