Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରିପଦା : ଦିନ ଦ୍ବିପ୍ରହରରେ ଲୁଟ୍, ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ
  • ||
  • ବାରିପଦା : ୪୦ ଲକ୍ଷ ଟଙ୍କାର ଧଳା ଜହର ଜବତ, ଜଣେ ଗିରଫ
  • ||
  • ଖୋର୍ଦ୍ଧା : ଅଟୋ ଓ କାର୍ ମୁହାଁମୁହିଁ ଧକ୍କା, ୮ ଆହତ
  • ||
  • ଝାରସୁଗୁଡା : ଜାଲ୍ ନୋଟ୍ କାରବାରର ପର୍ଦ୍ଦାଫାଶ, ୫୭ହଜାର ଟଙ୍କାର ନକଲି ନୋଟ୍ ଜବତ, ରେଳବାଇ କର୍ମଚାରୀ ଗିରଫ
  • ||
  • ପୁରୀ : ମହାପ୍ରଭୁଙ୍କ ଦର୍ଶନ ପାଇଁ ବ୍ୟାରିକେଡ଼ରେ କରିଥିଲେ ଅପେକ୍ଷା, ହଠାତ୍ ଅସୁସ୍ଥ ହୋଇପଡିଲେ ଭକ୍ତ
  • ||
  • ଅନୁଗୋଳ : ଅନନ୍ତ କୋଇଲା ଖଣିରେ ଅଘଟଣ, କୋଇଲା ଲୋଡିଂ ବେଳେ ପୋତିହୋଇଗଲେ ଜଣେ
  • ||
  • ବ୍ରହ୍ମପୁର : ଭିଜିଲାନ୍ସ ପଞ୍ଝାରେ ଆରଆଇ, ଜମି ନିର୍ଦ୍ଧାରଣ ପାଇଁ ୫ ହଜାର ଟଙ୍କା ନେବାବେଳେ ଧରାପଡିଲେ
  • ||
  • ଭୁବନେଶ୍ବର : ଦିନରେ ରଙ୍ଗମିସ୍ତ୍ରୀ, ରାତିରେ ଚୋରୀ, ୫ ବର୍ଷ ଧରି ଖୋଜୁଥିଲା ପୋଲିସ, ଶେଷରେ ଧରାପଡିଲା
  • ||
  • କଟକ : ରମଜାନ ପାଇଁ ସିଏମସିର ଗାଇଡ୍‌ଲାଇନ୍, ନମାଜ ପାଠ ପାଇଁ ୧୦୦ ଲୋକଙ୍କୁ ଅନୁମତି
  • ||
  • ଜଳେଶ୍ବର : ନଦୀ ପଠାରୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଠାବ, ସ୍ବାମୀ ହତ୍ୟା କରିଥିବା ଅଭିଯୋଗ ଆଣିଲେ ବାପଘର
  • ||

ସିଲ୍ ହେଲା ରଙ୍ଗଶାଳା : ସ୍ମିତାରାଣୀଙ୍କ ରହସ୍ୟଜନକ ମୃତ୍ୟୁ ଘଟଣାର ମୂକସାକ୍ଷୀ

25/10/2019 at 1:18 PM

ଚଣ୍ଡିଖୋଲ ୨୫।୧୦: ଯାଜପୁର ହରିଦାସପୁର ପିଇଓ ସ୍ମିତାରାଣୀଙ୍କ ରହସ୍ୟଜନକ ମୃତ୍ୟୁର ମୂକସାକ୍ଷୀ ବିବାଦୀୟ ଗେଷ୍ଟହାଉସ୍ ସିଲ୍ । ମୁଖ୍ୟ ଅଭିଯୁକ୍ତ ରୁପେଶ ଭଦ୍ରଙ୍କ ଏହି ଗେଷ୍ଟ ହାଉସକୁ ବେଆଇନ ଘୋଷଣା କରି ୧୪୪ ଧାରା ଜାରି କରିଥିଲେ ଯାଜପୁର ଜିଲ୍ଲାପାଳ ରଞ୍ଜନ କୁମାର ଦାସ । ଆଜି ଧର୍ମଶାଳା ତହସିଲଦାର ସରୋଜ ପଣ୍ଡା ଓ ଆଇଆଇସି ସରୋଜ ସାହୁ ଏହି ଗେଷ୍ଟ ହାଉସରେ ନାଲି ପତାକା ଲଗାଇ ସିଲ୍ କରିଛନ୍ତି ।

