ବାରିପଦା ୪।୧୨: ହାତୀ ସହ ବିପଦ ସଙ୍କୁଳ ଭାବରେ ସେଲ୍ଫି ନେବାକୁ ଉଦ୍ୟମ । ଗୋଟେ ପଟେ ହାତୀ ଆକ୍ରମଣ କରିବାକୁ ଦୌଡ଼ି ଆସୁଛି ତଥାପି ଫଟୋ ଉଠାଇବା ସହ ହାତୀ ସହ ଖେଳୁଥିବା ଦେଖିବାକୁ ମିଳିଛି । ଏଭଳି ଦୃଶ୍ୟ ମୟୁରଭଞ୍ଜ ଜିଲ୍ଲା ବେତନଟୀ ରେଞ୍ଜ ନୋଡପୁର ଅଞ୍ଚଳରେ ଦେଖିବାକୁ ମିଳିଛି ।
ଦୀର୍ଘ ୮ରୁ ୧୦ଦିନ ଧରି ବେତନଟୀ ରେଞ୍ଜ ଅଂଚଳରେ ୪୨ ଟିକିଆ ହାତୀ ପଲ ଉପଦ୍ରବ କରୁଥିବା ବେଳେ ହାତୀ ଲୋକମାନଙ୍କୁ ଭୟଭୀତ କରୁଥିବା ଦେଖିବାକୁ ମିଳିଛି । କିନ୍ତୁ ଭିଡିଓରେ ଦେଖିବାକୁ ମିଳିଛି ଯେ, ହାତୀ ସହ ଅତି ନିକଟରେ ଫଟୋ ଉଠାଇବାକୁ ଉଦ୍ୟମ କରିବା ସହ ହାତୀକୁ ଚିଡାଉ ଥିବା ଦେଖିବାକୁ ମିଳିଛି । ତେବେ ଏଭଳି ଦୃଶ୍ୟ ଦେଖିଲା ପରେ ଯେ କୌଣସି ବ୍ୟକ୍ତି ଭୟଭୀତ ହେଇଯିବା ସ୍ବାଭାବିକ । ହାତୀକୁ ଚିଡ଼ାଇବା ଏବଂ ହାତୀ ସହ ସେଲ୍ଫି ନେବା ନୂଆ କଥା ନୁହେଁ । କିନ୍ତୁ ମୃତ୍ୟୁକୁ ସେମାନେ ପାଖରୁ ଦେଖୁଥିଲେ ମଧ୍ୟ ସତର୍କ ହେଉନାହାନ୍ତି ବୋଲି କହିଛନ୍ତି ହାତୀ ବିଶେଷଜ୍ଞ ।
wp:html/wp:htmlଜଙ୍ଗଲି ଦନ୍ତା ସହିତ ବିପଜ୍ଜନକ ସେଲ୍ଫି ଖେଳ #SelfieWithElephant pic.twitter.com/J2dzvK2jbs
— Prameya News7 (@NEWS7Odia) December 4, 2020
ଅନ୍ୟପଟେ ଏଭଳି ଘଟଣାରେ ଲୋକେ ବନବିଭାଗକୁ ସହଯୋଗ କଲେ ହାତୀ ଘଉଡାଇବାକୁ ସହଜ ହୋଇପାରିବ ବୋଲି ପୂର୍ବତନ ବନ୍ୟପ୍ରାଣୀ ତତ୍ତ୍ବାବଧାନକ ଭାନୁମିତ୍ର ଆଚାର୍ଯ୍ୟ କହିଛନ୍ତି ।
