Wednesday, August 21, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଟଙ୍କା ବାଣ୍ଟିବା ଅଭିଯୋଗରେ ଗ୍ରାମବାସୀଙ୍କ ଦ୍ବାରା ପିଇଓ ଅଟକ

ନୟାଗଡ ୨୩|୪: ଟଙ୍କା ବାଣ୍ଟୁଥିବା ଅଭିଯୋଗରେ ନୟାଗଡ ଜିଲ୍ଲା ରଣପୁର ଥାନା କାଣ୍ଡପଡା ପିଇଓଙ୍କୁ ଅଟକ ରଖିଲେ ଗ୍ରାମବାସୀ । ଖବର ପାଇ ରଣପୁର ପୋଲିସ ସମ୍ପୃକ୍ତ ପିଇଓକୁ ଥାନାକୁ ଆଣି ପଚରାଉଚରା କରି ଅଟକ ରଖିଛି ।

ସୂଚନା ଅନୁସାରେ ପିଇଓ ସୁଜିତ କୁମାର ଦାସ ଆଜି ଭୋର ପ୍ରାୟ ୩ଟା ସମୟରେ ଗଁ।ରେ ଟଙ୍କା ବାଣ୍ଟୁଥିବା ଖବର ପାଇ ଗଁ।ର ଲୋକମାନେ ତାଙ୍କୁ ଘେରିଥିଲେ । ଇଲେକ୍ସନ ଡ୍ୟୁଟି ଲେଖାଥିବା ଏକ ଗାଡିରେ ସୁଜିତ ଗଁ।କୁ ଯାଇ କିଛି ଲୋକଙ୍କୁ ଟଙ୍କା ବାଣ୍ଟୁଥିବା ଅଭିଯୋଗ ହୋଇଛି । ଏପରିକି ଗାଡିରୁ ବିଜେଡିର ଦଳୀୟ ପତାକା ବାହାରିଥିବାରୁ ଲୋକମାନେ ଅଧିକ ତାତିଥିଲେ । ସୁଜିତଙ୍କୁ ଗ୍ରାମବାସୀ ଅଟକ ରଖିଥିବା ଖବର ପାଇ ରଣପୁର ଥାନା ଅଧିକାରୀ ଏବଂ ଶରଣକୁଳ ଏସଡିପିଓ ଘଟଣାସ୍ଥଳରେ ପହଞ୍ଚି ଗାଡି ଏବଂ ସୁଜିତଙ୍କୁ ତଲାସି କରିଥିଲେ । ଗାଡିରୁ ଦଳୀୟ ପତାକା, ଭୋଟ୍ ଦାନ କେନ୍ଦ୍ରର ପୋଷ୍ଟର ଏବଂ  ସୁଜିତଙ୍କଠାରୁ ୧୩ହଜାର ଟଙ୍କା ମିଳିଥିଲା । ଗ୍ରାମବାସୀଙ୍କୁ ବୁଝାସୁଝା କରି ପୋଲିସ ସୁଜିତଙ୍କୁ ଉଦ୍ଧାର କରି ଥାନାକୁ ଆଣି ଅଧିକ ପଚରାଉଚରା କରୁଛି । ସୁଜିତଙ୍କୁ ଥାନାରେ ଅଟକ ରଖାଯାଇଥିବା ଶରଣକୁଳ ଏସଡିପିଓ ଫୋନ୍‌ ରେ ଜଣାଇଛନ୍ତି । 

600 Views

   ସମ୍ବନ୍ଧିତ ଖବର