Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭୁବନେଶ୍ବରରେ ପହଞ୍ଚିଲା ଆଉ ୧ ଲକ୍ଷ ୪୯ ହଜାର ୭୬୦ ଡୋଜ୍ କୋଭାକ୍ସିନ୍ ଟିକା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୧୫୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ପାରାଦୀପ : ନକଲି ସାର୍ଟିଫିକେଟ୍ ରାକେଟ୍‌ର ପର୍ଦ୍ଦାଫାଶ : ମେଡିକାଲ୍ ସାର୍ଟିଫିକେଟ୍ ତିଆରି ଅଭିଯୋଗରେ ଯୁବକ ଗିରଫ
  • ||
  • କେନ୍ଦ୍ରାପଡ଼ା : ରାମଚଣ୍ଡୀ ମନ୍ଦିରରୁ ଚୋରି, ତାଲା ଭାଙ୍ଗି ସୁନା ଅଳଙ୍କାର ଲୁଟ୍
  • ||

ଇସ୍କନର ଅଦିନଆ ରଥଯାତ୍ରାକୁ ନେଇ ପ୍ରବଳ ଜନ ଅସନ୍ତୋଷ

31/01/2020 at 8:50 PM

ଭୁବନେଶ୍ୱର/ପୁରୀ ୩୧।୦୧ – ମୁମ୍ବାଇରେ ଇସ୍କନର ଅଦିନଆ ରଥଯାତ୍ରାକୁ ନେଇ ପ୍ରବଳ ଜନ ଅସନ୍ତୋଷ। ଜଗନ୍ନାଥ ପ୍ରେମୀଙ୍କ ଠାରୁ ଆରମ୍ଭକରି ରାଜନେତା ସମସ୍ତେ ଇସ୍କନର ଏଭଳି ଅଦିନିଆ ରଥଯାତ୍ରାକୁ ନିନ୍ଦା କରିଛନ୍ତି । ଏନେଇ ବିଶ୍ବାବସୁମାନେ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛି । ତେବେ ଶାସକ ଦଳର ବିଧାୟକମାନେ ଇସ୍କନ ବିରୋଧରେ ଶ୍ରୀମନ୍ଦିର ପ୍ରଶାସନ ପାଖରେ ଅଭିଯୋଗ କରିବାକୁ ଦାବି କରିଛନ୍ତି ବିରୋଧୀ । ଏଥିସହ ଦୃଢ଼ କାର୍ଯ୍ୟନୁଷ୍ଠାନ ନେବା ସହ ଏଥିପାଇଁ ଆଇନ ପ୍ରଣୟନ କରିବାକୁ ଦାବି କରିଛନ୍ତି…

ମୁମ୍ବାଇରେ ଇସ୍କନ୍ର ଅଦିନିଆ ରଥଯାତ୍ରାକୁ ନେଇ ବିବାଦ । ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର କରୁଥିବା ଇସ୍କନ କାହା ସାହସରେ ଏଭଳି ଅଦିନିଆ ରଥଯାତ୍ରା କଲା ? ଅଦିନିଆ ରଥଯାତ୍ରା ଭଳି ଦୁଃସାହସ କରି ପୂର୍ବରୁ ଭୁଲ ମାଗିଥିଲେ ଇସ୍କନ କର୍ତ୍ତୃପକ୍ଷ । ହେଲେ ପୁଣି ସେହି ଭୁଲ ଦୋହରାଇ ଚାଲିଛନ୍ତି । ଏଥର ପୂରା ପ୍ରଶାସନ ଆଖିରେ ଆଙ୍ଗୁଠି ଗେଞ୍ଜି ଇସ୍କନ ମୁମ୍ବାଇରେ ରଥଯାତ୍ରା କଲା । ଏହାକୁ ନେଇ ଏବେ ଜଗନ୍ନାଥ ପ୍ରେମୀଙ୍କ ମନରେ ଲାଗିଛି ଆଘାତ। ବିଶ୍ବାବସୁ ବିନାୟକ ଦାସ ମହାପାତ୍ର ଏହାକୁ ଗୁରୁତର ସହ ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି । ଜଗତର ନାଥ ଜଗନ୍ନାଥଙ୍କ ଅଦିନିଆ ରଥଯାତ୍ରାକୁ ଯେପରି କୌଣସି ରାଜ୍ୟ ଆଉ ଅନୁମତି ନଦିଏ ସେଥିପାଇଁ ସେହି ରାଜ୍ୟର ମୁଖ୍ୟମନ୍ତ୍ରୀମାନଙ୍କୁ ନବୀନ ଚିଠି ଲେଖନ୍ତୁ ବୋଲି ବିନାୟକ ଦାସ ମହାପାତ୍ର ଅନୁରୋଧ କରିଛନ୍ତି ।

ଅଦିନିଆ ରଥଯାତ୍ରା ପାଇଁ ଗତ ବିଧାନସଭା ଅଧିବେଶନ ଉଠିଥିଲା ପଡିଥିଲା। ଏବେ ପୁଣି ଶାସକ ଦଳ ସଦସ୍ୟଙ୍କ ଠାରୁ ଆରମ୍ଭ କରି ବିରୋଧୀ ଦଳ ସଦସ୍ୟମାନେ ଇସ୍କନର ଏଭଳି କାମକୁ ନେଇ ତାତିଛନ୍ତି । ଶାସକ ଦଳ ସଦସ୍ୟ ଅମର ଶତପଥୀ କହିଛନ୍ତି ଜଗନ୍ନାଥ ସଂସ୍କୃତି ଓ ନୀତିକୁ ବିଭ୍ରାଟ କରିବା ପାଇଁ ଯୋଜନା ବଦ୍ଧଭାବେ ଇସ୍କନ୍ ଏପରି କରୁଛି । ସେଥିପାଇଁ ଶ୍ରୀମନ୍ଦିର ପ୍ରଶାସନ ଇସ୍କନ ବିରୋଧରେ ଥାନାରେ ଏତାଲା ଦେବା ପାଇଁ ପଦକ୍ଷେପ ନେଉ। ଏପଟେ ବିରୋଧୀ କଂଗ୍ରେସ ଓ ବିଜେପି ନେତା କହିଛନ୍ତି ଇସ୍କନ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବା ସହ ଆଇନ ପ୍ରଣୟନ କରାଯାଉ।

ଇସ୍କନ କେବଳ ଅଦିନରେ ରଥଯାତ୍ରା କରିନି । ପୂର୍ବରୁ ଶ୍ରୀଜଗନ୍ନାଥଙ୍କ ବିଷୟରେ ଭୁଲ ତଥ୍ୟ ମଧ୍ୟ ବହିରେ ପ୍ରକାଶ କରିଥିଲା। ଇସ୍କନ ଜଗନ୍ନାଥ ସଂସ୍କୃତିର ପ୍ରଚାରପ୍ରସାର ନାଁରେ ଏଭଳି ବାରମ୍ବାର ଭୁଲ କରିଚାଲିଥିବାରୁ ଏହାକୁ ଆଉ ବରଦାସ୍ତ କରାଯିବା ଉଚିତ୍ ନୁହେଁ । ସରକାର ଏହା ଉପରେ ଠୋସ୍ ପଦକ୍ଷେପ ସହ ଇସ୍କନ୍ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦଳମତ ନିର୍ବିଶେଷରେ ସବୁଠି ଦାବି ଉଠିଛି ।

   Related Posts