Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • JEE ମେନ୍ ରେଜଲ୍ଟ ପ୍ରକାଶିତ
  • ||
  • ଦେଶର ୪ଟି ସ୍ଥାନରେ ପ୍ରତିଷ୍ଠା ହେବ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ, ଭୁବନେଶ୍ଵରରେ ପ୍ରତିଷ୍ଠା କରିବାକୁ ସ୍ଵାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର
  • ||
  • ବଦଳିଲେ ପୋଲିସ କମିଶନର, ସୁଧାଂଶୁଙ୍କ ଜାଗା ନେଲେ ସୌମେନ୍ଦ୍ର ପ୍ରିୟଦର୍ଶୀ
  • ||
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||
  • ବଲାଙ୍ଗିର : ରକ୍ତ ପାଇଁ ଗଲା ଜୀବନ ! ରୋଗୀ ମୃତ୍ୟୁକୁ ନେଇ ମେଡିକାଲରେ ଉତ୍ତେଜନା
  • ||
  • ସମ୍ବଲପୁର : ଜଙ୍ଗଲକୁ ଗଲେ ଠିକଣା ରଖିବ ବନ ବିଭାଗ, ନିଆଁ ଲଗାଇଥିବା ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଲେ ମିଳିବ ୫ହଜାର
  • ||
  • ସୁନ୍ଦରଗଡ : ବାଲି ଗଦାରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ସନ୍ଦେହ
  • ||

ସୁପ୍ରିମକୋର୍ଟରେ କଂଗ୍ରେସ-କମ୍ୟୁନିଷ୍ଟ ପାର୍ଟି ଅଫ ଚାଇନା ରାଜିନାମା ମାମଲା, ସିବିଆଇ ତଦନ୍ତ ଦାବି

24/06/2020 at 9:33 PM

ନୂଆଦିଲ୍ଲୀ ୨୪।୦୬: ଭାରତ-ଚୀନ ସୀମା ବିବାଦ ମଧ୍ୟରେ କଂଗ୍ରେସ ଅଡୁଆରେ ପଡିବାକୁ ଯାଉଛି। ସୁପ୍ରିମକୋର୍ଟରେ ଆବେଦନ ଦାଖଲ କରି କଂଗ୍ରେସ ପାର୍ଟି ଓ କମ୍ୟୁନିଷ୍ଟ ପାର୍ଟି ଅଫ ଚାଇନା ମଧ୍ୟରେ ହୋଇଥିବା ଚୁକ୍ତି ମାମଲାରେ ତଦନ୍ତ ଦାବି କରାଯାଇଛି। ଆବେଦନରେ କୁହାଯାଇଛି ଯେ, ୨୦୦୮ରେ କଂଗ୍ରେସ ପାର୍ଟି ଓ ଚାଇନା ମଧ୍ୟରେ ହୋଇଥିବା ଚୁକ୍ତିନାମାର ସିବିଆଇ କିମ୍ବା ଏନଆଇଏ ତଦନ୍ତ ଦାବି କରାଯାଇଛି। ଆବେଦନରେ ଏହା ମଧ୍ୟ କୁହାଯାଇଛି ଯେ, ରାଜିନାମା ଆଧାରରେ ସ୍ଥିର ହୋଇଥିଲା ଯେ, ଦୁଇ ପାର୍ଟି ଉଚ୍ଚସ୍ତରୀୟ ସହଭାଗିତା ଆଲୋଚନା କରି ପାରିବେ।

ସୁପ୍ରିମକୋର୍ଟରେ ଜଣେ ଓକିଲ ଏବଂ ଜଣେ ସାମ୍ବାଦିକଙ୍କ ପକ୍ଷରୁ ଦାଖଲ କରାଯାଇଥିବା ଆବେଦନରେ କୁହାଯାଇଛି ଯେ, ଦୁଇ ପାର୍ଟି ମଧ୍ୟରେ ଯେଉଁ ରାଜିନାମା ହୋଇଥିଲା ଏହାର ଏମଓୟୁର ସବିଶେଷ ସୂଚନା ଅଦ୍ୟାବଧି ଉଜାଗର ମଧ୍ୟ ହୋଇ ନାହିଁ। ଏହା ଲୋକଙ୍କ ଜୀବନର ଅଧିକାରର ଉଲ୍ଲଂଘନ। ୨୦୦୮ ଅଗଷ୍ଟ ୭ରେ ବେଜିଂରେ ହୋଇଥିବା ରାଜିନାମା ଆଧାରରେ ଏମଓୟୁରେ ସ୍ଵାକ୍ଷର ମଧ୍ୟ ହୋଇଛି। ଏଥିରେ ସ୍ଥିର କରାଯାଇଛି ଯେ, ଦୁଇ ପାର୍ଟି ଏମଓୟୁ ଆଧାରରେ କ୍ଷେତ୍ରୀୟ, ଦ୍ଵିପାକ୍ଷିକ ଓ ଅନ୍ତରାଷ୍ଟ୍ରୀୟ ପ୍ରସଙ୍ଗରେ ପରସ୍ପର ସହିତ ଆଲୋଚନା କରିବେ।

