Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ଖାତାକୁ ଗଲା ‘କାଳିଆ’ ଟଙ୍କା, ଆକାଉଣ୍ଟକୁ ୯୧୦ କୋଟି ଟଙ୍କା ପଠାଇଲେ ମୁଖ୍ୟମନ୍ତ୍ରୀ
  • ||
  • ୫୦୦ ଲୋକଙ୍କୁ ନେଇ ଧୁମଧାମ୍‌ରେ ଚାଲିଥିଲା ବାହାଘର ଭୋଜି, ଚଢଉ କଲେ ତହସିଲଦାର…ଲାଗିଲା ମୋଟା ଅଙ୍କର ଫାଇନ୍
  • ||
  • ୩ ହଜାର ଲିଟର ମଦ ଜବତ, ୬୦ଟି ବସ୍ତାରେ ହେଉଥିଲା ଚାଲାଣ
  • ||
  • ନାଉ କିଆରୀରୁ ଜବତ ହେଲା ବିପୁଳ ପରିମାଣର ଗଞ୍ଜେଇ, ଜଣେ ଗିରଫ
  • ||
  • ଚେତୁ ନାହାଁନ୍ତି ଲୋକେ, ବିନିକା ବଜାରରେ କରୋନା କଟକଣା ବାଟବଣା
  • ||
  • ଚଣ୍ଡିଖୋଲ : ଧଳା ଜହର ରାକେଟ୍‌ର ପର୍ଦ୍ଦାଫାଶ କଲା ସଡକ ଦୁର୍ଘଟଣା, ଜବତ ହେଲା ୯ ଗ୍ରାମ୍ ବ୍ରାଉନସୁଗାର
  • ||
  • ଚଣ୍ଡିଖୋଲ : ଚଳିତ ବର୍ଷ ଫିକା ପଡିଛି ଇଦ୍, ଯାଜପୁରରେ ନିରାଡମ୍ବର ଭାବେ ପାଳିତ ହେଉଛି ଉଦ୍-ଉଲ୍-ଫିତର
  • ||
  • ତେଲକୋଇ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ସ୍ତ୍ରୀ ଗୁରୁତର, ସ୍ବାମୀ ଆହତ
  • ||
  • ନୂଆଦିଲ୍ଲୀ : ଆପ୍ ନେତା ଜରନେଲ୍ ସିଂହଙ୍କ କରୋନାରେ ଦେହାନ୍ତ, ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ କେଜରିଓ୍ବାଲ
  • ||
  • ରାଜ୍ୟରେ କରୋନା ନେଲା ଆଉ ୨୨ଜଣଙ୍କ ଜୀବନ, ୨୨୭୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

୯୦ ଦଶକରେ ଶିବଙ୍କ ଅଭିନୟ କରି ପପୁଲାର ହୋଇଥିଲେ ଏହି ଅଭିନେତା, ପ୍ରକୃତରେ ଭଗବାନ ଭାବି ଲୋକେ କରୁଥିଲେ ପୂଜା

