Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ପେଥାଇ ଇଫେକ୍ଟ : ସାରା ରାଜ୍ୟରେ ବର୍ଷା ଓ କୋହଲା ପାଗ, ଆଗକୁ ପ୍ରବଳ ଜାଡ ସୂଚନା

18/12/2018 at 7:41 PM

ଭୁବନେଶ୍ବର୧୮|୧୨: ପେଥାଇର ପ୍ରଭାବରେ ସାରା ଓଡିଶାରେ ବର୍ଷା ସମେତ କୋହଲା ପାଗ ଅନୁଭୁତ ହେଉଛି । ବିଭିନ୍ନ ସ୍ଥାନରେ ଝିପିଝିପି  ବର୍ଷା ସାଙ୍ଗକୁ ୨ରୁ ୩ଡିଗ୍ରୀ ତାପମାତ୍ରା ହ୍ରାସ ପାଇଛି । ରାଜ୍ୟରେ ଅଧିକ ଶୀତ ଅନୁଭୂତ ହେବ ବୋଲି ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ଏଭଳି ସ୍ଥିତିରେ ବସ୍ତି ଅଞ୍ଚଳରେ ପାଲ ଓ ଝାଟିମାଟି ଘରେ ରହୁଥିବା ଗରିବ ଗୁରୁବାଙ୍କ ଦୁର୍ଦ୍ଦଶା ଅଧିକ ବଢିଯାଇଛି ।

କୋହଲା ପାଗ। ଦେହ କୋଲ ମାରିଯାଉଛି। ତା ସାଙ୍ଗକୁ ଝିପିଝିପି ବର୍ଷା । କାଲୁଆ ପବନରେ ମଞ୍ଜ ଥରି ଯାଉଛି । ସାମୁଦ୍ରିକ ଝଡ ପେଥାଇ ପ୍ରଭାବରେ ଏଭଳି କୋହଲା ପାଗ ଲୋକଙ୍କୁ କାଲୁଆ କରିଦେଲାଣି  । ଟିକିଏ ଆରାମ ପାଇଁ କିଏ ଘର କଣରେ ବସିରହୁଛି  ତ ଆଉ କିଏ ସ୍ବେଟର ଆଉ ଚାଦର ଘୋଡେଇ ବସିଛି । କିଏ ନିଆଁ ପୁଇଁ ଉଷୁମ ନେଉଛି। ଅଧିକ ପ୍ରଭାବିତ ହୋଇଛନ୍ତି ବସ୍ତିର ରହୁଥିବା ଗରିବ ଗୁରୁବା । ଭଙ୍ଗା ଦଦରାଘରେ ପାଲ ଘୋଡାଇ ତାଟି କବାଟ ଆଉଯାଇ ଯେନେତେନ ପ୍ରକାରେ ଜୀବନ ବିତାଇଦେଉଛନ୍ତି ।.

ସାମୁଦ୍ରିକ ଝଡ଼ ପେଥାଇ ପ୍ରଭାବରେ ଦକ୍ଷିଣ ଓଡିଶାର ବିଭିନ୍ନ ଜିଲ୍ଲାରେ ଗତକାଲି ଠାରୁ ପ୍ରବଳ ବର୍ଷା ଲାଗି ରହିଛି । ଗତକାଲି ଠାରୁ ଏଭଳି ପାଗ ଲାଗି ରହିଛି । କୋହଲା ପାଗ ସାଙ୍ଗକୁ ଶୀତ ମଧ୍ୟ ବଢିଛି । ବିଭିନ୍ନ ସ୍ଥାନରେ ତାପମାତ୍ରା ମଧ୍ୟ ୨ରୁ ୩ଡିଗ୍ରୀ ହ୍ରାସ ପାଇଛି । ଆଗକୁ ଶୀତର ପ୍ରକୋପ ଅଧିକ ବଢିବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି।

.

ଆଗାମୀ ଦିନରେ ଶୀତର ପ୍ରକୋପ ଅଧିକ ବଢିବ ବୋଲି ପାଣିପାଗ କେନ୍ଦ୍ର ସୂଚନା ଦେଇଥିବା ବେଳେ ଗରିବ ଗୁରୁବାଙ୍କ ପାଇଁ ଏହା ବୋଝ ଉପରେ ନଳିତା ବିଡା ସଦୃଶ ହେବାକୁ ଯାଉଛି।

  

   Related Posts