ଆବେଦନରେ କଂଗ୍ରେସ ପାର୍ଟି, ସୋନିଆ ଗାନ୍ଧୀ, ରାହୁଲ ଗାନ୍ଧୀ ଓ ଭାରତ ସରକାରଙ୍କୁ ପକ୍ଷଭୁକ୍ତ କରାଯାଇଛି। ଭାରତ ଓ ଚୀନ ମଧ୍ୟରେ ସୀମାକୁ ନେଇ ଜାରି ବିବାଦ ମଧ୍ୟରେ ଏହି ଆବେଦନ ସର୍ବୋଚ୍ଚ ନ୍ୟାୟାଳୟରେ ଦାଖଲ କରାଯାଇଛି। ଆବେଦନରେ ମିଡିଆ ରିପୋର୍ଟକୁ ଉଲ୍ଲେଖ କରାଯାଇଛି ଯେ, ୨୦୦୮ ରୁ ୨୦୧୩ ମଧ୍ୟରେ ଚୀନ ସୈନିକ ଭାରତୀୟ ସୀମାରେ ପ୍ରାୟ ୬୦୦ ଥର ଅନୁପ୍ରବେଶ କରିଥିଲେ। ଏହାକୁ ରାଜିନାମାରେ ସାର୍ବଜନୀନ କରାଯାଉ। ଆବେଦନରେ ଏହା ମଧ୍ୟ କୁହାଯାଇଛି, ଦୁଇ ଦେଶ ମଧ୍ୟରେ ଶତ୍ରୁତା ଥାଇ ବି କଂଗ୍ରେସ ରାଜିନାମାରେ ଦସ୍ତଖତ କରିଛି।

କଣ ଥିଲା ୨୦୦୮ର ଏମଓୟୁ

ଏହି ଏମଓୟୁରେ ରାହୁଲ ଗାନ୍ଧୀ ଓ ଚୀନର କମ୍ୟୁନିଷ୍ଟ ପାର୍ଟିରେ ଅନ୍ତରାଷ୍ଟ୍ରୀୟ ମାମଲାର ମନ୍ତ୍ରୀ ଓ୍ଵାଙ୍ଗ ଜିୟା ରୁଇ ହସ୍ତାକ୍ଷର କରିଥିଲେ। ଏହି ଅବସରରେ ସୋନିଆ ଗାନ୍ଧୀ ଓ ଚୀନର ତତ୍କାଳୀନ ଉପରାଷ୍ଟ୍ରପତି ସି ଜିନପିଙ୍ଗ ଉପସ୍ଥିତ ଥିଲେ। ଏହି ଏମଓୟୁ ଗ୍ରେଟ୍ ଓ୍ଵାଲ ଅଫ ଚାଇନାରେ ସ୍ଵାକ୍ଷରିତ ହୋଇଥିଲା। ଏହି ଆଧାରରେ ଦୁଇ ପାର୍ଟି ମଧ୍ୟରେ ବିଚାରର ଆଦାନ ପ୍ରଦାନକୁ ଆଗକୁ ବଢାଇବା ନେଇ ସ୍ଥିର ହୋଇଥିଲା। ଏହି ରାଜିନାମା ପରେ ସୋନିଆ ଗାନ୍ଧୀ ଚୀନର ଲୋକଙ୍କୁ ପ୍ରଶଂସା କରି କହିଥିଲେ ଯେ, ଚୀନବାସୀ ଅଲିମ୍ପିକ କ୍ରୀଡାକୁ ସଫଳ କରିବା ପାଇଁ ବହୁତ ପରିଶ୍ରମ କରିଥିଲେ।

   Related Posts