ବାଙ୍କୀ ୧୧।୧୧ - ବାଙ୍କୀ ଏସ୍ଡିପିଓଙ୍କୁ ଘେରିଲେ ଶତାଧିକ ଲୋକେ । ବାଙ୍କୀ ବାଉଁଶପୁଟ ପଞ୍ଚାୟତର ସରପଞ୍ଚଙ୍କ ସ୍ବାମୀଙ୍କ ବିରୋଧରେ ସେହି ଗାଁର ଜଣେ ମହିଳା ବାଙ୍କୀ ଥାନାରେ ଲିଖିତ ଅଭିଯୋଗ କରିଥିଲେ ।
ଅଭିଯୋଗକୁ ଆଧାର କରି ପୋଲିସ ତଦନ୍ତ ଆରମ୍ଭ କରିଥିଲା । ତେବେ ସେହିଗ୍ରାମର ଆଉ କିଛି ଲୋକ ଏହାର ପ୍ରତିବାଦ କରିବା ସହ ତୁରନ୍ତ ମାମଲା ପ୍ରତ୍ୟାହାର କରିବା ପାଇଁ ବାଙ୍କୀ ଥାନା ଆଗରେ ଏକତ୍ରିତ ହୋଇ ଏସ ଡିପିଓଙ୍କୁ ଘେରିଥିଲେ । ଘଟଣାର ନିରପେକ୍ଷ ତଦନ୍ତ ପାଇଁ ପ୍ରତିଶ୍ରୁତି ଦେବା ପରେ ଲୋକେ ଆନ୍ଦୋଳନରୁ ହଟିଛନ୍ତି ।
