ମସ୍କୋ, ୦୭|୦୫: କୁକୁରକୁ ସବୁଠାରୁ ବିଶ୍ୱସ୍ତ ପ୍ରାଣୀ ବୋଲି କୁହାଯାଏ । ଅନେକ ସମୟରେ ପୋଷା କୁକୁର ନିଜ ମାଲିକର ଜୀବନ ବଞ୍ଚାଇଥିବା ନେଉ ଅନେକ ଉଦାହରଣ ରହିଛି । ଋଷିଆର ମାଗାଡାନରେ ଏପରି ଏକ ଦୃଶ୍ୟ ଦେଖିବାକୁ ମିଳିଛି । ଏକ ପୋଷା କୁକୁର ବରଫବୃତ ଅଞ୍ଚଳରେ ନିଜ ମାଲିକର ଫେରିବା ବାଟକୁ ଚାହିଁ ୨ ମାସ କାଳ ଅପେକ୍ଷା କରିଥିଲା।
{"id":266286,"width":746,"height":419,"sizeSlug":"large"}କୁକୁରଟିର ମାଲିକ ଏକ ସମୁଦ୍ର କୂଳରେ ପହଁଚିବା ପରେ କୁକୁରଟିକୁ ଛାଡି ଚାଲିଯାଇଥିଲେ । କୁକୁରଟି ଏକା ହୋଇଯାଇଥିଲା । ଏପରିକି ସେ ତାହାର ମାଲିକକୁ ଶେଷଥର ପାଇଁ ଦେଖିଥିବା ସ୍ଥାନରେ ସେମିତି ରହିଥିଲା । ତେବେ ୨ ମାସ ପରେ ଜଣେ ଚିଡିଆଖାନା କର୍ମଚାରୀ ତାକୁ ଉଦ୍ଧାର କରିଥିଲେ । ସେ କୁକୁରଟିକୁ ଧରିବାକୁ ଚେଷ୍ଟା କରିଥିଲେ ମଧ୍ୟ କିଛି ସମୟ ପାଇଁ କୁକୁରଟି ଧରା ଦେଇନଥିଲା । ପରେ ସେ କୁକୁରଟିକୁ ଖାଇବାକୁ ଦେଇଥିଲେ । ସେ ଏହି ବ୍ଲାକ୍ ଋଷିଆନ୍ ଟେରିଅର୍ ବ୍ରିଡର କୁକୁରଟିକୁ ହାଚିକୋ ନାମ ଦେଇଥିଲେ । କାରଣ ହାଚିକୋନାମକ ଏକ କୁକୁର ଜାପାନରେ ତା ମାଲିକର ଫେରିବା ବାଟକୁ ୯ ବର୍ଷ ଧରି ଅପେକ୍ଷା କରିବା ପରେ ପ୍ରାଣ ହରାଇଥିଲା ।
{"id":266287,"width":749,"height":497,"sizeSlug":"large"}ମାଗାଡାନରେ ଫସିଥିବା କୁକୁରଟି ୨ ମାସ ଧରି ମାଲିକକୁ ଅପେକ୍ଷା କରିଥିଲେ । ଏହାପରେ ଚିଡିଆଖାନା କର୍ମଚାରୀଜଣଙ୍କ କିଛି ଲୋକଙ୍କ ସହ ମିଶି କୁକୁରଟିକୁ ଟ୍ରାଙ୍କୁଲାଇଜ୍ କରି ଧରିଥିଲେ । ଏହାପରେ ତାକୁ ପଶୁ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେ ଏବେ ସୁସ୍ଥ ଅଛି । ତାହାର ନୂଆ ନାଁ ମଧ୍ୟ ଚେରନିଶ୍ ଦିଆଯାଇଛି । ତାକୁ ଉଦ୍ଧାର କରିଥିବା ସେହି ଚିଡିଆଖାନା କର୍ମଚାରୀଜଣଙ୍କ ଏବେ କୁକୁରଟିର ନୂଆ ମାଲିକ ।