Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ପ୍ରବାସୀ ଶ୍ରମିକଙ୍କୁ ଅଧା ରାସ୍ତାରେ ଓହ୍ଲାଇଦେଲା ବସ୍, ଅଭିଯୋଗ ପରେ ବସ୍ ସହ ଡ୍ରାଇଭର ଓ କଣ୍ଡକ୍ଟର ଅଟକ
  • ||
  • ଚାନ୍ଦବାଲି : ୨ ଦିନ ଆଖଣ୍ଡଳମଣୀଙ୍କ ମନ୍ଦିର ବନ୍ଦ, ଜଣେ ସେବାୟତ କରୋନା ପଜିଟିଭ୍ ପରେ ପ୍ରଶାସନର ପଦକ୍ଷେପ
  • ||
  • ଟାଙ୍ଗୀ : ଟ୍ରକ୍-ବସ୍ ମୁହାଁମୁହିଁ ଧକ୍କା, ଟ୍ରକ୍ ହେଲପର ମୃତ, ଡ୍ରାଇଭର ଗୁରୁତର
  • ||
  • ରାଇରଙ୍ଗପୁର : ସ୍କୁଲ ନିକଟ ଗଛରେ ଝୁଲୁଛି ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା
  • ||
  • ସୋର : ଭୁବନେଶ୍ବର-କୋଲକତା ଜନଶତାବ୍ଦୀ ଟ୍ରେନ୍‌ରେ ନିଆଁ, ଟଳିଲା ବଡ ଦୁର୍ଘଟଣା
  • ||
  • ‘ଚାକିରୀରେ ୬ ବର୍ଷ ପୂରଣ କରିଥିବା କର୍ମଚାରୀଙ୍କୁ ସରକାର ରେଗୁଲାର କରିବାକୁ ବାଧ୍ୟ’, ଗୁରୁତ୍ୱପୂର୍ଣ୍ଣ ରାୟ ଶୁଣାଇଲେ ହାଇକୋର୍ଟ
  • ||
  • ରାଜ୍ୟରେ କରୋନା ନେଲା ଆଉ ୨ଜଣଙ୍କ ଜୀବନ, ୧୯୩୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଡ଼ଗାଁ ପଞ୍ଚାୟତ ୩ ଦିନ ପାଇଁ ଲକ୍‌ଡାଉନ୍‌, ବନ୍ଦ ରହିବ ହାଟ ଓ ବଜାର
  • ||
  • ରାୟଗଡ଼ାରେ ମୃଦୁ ଭୂକମ୍ପ, କ୍ଷୟକ୍ଷତିର ସୂଚନା ନାହିଁ
  • ||
  • ବଢୁଛି ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୯୮୯ ପଜିଟିଭ୍ ଚିହ୍ନଟ
  • ||

ବୋହୂକୁ ହତ୍ୟା କଲେ ଶ୍ବଶୁରଘର ଲୋକ : ସମସ୍ତ ଅଭିଯୁକ୍ତକୁ ଗିରଫ ଦାବିରେ ରାଇଘରରେ ବନ୍ଦ ପାଳନ

17/10/2019 at 12:02 PM

ଉମରକୋଟ ।୧୦: ଦୋଷୀଙ୍କୁ ଗିରଫ ଦାବିରେ ରାସ୍ତାରୋକ । ନବରଙ୍ଗପୁର ଜିଲ୍ଲା ରାଇଘରରେ ବନ୍ଦ ପାଳନ କରାଯାଉଛି । ନବରଙ୍ଗପୁର ଜିଲ୍ଲା ରାଇଘର ବ୍ଲକ୍ ଅନ୍ତର୍ଗତ ପରଚିପାରା ପଞ୍ଚାୟତର କିବେକଙ୍ଗା ଗାଁର ଟିନା ମିସ୍ତ୍ରୀଙ୍କ ମୃତଦେହ ପୋଖରୀରୁ ଉଦ୍ଧାର ଘଟଣାରେ ପୋଲିସ ଟିନାଙ୍କ ସ୍ବାମୀ ସୁମିତ ମିସ୍ତ୍ରୀ ଏବଂ ଶ୍ବଶୁର ପାରିତୋଷ ମିସ୍ତ୍ରୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏହି ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତଙ୍କୁ ଗିରଫ ନ କରି ଘଣ୍ଟ ଘୋଡାଉଥିବା ଅଭିଯୋଗ କରି ଏହି ବନ୍ଦ ପାଳନ କରାଯାଉଛି ।

