Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

ମାନିଲା ପେଣ୍ଟାଗନ୍‌ : ଇରାନ ଆକ୍ରମଣରେ ୩୪ ଆମେରିକୀୟ ସୈନ୍ୟ ଘାଇଲା , କିନ୍ତୁ ନିହତ ହୋଇନାହାନ୍ତି କେହି

25/01/2020 at 12:28 PM

ଓ୍ବାସିଂଟନ ୨୫।୦୧: ଶେଷରେ ସତ ମାନିଲା ଆମେରିକା ।  ଇରାନର ଆକ୍ରମଣରେ ୩୪ ଜଣ ଆମେରିକୀୟ ସୈନ୍ୟ ଘାଇଲା ହୋଇଥିବା ମାନିଛି ପେଣ୍ଟାଗନ୍ ।  ଇରାନ୍‌ ନିଜର ସେନା କମାଣ୍ଡ କାସିମ ସୁଲେମାନୀଙ୍କ ନିଧନର ପ୍ରତିଶୋଧ ନେବା ପାଇଁ ଇରାକ ସ୍ଥିତ ଆମେରିକା ସୈନ୍ୟ ଆଡ୍ଡା ଉପରେ ଆକ୍ରମଣ କରିଥିଲା । ଏହି ଆକ୍ରମଣରେ ୮୦ ଆମେରିକୀୟ ସୈନ୍ୟ ଆହତ ହୋଇଥିବା ଇରାନ ଦାବି କରିଆସୁଥିଲା । କିନ୍ତୁ ଆମେରିକା ତାହାକୁ ଅସ୍ବୀକାର କରୁଥିଲା । କିନ୍ତୁ ଏବେ ଇରାନର ଆକ୍ରମଣରେ ୩୪ଜଣ ସୈନିକ ଆହତ ହୋଇଥିବା ମାନିଛି ଆମେରିକା ।

ଗତ ୩ ତାରିଖରେ ଇରାନର ସୁପ୍ରିମ କମାଣ୍ଡର କାସିମ ସୁଲେମାନୀଙ୍କୁ ଇରାକ ସ୍ଥିତ ବାଗଦାଦ ଏୟାରପୋର୍ଟ ବାହାରେ ଡ୍ରୋନ ଆକ୍ରମଣରେ ନିହତ କରାଯାଇଥିଲା । ଆମେରିକା ପକ୍ଷରୁ ଡ୍ରୋନ ଆକ୍ରମଣ କରାଯାଇଥିଲା ବୋଲି ରାଷ୍ଟ୍ରପତି ଟ୍ରମ୍ପ ଟ୍ବିଟ୍ ଜରିଆରେ ସୂଚନା ଦେଇଥିଲେ । ତେବେ ଇରାନ ନିଜର ସୁପ୍ରିମ କମାଣ୍ଡରକୁ ହରାଇ ପ୍ରତିଶୋଧ ନେବା ପାଇଁ ଧମକ ମଧ୍ୟ ଦେଇଥିଲା । କାସିମ୍ ସୁଲେମାନୀଙ୍କୁ ନିହତ କରିବାର ପରିଣାମ ଆମେରିକା ଭୋଗିବ ବୋଲି ଇରାନ ସ୍ପଷ୍ଟ ମଧ୍ୟ କରିଦେଇଥିଲା । ଇରାକ ସ୍ଥିତ ଆମେରିକାର ସୈନ୍ୟ ଆଡ୍ଡା ଉପରେ ଇରାନ ରକେଟ ମାଡ କରିଥିଲା । ଏହି ରକେଟ ମାଡରେ ଆମେରିକାର ୮୦ଜଣ ସୈନିକ ଆହତ ହୋଇଛନ୍ତି ବୋଲି ଦାବି କରିଥିଲେ ଇରାନ । କିନ୍ତୁ ଆମେରିକା ଏହା ଖାରଜ କରିଦେଇଥିଲେ ।

