Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଭୂତ ଖାଉଛି ଭତ୍ତା : ମୃତ୍ୟୁ ପରେ ମୃତକଙ୍କ ନାମରେ ଉଠୁଛି ପେନସନ

22/08/2019 at 4:06 PM

କଳାହାଣ୍ଡି ୨୨|୮:  ଭୂତ ଖାଉଛି ଭତ୍ତା । ମୃତ୍ୟୁର ଦୀର୍ଘ ଦିନ ପରେ ବି ମୃତକଙ୍କ ନାଁ ରେ ମଧୁବାବୁ ପେନସନ ଟଙ୍କା ଉଠୁଥିବା ଅଭିଯୋଗ ହୋଇଛି । ଆଉ ଏହା ଧରିଛନ୍ତି ମୃତକ ଙ୍କ ସ୍ବାମୀ ।  ପଞ୍ଚାୟତ ରେଜିଷ୍ଟାରରୁ ଟିପ ଚିହ୍ନ ରେ ଟଙ୍କା ଉଠାଣ ହୋଇଥିବା ସ୍ପଷ୍ଟ ହୋଇଛି  କଳାହାଣ୍ଡି ଜିଲ୍ଲା ଜୁନାଗଡ ବ୍ଲକ ଭଇଁରୀଗୁଡା ପଚଂ।ୟତ ରୁ ଆସିଥିବା ଏହି ଅଭିଯୋଗରୁ ଦୁର୍ନୀତିର ଗନ୍ଧ ସ୍ପଷ୍ଟ ।

ମୃତ୍ୟୁର ୧୭ ମାସ ପରେ ବି କାଗଜକଲମରେ ଏବେ ବି ଜୀବୀତ । ଭୂତ ଉଠାଇ ନେଇଯାଉଛି  ଭତ୍ତା । ଜୁନାଗଡ଼ ଭଇଁରୀଗୁଡା ପଞ୍ଚାୟତରେ  ଏପରି ସାଂଘାତିକ କାରନାମାର ଅଭିଯୋଗ ହୋଇଛି ।  ପୋରା ଗାଁ ର ଅମ୍ବିକା ସାହୁ ଙ୍କର ୨୦୧୭  ଫେବୃଆରୀ ରେ ମୃତ୍ୟୁ ହୋଇଥିଲା । କିନ୍ତୁ ତା ପରେ ବି ପ୍ରତିମାସରେ  ପଞ୍ଚାୟତ ଅଫିସରୁ ଅମ୍ବିକା ସାହୁଙ୍କ ନାମରେ ମଧୁବାବୁ ଯୋଜନାରେ ମାସିକ ୩ ଶହ ଟଙ୍କା ତିନ ଶହ ଟଙ୍କା ବାର୍ଦ୍ଧକ୍ୟ ଭତ୍ତା ଉଠାଣ ଜାରି ରହିଛି । ମୃତ ଅମ୍ବିକାଙ୍କ ସ୍ବାମୀ ତ୍ରିନାଥ ସାହୁ  ଏନେଇ ଅଭିଯେଗ କରିବାପରେ  ପଞ୍ଚାୟତ କାର୍ଯ୍ୟଳୟ ସମୀକ୍ଷା ବୈଠକରେ  ଯାଞ୍ଚ କାଗଜ ପତ୍ର ରୁ ଟଙ୍କା ଉଠାଣ ସ୍ପଷ୍ଟ ହୋଇଛି । ମୃତକଙ୍କ ନାଁରେ ରେଜିଷ୍ଟାରରେ ଟିପ ଚିହ୍ନ ଦେଇ ନିୟମିତ ଟଙ୍କା ଉଠାଣ  କରାଯାଇଛି ।ଏହାର ତଦନ୍ତ ସହ ଟଙ୍କା ଉଠାଇଥିବା ବ୍ୟକ୍ତିଙ୍କ ଚିହ୍ନଟ ପାଇଁ ମୃତକଙ୍କ ସ୍ବାମୀ ଦାବି କରିଛନ୍ତି ।  

ପିଇଓ କ୍ଷମା ସାଗର ସାହୁ ଟଙ୍କା ଉଠାଣକୁ ସ୍ବୀକାର କରିଛନ୍ତି। ମୃତକଙ୍କ ମଧୁବାବୁ ପେନସନ ଖାତା ଆଣି ସମ୍ପର୍କୀୟ ପୁର୍ଣଚନ୍ଦ୍ର ସାହୁ ଟଙ୍କା ନେଇଥିବା  କଥା ସେ କହିଛନ୍ତି , ଭତ୍ତା ବଣ୍ଟନର ସ୍ବଚ୍ଛତା ନେଇ ପ୍ରଶ୍ନ ଉଠିଛି । ଏହା ଏକ ଧର୍ତ୍ତବ୍ୟ  ଅପରାଧ ହୋଇଥିବା ବେଳେ  ଜୁନାଗଡ ବ୍ଲକ ଏସ.ଇ.ଓ ତୁଷାର ରଞନ ଦାସ  ଘଟଣାର ତଦନ୍ତ ଆରମ୍ଭ କରିଛନ୍ତି।

ମୃତକଙ୍କ ନାମରେ ଟଙ୍କା ଉଠାଣ ଘଟଣାରେ ଉଠାଣକାରୀ ସହ ପଞ୍ଚାୟତ ଆଧିକାରୀ ବି ସନ୍ଦେହ ଘେରକୁ ଆସୁଛନ୍ତି ।ହିତାଧିକାରୀଙ୍କ ବଦଳରେ ଅନ୍ୟଜଣକର ଟିପରେ ଚିହ୍ନ କିପରି ରେଜିଷ୍ଟାରରେ ନିଆଯାଉଥିଲା ତାହା ଏକ ପ୍ରଶ୍ନବାଚୀ ସୃଷ୍ଟି କରିଛି । ଏପରି ଘଟଣା ପୂର୍ବରୁ ଆଉ କେଉଁ କ୍ଷେତ୍ର୍ରରେ  ଘଟିଛି ନା ନାହିଁ, ତାହା ବି ସନ୍ଦେହ ଘେରରେ । ତେଣୁ ଘଟଣାର ତ୍ବରିତ ତଦନ୍ତ ସହ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି । 

   Related Posts