ଏହି ଗେଷ୍ଟ ହାଉସ ସରକାରୀ ଜମିରେ ବହୁବର୍ଷ ହେଲା ଗଢ଼ି ଉଠିଛି । ଏହି ବିବାଦୀୟ ଗେଷ୍ଟହାଉସ୍ ରେ ଗତ ୧୬ ତାରିଖରେ ପିଇଓ ସ୍ମିତାରାଣୀଙ୍କ ସନ୍ଦେହଜନକ ସ୍ଥିତିରେ ମୃତ୍ୟୁ ଘଟିବା ପରେ ଚର୍ଚ୍ଚାର ପରିସରକୁ ଆସିଥିଲା ।

ଏହି କୋଠାଟି ପ୍ଲଟ୍ ଅନାବାଦି ଓ ଜଙ୍ଗଲ କିସମ ଜମିରେ ଛିଡା ହୋଇଛି । ହରିଦାସପୁର ସରପଞ୍ଚ ମଧୁସ୍ମିତା ଭଦ୍ରଙ୍କ ସ୍ବାମୀ ରୂପେଶ ଭଦ୍ର ସରକାରୀ ଅନାବାଦି ଓ ସାରୋଇ ପାହାଡ଼କୁ ଜବରଦଖଲ କରି ସୁରମ୍ୟ ଅଟ୍ଟାଳିକା ନିର୍ମାଣ କରିଥିବା ତଦନ୍ତରୁ ସ୍ପଷ୍ଟ ହୋଇଛି । ଏ ସଂପର୍କରେ ଧର୍ମଶାଳା ତହସିଲଦାର ରିପୋର୍ଟ ଦେବା ପରେ ଯାଜପୁର ଜିଲ୍ଲାପାଳ ଗେଷ୍ଟହାଉସ୍ କୁ ଉଚ୍ଛେଦ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।

ଧର୍ମଶାଳା ବ୍ଲକ ହରିଦାସପୁର ପଞ୍ଚାୟତ ପିଇଓ ସ୍ମିତାରାଣୀଙ୍କ ମୃତ୍ୟୁ ରହସ୍ୟ ଏହି ଗେଷ୍ଟ ହାଉସ ଚାରିକାନ୍ଥ ଭିତରେ ଲୁଚି ରହିଥିବାରୁ ଏହାକୁ ଭାଙ୍ଗିଲେ ତଦନ୍ତରେ ବାଧା ଉପୁଜିବାର ଆଶଙ୍କା ରହିଛି। ତେଣୁ ଏ ନେଇ ଯାଜପୁର ଏସପି ଚରଣ ସିଂ ମୀନାଙ୍କ ଅନୁମତି ଲୋଡ଼ାଯାଇଛି। ଏସପିଙ୍କ ସବୁଜ ସଂକେତ ମିଳିବା ପରେ ଏ ସଂପର୍କରେ କାର୍ଯ୍ୟାନୁଷ୍ଠାନ ନିଆଯିବ । ତେବେ ଏହି ଗେଷ୍ଟ ହାଉସରେ ଅଯଥା ପ୍ରବେଶକୁ ନିଷିଦ୍ଧ କରାଯାଇଥିବାବେଳେ ଏହାର ଚାରିପାଖ ଅଞ୍ଚଳରେ ୧୪୪ ଧାରା ଜାରି କରାଯାଇଛି।

   Related Posts