ଶୁକ୍ରବାର ଦିନ ପେଣ୍ଟାଗନ ପକ୍ଷରୁ ଦିଆଯାଇଥିବା ସୂଚନାନୁସାରେ ଇରାନର ରକେଟ ମାଡରେ ୩୪ଜଣ ଆମେରିକୀୟ ସେନା ଆହତ ହୋଇଛନ୍ତି । ସେମାନଙ୍କ ଚିକିତ୍ସା ଜାରି ରହିଛି ବୋଲି ପେଣ୍ଟାଗନର ମୁଖ୍ୟ ପ୍ରବକ୍ତା ସୂଚନା ଦେଇଛନ୍ତି । ୩୪ଜଣଙ୍କ ମଧ୍ୟରୁ ୧୭ଜଣ ଏବେ କଡା ନଜରରେ ରଖାଯାଇଛି । ତେବେ ଆହତ ହୋଇଥିବା ସୈନ୍ୟମାନଙ୍କ ମଧ୍ୟରୁ ପ୍ରାୟ ସମସ୍ତଙ୍କ ମୁଣ୍ଡରେ ଆଘାତ ଲାଗିଛି ।

ରକେଟ ମାଡରେ ଆହତ ହୋଇଥିବା ସୈନ୍ୟମାନଙ୍କ ମଧ୍ୟରୁ ୮ଜଣ ଯବାନଙ୍କ ଆଗାମୀ ଚିକିତ୍ସା ପାଇଁ ଆମେରିକା ଅଣାଯାଇଥିବା ବେଳେ କିଛି ଯବାନମାନଙ୍କୁ ଚିକିତ୍ସା ପାଇଁ ଜର୍ମାନୀ ପଠାଯାଇଛି । ତେବେ ୧୭ଜଣ ଯବାନ ନିଜ କର୍ମକ୍ଷେତ୍ରକୁ ଫେରିଛନ୍ତି । ତେବେ କର୍ମକ୍ଷେତ୍ରକୁ ଫେରିଥିବା ଯବାନମାନଙ୍କ ମଧ୍ୟରୁ ୧୬ଜଣଙ୍କ ଚିକିତ୍ସା ଇରାକରେ କରାଯାଇଛି । 

ପଣ୍ଟୋଗନ୍‌ ପକ୍ଷରୁ ଦିଆଯାଇଥିବା ଏହି ବୟାନ ଅତ୍ୟନ୍ତ ମହତ୍ବପୂର୍ଣ୍ଣ ରହିଛି ।  ଜାନୁଆରୀ ୮ରେ ଇରାନ ୨ୟ ଥର ପାଇଁ ଆମେରିକା ବାୟୁ ସେନା ଆଡ୍ଡା ଉପରେ ଆକ୍ରମଣ କରିଥିଲା । ଆକ୍ରମଣରେ କୌଣସି ଯବାନ ଆହତ ହୋଇନଥିବା କଥା ଆମେରିକା ରାଷ୍ଟ୍ରପତି ଟ୍ରମ୍ପ କହିଥିଲେ ।  ଏହାପୂର୍ବରୁ ଗତ ସପ୍ତାହରେ ଆମେରିକା ସେନାର ଏକ ବୟାନନୁସାରେ ୧୧ଜଣ ସୈନିକଙ୍କ ମୁଣ୍ଡରେ ଆଘାତ ଲାଗି ବାହାରକୁ ପଠାଯାଇଛି । କିନ୍ତୁ ଦାବୋସରେ ହୋଇଥିବା ବିଶ୍ବ ଇକୋନୋମିକ ଫୋରମ୍‌ ସମୟରେ ଟ୍ରମ୍ପ କହିଥିଲେ ଯେ, ସୈନ୍ୟମାନଙ୍କ ମୁଣ୍ଡରେ ବ୍ୟଥା ଓ ଅନ୍ୟ ସମସ୍ୟା ଅଛି । ଯାହାକି ବହୁତ ଗମ୍ଭୀର ନୁହେଁ, ତେଣୁ ସେମାନଙ୍କ ଚିକିତ୍ସା ପାଇଁ ବାହାରକୁ ପଠଯାଇଛି ।  

   Related Posts