Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

ଗତ ୧୪ ଦିନରେ ଅନ୍ତର୍ଜାତୀୟ ଯାତ୍ରାରୁ ଫେରିଥିବା Covid ଆକ୍ରାନ୍ତ ଯାତ୍ରୀଙ୍କର ହେବ ଜିନୋମ୍ ସିକ୍ୱେନସିଂ

29/12/2020 at 5:14 PM

ନୂଆଦିଲ୍ଲୀ ୨୯।୧୨: ବ୍ରିଟେନରେ କରୋନା ଭାଇରସ ନୂଆ ଷ୍ଟ୍ରେନ ସମଗ୍ର ବିଶ୍ୱକୁ ଚିନ୍ତାରେ ପକାଇଛି। ଏଥିରେ ନୂଆପ୍ରକାର ଭୂତାଣୁ ନେଇ ୬ ଜଣ ଭାରତ ଫେରିଥିବା ସ୍ପଷ୍ଟ ହୋଇଛି। ଏମାନଙ୍କୁ ତୁରନ୍ତ ଆଇସୋଲେସନ କରାଯାଇଥିବା ବେଳେ ଏପରି ଲୋକଙ୍କ ସଂସ୍ପର୍ଶରେ ଆସିଥିବା ଲୋକଙ୍କର ଏବେ ସରକାର ସନ୍ଧାନ କରୁଛନ୍ତି। ଏଭଳି ପରିସ୍ଥିତିରେ ଭାରତ ସରକାର ଗତ ୧୪ ଦିନରେ ଅନ୍ତର୍ଜାତୀୟ ଯାତ୍ରାରୁ ଫେରି କୋଭିଡ ଆକ୍ରାନ୍ତ ହୋଇଥିବା ଲୋକଙ୍କ ଜିନୋମ ସିକ୍ୱେନସିଂ କରିବାକୁ ନିଷ୍ପତ୍ତି ନେଇଛନ୍ତି।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ମଙ୍ଗଳବାର ଏହି ସୂଚନା ଦେଇଛନ୍ତି। ଏଥିରେ ବ୍ରିଟେନରେ କୋଭିଡ-୧୯ ନୂଆ ଷ୍ଟେନକୁ ନଜରରେ ରଖି ଡିସେମ୍ବର ୯ ତାରିଖରୁ ୨୨ ତାରିଖ ସୁଦ୍ଧା ଭାରତ ଫେରିଥିବା ଲୋକେ ଯେଉଁମାନଙ୍କଠାରେ ଲକ୍ଷଣ ଦେଖାଦେବା ସହ ପରୀକ୍ଷଣ ରିପୋର୍ଟ ପଜିଟିଭ ଆସିଛି ସେମାନଙ୍କ ଜିନୋମ ସିକ୍ୱେନସ କରାଯିବ ବୋଲି କୁହାଯାଇଛି। ବ୍ରିଟେନରୁ ଫେରିଥିବା ୬ ଜଣଙ୍କ ଠାରେ ଭୂତାଣୁର ନୂଆ ଷ୍ଟ୍ରେନ ଥିବା ସ୍ପଷ୍ଟ ହୋଇଛି। ଏଥିରୁ ଏନଆଇଏମଏଚଏଏନଏସ ବେଙ୍ଗାଲୁରୁରେ ୩ଟି ସାମ୍ପଲ ସ୍ପଷ୍ଟ କରିଛନ୍ତି। ବାକି ୩ଟିରୁ ୨ଟି ସିସିଏମବି ହାଇଦ୍ରାବାଦରେ ଓ ଗୋଟିଏ ଏନଆଇଭି ପୁଣେରେ ପରୀକ୍ଷଣରୁ ଜଣାପଡିଛି।

ଏହି ୬ ଜଣଙ୍କର ଏବେ ଚିକିତ୍ସା କରାଯାଉଛି। ଏହା ଛଡା ଏମାନଙ୍କ ସହ ବିମାନରେ ଯାତ୍ରା କରିଥିବା ସହଯାତ୍ରୀଙ୍କୁ ସଂକ୍ରମିତଙ୍କୁ ନେଇ ସଚେତନ କରାଯାଇଥିବା ବେଳେ ସେମାନଙ୍କ ସମ୍ପର୍କରେ ଆସିଥିବା ଲୋକଙ୍କୁ କ୍ୱାରେଣ୍ଟାଇନ କରାଯାଇଛି। ସୂଚନା ଯୋଗ୍ୟଯେ ନଭେମ୍ବର ୨୫ରୁ ଡିସେମ୍ବର ୨୩ ମଧ୍ୟରେ ଭାରତକୁ ପ୍ରାୟ ୩୩ ହଜାର ଲୋକେ ବିଦେଶ ଯାତ୍ରାରୁ ଫେରିଛନ୍ତି। ସମସ୍ତଙ୍କୁ ଟ୍ରାକ କରିବା ସହ ସେମାନଙ୍କର ପରୀକ୍ଷଣ ମଧ୍ୟ କରାଯାଇଛି। ଏମାନଙ୍କ ମଧ୍ୟରୁ ୧୧୪ ଜଣ କୋଭିଡ ପଜିଟିଭ ଚିହ୍ନଟ ହୋଇଛନ୍ତି। ଏହି ସବୁ ସାମ୍ପଲର ଜିନୋମ ସିକ୍ୱେନ୍ସ କରାଯାଇଛି।

କେବଳ ଭାରତ ନୁହେଁ ବ୍ରିଟେନ କୋଭିଡ ଷ୍ଟ୍ରେନ୍‌ ସ୍ପେନ୍‌, ସ୍ୱିଡେନ, ସ୍ୱିଜରଲ୍ୟାଣ୍ଡ, ଫ୍ରାନ୍ସ, ଡେନମାର୍କ, ଜର୍ମାନ, ଇଟାଲୀ, ନେଦରଲ୍ୟାଣ୍ଡ, ଅଷ୍ଟ୍ରେଲିଆ, କାନାଡା, ଜାପାନ, ଲେବାନନ, ସିଙ୍ଗାପୁର ଓ ନାଇଜେରିଆ ମଧ୍ୟ ପହଞ୍ଚିଯାଇଛି। ଏହା ଛଡା ଦକ୍ଷିଣ ଆଫ୍ରିକାରେ ମଧ୍ୟ କୋଭିଡର ନୂଆ ଷ୍ଚ୍ରେନ ମିଳିଛି। ହେଲେ ଏହା ବ୍ରିଟେନ ଷ୍ଟ୍ରେନ ଠାରୁ ପୃଥକ ବୋଲି ଜଣାପଡିଛି।    

   Related Posts