Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିମାନରେ ଆସିଲେ ବି ୧୪ ଦିନିଆ କ୍ବାରେଣ୍ଟାଇନ୍‌ ଜରୁରୀ
  • ||
  • ଆରଟିପିସିଆର ନେଗେଟିଭ୍‌ ରିପୋର୍ଟ ଦେଖାଇଲେ ରାଜ୍ୟକୁ ମିଳିବ ଏଣ୍ଟ୍ରି
  • ||
  • ପଶ୍ଚିମବଙ୍ଗ ସୀମାକୁ ଲାଗିଥିବା ସମସ୍ତ ସୀମା ସିଲ୍‌ ହେବ
  • ||
  • ମୁଖ୍ୟ ଶାସନ ସଚିବ ସୁରେଶ ମହାପାତ୍ରଙ୍କ ଗୁରୁତ୍ବପୂର୍ଣ୍ଣ ସୂଚନା
  • ||
  • ପଶ୍ଚିମବଙ୍ଗରୁ ଆସିଲେ ୧୪ ଦିନିଆ କ୍ବାରେଣ୍ଟାଇନ୍‌ ବାଧ୍ୟତାମୂଳକ
  • ||
  • ଭୁବନେଶ୍ବରରେ ରିଙ୍ଗ୍‌ ରୋଡ୍ ପାଇଁ ମୁଖ୍ୟମନ୍ତ୍ରୀଙ୍କ ମଞ୍ଜୁରୀ, ରାଜ୍ୟ ସରକାର ବହନ କରିବେ ୬୦୦ କୋଟି ଟଙ୍କା
  • ||
  • ଭୁବନେଶ୍ବର : BMCରେ ବଢିଲା ରାପିଡ୍ ରେସପନ୍ସ ଟିମ୍ ସଂଖ୍ୟା, ୬୭ଟି ୱାର୍ଡ ପାଇଁ ୩୯ଟିମ୍
  • ||
  • ଭୁବନେଶ୍ବର : ପ୍ରଧାନମନ୍ତ୍ରୀଙ୍କ ସହ କଥାହେଲେ ମୁଖ୍ୟମନ୍ତ୍ରୀ, ଦେଶରେ ଅକ୍ସିଜେନ୍ ଆବଶ୍ୟକତାକୁ ପୂରଣ ପାଇଁ ସହଯୋଗ କରିବ ଓଡିଶା
  • ||
  • କେନ୍ଦୁଝର : ଶୌଚ ସାରି ଫେରିବା ବେଳେ ବଜ୍ରପାତ, ଚାଲିଗଲା ବୃଦ୍ଧଙ୍କ ଜୀବନ
  • ||
  • ରାଉରକେଲା : ବ୍ରାହ୍ମଣୀ ବ୍ରିଜ୍‌ରୁ ନଦୀକୁ ଡେଇଁଲେ ମହିଳା, ଗୁରୁତର ଅବସ୍ଥାରେ ଉଦ୍ଧାର
  • ||

ଫାଇଲିନ୍ ଦୁର୍ଦ୍ଦଶାକୁ ତାଜା କରି ଦେଇଛି ତିତଲୀ : ଆତଙ୍କିତ ସମୁଦ୍ରକୂଳିଆ ଅଂଚଳ

9/10/2018 at 7:55 PM

ଭୁବନେଶ୍ବର୯|୧୦: ଫାଇଲିନ୍ ଦୁର୍ଦ୍ଦଶାକୁ ତାଜା କରି ଦେଇଛି ତିତଲୀ । ଓଡ଼ିଶା ପ୍ରତି ଏହାର ସମ୍ଭାବନା ଅଧିକ ଥିବାରୁ ରାଜ୍ୟ ସରକାର ଓ ପ୍ରଶାସନ ଆଲର୍ଟ ହୋଇଛନ୍ତି । ୧୫ ଜିଲ୍ଲାରେ ହାଇ ଆଲର୍ଟ ଜାରି କରିଛି ପାଣିପାଗ ବିଭାଗ । ବିଶେଷ କରି ଗଞ୍ଜାମ, ବ୍ରହ୍ମପୁର, ଜଗତସିଂହପୁର, ପାରାଦୀପ ଆଦି ସ୍ଥାନରେ ପ୍ରଶାସନ ତତ୍ପର ହୋଇଛି ।

ବଙ୍ଗୋପସାଗରରେ ସୃଷ୍ଟ ଲଘୁଚାପ, ଭୀଷଣ ଅବପାତ ଆଉ ତାପରେ ନେଇଛି ବାତ୍ୟାର ରୂପ । ଏବେ ଏହା ଓଡ଼ିଶା ଏବଂ ଆନ୍ଧ୍ର ଉପକୂଳ ମୁହାଁ । ଆଜି ରାତିରୁ ଗଞ୍ଜାମ, ଗଜପତି, ପୁରୀ, ଜଗତସିଂହପୁର ଜିଲ୍ଲାର କିଛି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ଆରମ୍ଭ ହୋଇଯିବ । ସେହିଭଳି ଖୋର୍ଦ୍ଧା, ନୟାଗଡ଼, କଟକ, ଯାଜପୁର, ଭଦ୍ରକ ଓ ବାଲେଶ୍ବରରେ ଆସନ୍ତାକାଲି ପ୍ରବଳରୁ ଅତି ପ୍ରବଳ ବର୍ଷା ହେବ । ୧୧ ତାରିଖରେ ଏସବୁ ଜିଲ୍ଲାରେ ଅତିପ୍ରବଳ ବର୍ଷାର ସମ୍ଭାବନା ରହୁଛି । ତେଣୁ ଏସବୁ ଜିଲ୍ଲା ପାଇଁ ପର୍ଯ୍ୟାୟ କ୍ରମେ ଅରେଞ୍ଜ, ୟେଲୋ ଏବଂ ରେଡ୍ ଆଲର୍ଟ ଜାରି କରାଯାଇଛି ।

