Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ନାଗ ସାପ ସହ ଲଢି ଜୀବନ ହାରିଲେ ବ୍ଲାକି ଓ ସୁଇଟି, ତଥାପି ମାଲିକଙ୍କ ପରିବାରକୁ ବଞ୍ଚାଇଦେଲେ

29/08/2020 at 4:51 PM

ଭୁବନେଶ୍ବର ୨୯।୮: କୁକୁରଠାରୁ ବିଶ୍ବସ୍ତ ଜୀବ ନାହାନ୍ତି । ଏହାର ଅନେକ ଉଦାହରଣ ରହିଛି । ମାଲିକ ପାଇଁ କୁକୁର ପ୍ରାଣ ଦେବାର ନଜିର ରହିଛି । ଏମିତି ଏକ ଘଟଣା ଘଟିଛି ରାଜଧାନୀରେ । ମାଲିକଙ୍କ ପରିବାରକୁ ବଞ୍ଚାଇବାକୁ ଯାଇ ଦୁଇଟି ସୁନ୍ଦୁରିଆ ପୋଷା କୁକୁର ନାଗ ସାପ ଚୋଟରେ ପ୍ରାଣ ହରାଇଛନ୍ତି । ତେବେ ନିଜ ଜୀବନ ବଦଳରେ ମାଲିକଙ୍କ ଜୀବନ ବଞ୍ଚାଇଛନ୍ତି । ଘର ଭିତରେ ପଶିବାକୁ ଯାଉଥିବା ଏକ ନାଗସାପ ସହ ଲଢ଼ି ଉଭୟେ ପ୍ରାଣ ହାରାଇଥିଲେ ବି ସାପଟିକୁ ଘର ଏରୁଣ୍ଡି ବନ୍ଧ ଡେଇଁବାକୁ ଦେଇନାହାନ୍ତି । ଚନ୍ଦ୍ରଶେଖରପୁର କାନନବିହାର ଅଞ୍ଚଳରେ ଗତ ୧୬ ତାରିଖ ରାତିରେ ଘଟିଥିବା ଏହି ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି ।

କାନନବିହାର ଫେଜ୍‌ ୨, ପ୍ଲଟ୍‌ ନମ୍ବର ୫୬୦/୫୬୧-ଜେ ରେ ରହୁଥିବା ଡାକ୍ତର ଆର୍ଯ୍ୟକାନ୍ତ ମାଝି, ସାନ ଭାଇ ବିଭୁଦତ୍ତ ଓ ତାଙ୍କ ପରିବାର । ସେମାନଙ୍କ ଘରେ ଥିଲେ ଦୁଇଟି ଲାବ୍ରାଡର ବ୍ରିଡ୍‌ର ପୋଷା କୁକୁର । ସେମାନଙ୍କ ନାଁ ‘ବ୍ଲାକି’ ଓ ‘ସୁଇଟି’ । ବ୍ଲାକି ଅଣ୍ଡିରା ଓ ସୁଇଟି ମାଈ । ଗତ ୧୬ ତାରିଖରେ ୨ କୁକୁରଙ୍କ ଅଚାନକ ମୃତ୍ୟୁ ହୋଇଥିଲା । ପରେ ସିସିଟିଭିରୁ ଆସିଥିବା ତଥ୍ୟ କେବଳ ପରିବାରଲୋକ ନୁହେଁ ତାହା ଜାଣିଥିବା ଦେଖିଥିବା ଲୋକଙ୍କୁ ଯେତିକି ବିସ୍ମିତ କରିଛି ପୋଷା ଜୀବ ଜୀବନ ଦେଇ ଋଣ ସୁଝିଥିବା ଚର୍ଚ୍ଚାକୁ ସେମିତି ଖୋରାକ ଦେଇଛି ।  

ସିସିଟିଭି କ୍ୟାମେରାରେ ‘ବ୍ଲାକି’ ଆଉ ‘ସୁଇଟି’ଙ୍କ ବୀରତ୍ବର କାହାଣୀ । ଘଟଣା ଦିନ ରାତି ସାଢ଼େ ୮ଟା ବେଳେ ଘର ବଗିଚାରୁ ଏକ ନାଗସାପ ରୁମ୍‌କୁ ପଶିବାକୁ ଚେଷ୍ଟା କରୁଛି । ଏହା ୨ କୁକୁର ଦେଖି ପାରିଥିଲେ । ସେମାନେ ବନ୍ଦ ଘର କବାଟର ଲୁହା ଶିକୁଳି ଛିଡାଇ ବଗିଚାକୁ ଆସି ନାଗ ସାପ ଉପରକୁ ସିଧା ଲମ୍ଫ ମାରିଲେ । ଉଭୟେ ସାପ ସହ ଖୁବ୍‌ ଲଢ଼ିଲେ । ଅନ୍ଧାର ଯୋଗୁ ସ୍ପଷ୍ଟ ଦେଖି ହେଉନଥିଲେ ବି ଜଣାଗଲା ଯେ ପ୍ରଥମେ ସାପଟି ସୁଇଟିକୁ ଚୋଟ ମାରିଛି । କିନ୍ତୁ ସୁଇଟି ବି ସାପକୁ ଭିଣି ପକାଇଛି। ପରେ ବ୍ଲାକି ମଧ୍ୟ ସୁଇଟି ସହ ମିଶି ସାପକୁ ଆକ୍ରମଣ କରିଛି । ସେ ବି ସାପର ଚୋଟ ଖାଇଛି । ସାପଟି ଭୟରେ ପଳାଇଲା ପରେ ସୁଇଟି କୁକୁର ଦୁଇଙ୍କ ଲାଗି ଉଦ୍ଦିଷ୍ଟ ଛୋଟ ଘରକୁ ପଶି ଆସି ସେହିଠାରେ ଟଳିପଡ଼ିଛି ଆଉ ବ୍ଲାକି ବଗିଚାରେ ଶେଷ ନିଃଶ୍ୱାସ ତ୍ୟାଗ କରିଥିବା ଜଣାପଡ଼ିଛି ।

ସିସିଟିଭିରୁ ସତ ଜାଣିବା ପରେ ମାଝି ପରିବାର ଆହୁରି ଭାଙ୍ଗି ପଡ଼ିଛନ୍ତି । ଗେହ୍ଲାରେ ବଢ଼ାଇଥିବା ପୋଷା କୁକୁରକୁ ଝୁରୁଛନ୍ତି । ସେପଟେ ସ୍ନେକ ହେଲ୍‌ପ ଲାଇନ ସମ୍ପାଦକ ଶୁଭେନ୍ଦୁ ମଲ୍ଲିକ ଓ ପୂର୍ଣ୍ଣଚନ୍ଦ୍ର ଦାସ ସିସିଟିଭି ଫୁଟେଜ ଯାଞ୍ଚ କରିବା ପରେ ସାପଟି ପ୍ରାୟ ୫-୬ ଫୁଟ ଲମ୍ବ ହେବ ବୋଲି କହିଛନ୍ତି ।

   Related Posts