ନୂଆଦିଲ୍ଲୀ ୨୬/୯: ହରିଆଣା,ପଞ୍ଜାବ,ଦିଲ୍ଲୀ,ଉତ୍ତରପ୍ରଦେଶ,ଚଣ୍ଡିଗଡ଼ ସମେତ ୬ଟି ରାଜ୍ୟରେ ଏବେ ପେଟ୍ରୋଲ୍ ଏବଂ ଡିଜେଲ୍ ଦର ହ୍ରାସ ପାଇବ। ଏହି ୬ଟି ରାଜ୍ୟ ସରକାର ପେଟ୍ରୋଲ୍ ଏବଂ ଡିଜେଲ ଉପରୁ ଭାଟ୍ ହ୍ରାସ କରିବା ପାଇଁ ସହମତି ପ୍ରଦାନ କରିଛନ୍ତି। ହରିଆାଣାର ମେଜବାନିଠାରେ ଅନୁଷ୍ଠିତ ଏହି ଛ ରାଜ୍ୟର ଅର୍ଥମନ୍ତ୍ରୀଙ୍କ ସମ୍ମିଳନୀରେ ଅବକାରୀ ନୀତି,ପରିବହନ ପରମିଟ୍,ମଟରଯାନ ପଞ୍ଜୀକରଣ ସମ୍ପର୍କିତ କେତେକ ବିଷୟରେ ମଧ୍ୟ ଗୋଟିଏ ପ୍ରକାର ନିୟମ ପାଇଁ ସହମତି ହୋଇଛି। ଏଥିନିମନ୍ତେ ଛ ରାଜ୍ୟଙ୍କ ଏକ ଅଫିସର ସ୍ତରୀୟ କମିଟି ଗଠନ କରାଯାଇଛି। କମିଟି ଗୋଟିଏ ସପ୍ତାହ ମଧ୍ୟରେ ରିପୋର୍ଟ ଦେବ। ଏହାପରେ ପେଟ୍ରୋଲ୍,ଡିଜେଲର ଭାଟ୍ ହ୍ରାସ ସହ ଉପରୋକ୍ତ ବିଷୟଗୁଡ଼ିକରେ ମଧ୍ୟ ଛ ରାଜ୍ୟରେ ସମାନ ଟିକସ୍ ନୀତି ପ୍ରଚଳିତ ହେବ। ଫଳରେ ଟିକସ୍ ଫାଙ୍କି  କମିବା ସହ ସାଧାରର ଜନତା ମଧ୍ୟ ଫାଇଦା ପାଇପାରିବେ।