୧୫ ଜିଲ୍ଲା ପାଇଁ ହାଇ ଆଲର୍ଟ ଜାରି କରାଯାଇ ଥିବା ବେଳେ ତତ୍ପର ହୋଇଛି ପ୍ରଶାସନ । ବିଶେଷକରି ଗଞ୍ଜାମ ଗୋପାଳପୁରବାସୀଙ୍କ ମନରେ ଛନକା ପୂରାଇ ଦେଇଛି ବାତ୍ୟା ଭୟ । ଫାଇଲିନ୍ ବେଳର ଦୁର୍ଦ୍ଦଶା ମନେ ପକାଇ ସେମାନେ ଭୟଭୀତ ହୋଇ ପଡ଼ିଛନ୍ତି । ସେପଟେ ଜିଲ୍ଲା ପ୍ରଶାସନ ସମ୍ଭାବ୍ୟ ପରିସ୍ଥିତି ସାମ୍ନା କରିବାକୁ ପ୍ରସ୍ତୁତ ହୋଇଥିବା ବେଳେ ଜିଲ୍ଲାର ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ୍ କରାଯାଇଛି । ସମୁଦ୍ର ତଳିଆ ଲୋକଙ୍କୁ ବାତ୍ୟା ଆଶ୍ରୟସ୍ଥଳୀ ଏବଂ ସ୍କୁଲରେ ରଖାଯିବା । ମତ୍ସ୍ୟଜୀବୀମାନେ ସମୁଦ୍ର ମଧ୍ୟକୁ ନଯିବାକୁ ବାରଣ କରାଯାଇଛି । ଆବଶ୍ୟକ ଖାଦ୍ୟ, ଔଷଧ ମହଜୁଦ୍ ରଖାଯାଇଛି । ଓଡ୍ରାଫ୍ ଓ ଏନଡିଆରଏଫ୍ ଟିମକୁ ସଜାଗ ରଖାଯାଇଛି ।

ଗୋପାଳପୁର ଲୋକଙ୍କ ମନରେ ତିତଲୀ, ଫାଇଲିନ ଭୟକୁ ତାଜା କରିଥିବା ବେଳେ ଜତଗସିଂହପୁର ବାସୀଙ୍କୁ ମନେ ପକାଇ ଦେଇଛି ୧୯୯୯ ମହାବାତ୍ୟାର ପ୍ରଳୟଙ୍କରୀ ରୂପ । ଆଜି ସକାଳୁ କୋହଲା ପାଗ ସାଙ୍ଗକୁ ଆରମ୍ଭ ହୋଇଥିବା ଥଣ୍ଡା ପବନ ଲୋକଙ୍କୁ ଅଧିକ ଭୟଭୀତ କରିଦେଲାଣି । ସେପଟେ ଖବର ପାଇ ବି ପାରାଦୀପ ଅଞ୍ଚଳର କିଛି ମତ୍ସ୍ୟଜୀବୀ ସମୁଦ୍ରରୁ ଫେରିପାରି ନାହାନ୍ତି ।

ଅସ୍ତରଙ୍ଗ ସମୁଦ୍ର କୂଳିଆ ଅଞ୍ଚଳର ୧୩ ଖଣ୍ଡ ଗାଁ ଲୋକେ ଛାନିଆ ହୋଇ ପଡ଼ିଛନ୍ତି । ସମୁଦ୍ରରେ ବଡ଼ ବଡ଼ ଢେଉ ଆସିବା ଆରମ୍ଭ ହୋଇଗଲାଣି । ଜାହାନିଆ ପୀର୍ ବେଳାମାର୍ଗ ଜନଶୂନ୍ୟ ହୋଇଗଲାଣି ।

୨୦୧୩ ଅକ୍ଟୋବରରେ ଠିକ୍ ଦଶହରା ବେଳକୁ ଆସିଥିଲା ଫାଇଲିନ୍ । ତାର ବର୍ଷକ ପରେ ୨୦୧୪ରେ ପୁଣି ଆସିଲା ହୁଡହୁଡ୍ । ଆଉ ଏବେ ଠିକ୍ ସେହି ସମୟରେ ଆସୁଛି ତିତଲୀ । ପୂଜା ପାଇଁ ଲୋକେ ପ୍ରସ୍ତୁତ ହେଉଥିବା ବେଳେ ଏବେ ଘାରିଛି ଧନଜୀବନ ସୁରକ୍ଷା ଚିନ୍ତା ।

   Related Posts