Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଧକ୍କା ଦେଲା ଅଜଣା ଗାଡି, ଜୀବନ ହାରିଲେ ବାପା ଓ ଝିଅ
  • ||
  • ମାନିଲେଣି କଟକଣା : ଭୁବନେଶ୍ୱର ୪ ନମ୍ୱର ମାର୍କେଟରେ ପୋଲିସର ଚଢାଉ, ଫାଇନ ଦେଲେ ଦୋକାନୀ
  • ||
  • ବଡ଼ବିଲ : ଅଗ୍ନିକାଣ୍ଡରେ ଜଳିଗଲା ୪ଟି ଦୋକାନ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ
  • ||
  • ତାତିରୁ ମିଳିଛି ତ୍ରାହି, ୧୪ ଯାଏଁ କାଳବୈଶାଖି ବର୍ଷା ସମ୍ଭାବନା
  • ||
  • ଓଡିଶାରେ ସାଙ୍ଘାତିକ ସ୍ଥିତିରେ କରୋନା, ୨୪ ଘଣ୍ଟାରେ ୧୩୭୯ ପଜିଟିଭ୍ ଚିହ୍ନଟ
  • ||
  • ତାତିରୁ ମିଳିଛି ତ୍ରାହି, ୧୪ ଯାଏଁ କାଳବୈଶାଖି ବର୍ଷା ସମ୍ଭାବନା
  • ||
  • ବଢିଲା ସଂକ୍ରମଣ, ୭ ଦିନ ପାଇଁ ଏହି ଅଞ୍ଚଳକୁ ମାଇକ୍ରୋ କଣ୍ଟେନମେଣ୍ଟ ଜୋନ୍ ଘୋଷଣା
  • ||
  • ଆଜିଠୁ ଟିକା ଉତ୍ସବ, ୧୪ ଯାଏ କରୋନା ମହାମାରୀ ମୁକାବିଲା ଲାଗି ଚାଲିବ ଦେଶବ୍ୟାପୀ
  • ||

ଶସ୍ତା ହେବ ପେଟ୍ରୋଲ-ଡିଜେଲ୍ ! ଆମେରିକାର କଟକଣା କୋହଳ ହେବା ମାତ୍ରେ ଏହି ଦେଶରୁ ଅଶୋଧିତ ତୈଳ ଆମଦାନୀ କରିବ ଭାରତ

8/04/2021 at 10:27 PM

ନୂଆଦିଲ୍ଲୀ ୦୮।୦୪: ଆମେରିକା ସରକାର ପକ୍ଷରୁ ଲଗାଯାଇଥିବା କଟକଣା ପରେ ୨୦୧୯ ମଧ୍ୟ ଭାଗରୁ ଇରାନଠୁ ଅଶୋଧିତ ତୈଳ ଆମଦାନୀ ବନ୍ଦ ରହିଥିଲା। ଏବେ ଭାରତ ଅଶୋଧିତ ତୈଳ ପାଇଁ ସାଉଦି ଆରବ ବ୍ୟତୀତ ଅନ୍ୟ ବିକଳ୍ପ ଉପରେ ମଧ୍ୟ ବିଚାର କରୁଛି। ଏହି ସମୟରେ ଆମେରିକା କଟକଣାରେ କୋହଳ କଲେ ଭାରତ ଇରାନଠୁ ଅଶୋଧିତ ତୈଳ ଦର କିଣିବା ଆରମ୍ଭ କରିବ। ଏମିତି ହେଲେ ଭାରତରେ ପେଟ୍ରୋଲ-ଡିଜେଲ୍ ଦର ଶସ୍ତା ହେବ ଏବଂ ଏହାର ଫାଇଦା ଜନତାଙ୍କ ମିଳିବ।

ଭାରତ ସରକାରର ଜଣେ ଉଚ୍ଚପଦସ୍ଥ ଅଧିକାରୀ କହିଛନ୍ତି ଯେ, ଥରୁଟିଏ ଆମେରିକାର କଟକଣା କୋହଳ ହେଲେ ଭାରତ ଇରାନଠୁ ତୈଳ ଆମଦାନୀ  ଉପରେ ବିଚାର କରିବ। ଭାରତୀୟ ତୈଳ ବିଶୋଧନକାରୀ କମ୍ପାନୀ ମଧ୍ୟ ଏହାକୁ ନେଇ ପ୍ରସ୍ତୁତି ଆରମ୍ଭ କରି ଦେଇଛନ୍ତି। ଆମେରିକାର କଟକଣା ହଟିବା ମାତ୍ରେ ଭାରତ-ଇରାନ ମଧ୍ୟରେ ଇନ୍ଧନକୁ ନେଇ ରାଜିନାମା ହୋଇପାରେ। ଇରାନଠୁ ତୈଳ ଆସିବା ମାତ୍ରେ ଭାରତୀୟ ବଜାରରେ ପେଟ୍ରୋଲ-ଡିଜେଲ୍ ଦାମ  ହ୍ରାସ ପାଇବା ସହିତ ଭାରତର ଆମଦାନୀ ସ୍ରୋତରେ ଭାରସାମ୍ୟ ରହି ପାରିବ। ଆର୍ଥିକ ବର୍ଷ ୨୦୨୦-୨୧ରେ ଇରାକ ଭାରତର ସବୁଠୁ ବଡ ରପ୍ତାନୀକାରୀ ଦେଶ ପାଲଟିଛି। ଏହା ପରେ ସାଉଦି ଆରବ ଏବଂ ୟୁଏଇ ରହିଛି। ନାଇଜେରିଆରେ ଚତୁର୍ଥରେ ଥିବା ବେଳେ ଆମେରିକା ପଞ୍ଚମରେ ରହିଛି।

ଅଧିକାରୀ କହିଛନ୍ତି ଯେ, ଆମେ ଓପେକ ଦେଶକୁ ଉତ୍ପାଦନ ବଢାଇବାକୁ ଦାବି କରୁଛୁ। ତୈଳ ଦର ବୃଦ୍ଧି ଭାରତ ସମେତ ଦୁନିଆର ଆର୍ଥିକ ପୁନରୁଦ୍ଧାର ପ୍ରତି ବିପଦ। ଉଲ୍ଲେଖନୀୟ ଭାରତ ନିଜ ଆବଶ୍ୟକତାର ୮୫ ପ୍ରତିଶତରୁ ଅଧିକ ଇନ୍ଧନ ଅନ୍ୟ ଦେଶରୁ ଆମଦାନୀ କରିଥାଏ। ସମୟ ଥିଲା ଭାରତ ଇରାନର ସବୁଠୁ ବଡ ଗ୍ରାହକ ଥିଲା।

   Related Posts