4/03/2019 at 1:37 PM

ମୁମ୍ୱାଇ ୪|୩: ୯୦ ଦଶକରେ ଓମ ନମଃ ଶିବାୟ ସିରିଏଲ ବେଶ ଆଦୃତ ହୋଇଥିଲା। ଏହି ସିରିଏଲରେ ବିଭିନ୍ନ ଭୂମିକାରେ ଅଭିନୟ କରିଥିବା ଅଭିନେତାମାନେ ଏତେ ଭଲ ଅଭିନୟ କରିଥିଲେ ଯେ, ଲୋକେ ଅଭିନେତାଙ୍କୁ ବାସ୍ତବ ବୋଲି ମନେ କରୁଥିଲେ। ଏହି ସିରିଏଲର କେତେକ ମୁଖ୍ୟ ଭୂମିକାରେ ଅଭିନୟ କରୁଥିବା ଅଭିନେତା ଏବେ ଚଳଚ୍ଚିତ୍ରରେ ବେଶ ନାଁ କରିଛନ୍ତି।
ତେବେ ୯୦ ଦଶକରେ ଛୋଟ ପରଦାର ଏହି ଧାର୍ମିକ ସିରିଏଲରେ ଶିବ ଭୂମିକାରେ ଅଭିନୟ କରିଥିବା କଲାକାର ସମସ୍ତଙ୍କଠୁ ଅଧିକ ପ୍ରତିଷ୍ଠା ଲାଭ କରିଥିଲେ। ସେହି ସମୟରେ ଓମ ନମଃ ଶିବାୟ ସିରିଏଲ ବହୁତ ଲୋକପ୍ରିୟତା ହାସଲ କରିଥିଲା । ଧିରଜ କୁମାରଙ୍କ ନିର୍ଦ୍ଦେଶନାରେ ହୋଇଥିବା ଏହି ସିରିଏଲ ଛୋଟ ପିଲାଙ୍କଠୁ ଆରମ୍ଭ କରି ବୟସ୍କ ସମସ୍ତେ ପସନ୍ଦ କରୁଥିଲେ। ଏଥିରେ ଶିବ ଭୂମିକାରେ ଅଭିନୟ କରୁଥିବା ଅଭିନେତା ସମର ଜୟ ସିଂହ ଦର୍ଶକଙ୍କୁ ବହୁତ ପସନ୍ଦ ଥିଲେ। ଲୋକେ ତାଙ୍କୁ ପ୍ରକୃତରେ ଶିବ ବୋଲି ମାନି ପୂଜା କରୁଥିଲେ।
ସମର ଜୟ ସିଂହ ଅନେକ ପୌରାଣିକ ସିରିଏଲରେ ଅଭିନୟ କରିଛନ୍ତି। ସମ୍ରାଟ ଅଶୋକ, ମୃତୁଞ୍ଜୟ, ରାମାୟଣ ଓ ମହାରାଜା ରଂଜିତ ସିଂହ ଭଳି ସିରିଏଲରେ ଅଭିନୟ କରିଛନ୍ତି ଏହି ଅଭିନେତା । କିନ୍ତୁ ସେ ଓମ ନମଃ ଶିବାୟରେ ଅଭିନୟ କରିଥିବା ଭୂମିକାକୁ ଆଜି ଯାଏଁ ଲୋକ ଭୁଲିନାହାନ୍ତି। ଆଜି ମଧ୍ୟ ତାଙ୍କୁ ଅନେକ ଲୋକ ଭଗବାନ ଶିବ ଭାବି ପୂଜା କରନ୍ତି।
ଟିଭି ସିରିଏଲ ବ୍ୟତିତ ସମର ଜୟ ସିଂହ ଚଳଚ୍ଚିତ୍ରରେ ମଧ୍ୟ ଅଭିନୟ କରନ୍ତି। ବଲିଉଡ ଫିଲ୍ମ ଲିଟିଲ ୱାର, ସୁନ୍ଦରୀ, ଗଦ୍ଦର: ଏକ ପ୍ରେମ କଥା, ପିଞ୍ଜର, ଅବ ତୁମ୍‌ହାରେ ହୱାଲେ ୱତନ ସାଥିୟୋଁ, ଅପନେ, ଏକ ଥା ଟାଇଗର, ହିରୋପନ୍ତୀରେ ଅଭିନୟ କରିଛନ୍ତି।
ଏବେ ସମର ଜୟ ସିଂହ ମୁମ୍ୱାଇରେ କ୍ରିଟିଙ୍ଗ କ୍ୟାରେକଟର୍ସ ନାମକ ଏକ ଅଭିନୟ ସ୍କୁଲ ଚଲାଉଛନ୍ତି। ଫିଲ୍ମ ଓ ଅଭିନୟ ଜଗତରେ କ୍ୟାରିଅର ତିଆରି କରିବା ପାଇଁ ମୁମ୍ୱାଇ ଆସୁଥିବା ଯୁବପିଢୀଙ୍କୁ ସମର ଆକ୍‌ଟିଙ୍ଗର ଟ୍ରେନିଙ୍ଗ ଦିଅନ୍ତି। ୨୦୦୫ ମସିହାରୁ ସମର ଏହି ଆକ୍‌ଟିଙ୍ଗ ସ୍କୁଲ ସହ ଜଡିତ । ଏହା ସହ ସେ ନିଜେ ମଧ୍ୟ ଅଭିନୟ ଜଗତରେ କାମ କରନ୍ତି। ତାଙ୍କୁ ଶେଷ ଥର ପାଇଁ ଶ୍ରଦ୍ଧା କପୁରଙ୍କ ଫିଲ୍ମ ହସିନା ପାରକରରେ ଦେଖିବାକୁ ମିଳିଥିଲା।

   Related Posts