ଘଟଣା ଅନୁସାରେ ଗତ ସେପ୍ଟେମ୍ବର ୨୨ ତାରିଖ ଦିନ ରାଇଘର ବ୍ଲକ୍ କିବେକଙ୍ଗା ଗ୍ରାମର ଟିନା ମିସ୍ତ୍ରୀ ନିଖୋଜ ଥିବା ନେଇ କୁନ୍ଦେଇ ଥାନାରେ ପରିବାର ପକ୍ଷରୁ ଏତଲା ଦିଆଯାଇଥିଲା । କିନ୍ତୁ ସେହିଦିନ ଟିନାଙ୍କ ମୃତ ଦେହ ଗାଁ ପୋଖରୀରେ ଭାସୁଥିବା ଦେଖାଯାଇଥିଲା । ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ଅଭିଯୋଗ କରି ମୃତ ଟିନାଙ୍କ ବାପା ବୃନ୍ଦାବନ ବିଶ୍ବାସ କୁନ୍ଦେଇ ଥାନାରେ ଏତଲା ଦେଇଥିଲେ । ଟିନାଙ୍କୁ ତାଙ୍କ ସ୍ବାମୀ ସୁମିତ ମିସ୍ତ୍ରୀଙ୍କ ସହିତ ଶାଶୁ, ଶ୍ବଶୁର ଏବଂ ଅନ୍ୟ ଦୁଇ ସମ୍ପର୍କୀୟ ମିଶି ହତ୍ୟା କରିଥିବା ଏତଲାରେ ଉଲ୍ଲେଖ କରିଥିଲେ ।

ଏତଲାକୁ ଆଧାର କରି ପୋଲିସ ସମସ୍ତ ୫ ଜଣକୁ ପଚରାଉଚରା କରିବା ସହିତ କିବେକଙ୍ଗା ଗ୍ରାମକୁ ଯାଇ ଘଟଣାର ତଦନ୍ତ କରିଥିଲା । ଅଭିଯୋଗକୁ ଭିତ୍ତି କରି ଟିନାଙ୍କ ସ୍ବାମୀ ସୁମିତ ମିସ୍ତ୍ରୀ ଓ ଶ୍ବଶୁର ପାରିତୋଷ ମିସ୍ତ୍ରୀଙ୍କୁ ୨୭ ତାରିଖ ଦିନ ଗିରଫ କରି କୋର୍ଟ ଚାଲାଣ କରିଥିଲା ପୋଲିସ । କିନ୍ତୁ ପୋଲିସ ଅନ୍ୟ ତିନି ଅଭିଯୁକ୍ତଙ୍କୁ ଗିରଫ ନକରି ଅଯଥା ଘଟଣାକୁ ବିଳମ୍ବ କରି ଘଣ୍ଟ ଘୋଡାଉଥିବା ପରିବାର ଲୋକେ ଅଭିଯୋଗ କରି ଆସୁଛନ୍ତି ।

ତେବେ ତୁରନ୍ତ ଅଭିଯୁକ୍ତଙ୍କୁ ଗିରଫ ଦାବିରେ ଆଜି ସ୍ଥାନୀୟ ଆଞ୍ଚଳିକ ବଙ୍ଗୀୟ ଉନ୍ନୟନ ସମିତି ପକ୍ଷରୁ ରାଇଘର ବନ୍ଦ ଡାକରା ଦିଆଯାଇଛି । ଏହି ବନ୍ଦ ପାଳନ ଫଳରେ ରାଇଘର ସମ୍ପୂର୍ଣ୍ଣ ବନ୍ଦ ଥିବା ବେଳେ ଦୋକାନ ବଜାର ବନ୍ଦ ରହିଛି । ସହର ମଧ୍ୟକୁ ଗାଡି ଚଳାଚଳ ବନ୍ଦ ରହିଛି ।

   Related Posts