Prameya News7

Prameya News7, News7 Odia, Odisha Latest News, Odisha Current Headlines, Odisha News Online

CAA ବିରୋଧରେ ଶାନ୍ତିପୂର୍ଣ୍ଣ ଆନ୍ଦୋଳନ କରୁଥିବା ଆନ୍ଦୋଳନକାରୀ ଦେଶଦ୍ରୋହୀ ବା ଦେଶବିରୋଧୀ ନୁହଁନ୍ତି- ହାଇକୋର୍ଟ

ମୁମ୍ବାଇ ୧୫।୦୨: ସାରାଦେଶରେ ନାଗରିକତା ସଂଶୋଧନ ଆଇନକୁ ନେଇ ବିବାଦ ଦେଖାଦେଇଛି । ତେବେ ନାଗରିକତା ସଂଶୋଧନ ଆଇନକୁ ଶାନ୍ତିପୂର୍ଣ୍ଣ ଭାବେ ବିରୋଧ କରି ଆନ୍ଦୋଳନ କରୁଥିବା ଲୋକ ଦେଶଦ୍ରୋହୀ ନୁହେଁ ବୋଲି କୋର୍ଟ ରାୟ ଦେଇଛନ୍ତି । ବମ୍ବେ ହାଇକୋର୍ଟର ଔରଙ୍ଗବାଦ ବେଞ୍ଚ ନାଗରିକତା ସଂଶୋଧନ ଆଇନ (ସିଏଏ)କୁ ନେଇ ଏପରି ରାୟ ଦେଇଛନ୍ତି ।

ଭିଣ୍ଡ ଜିଲ୍ଲାରେ ସିଏଏକୁ ବିରୋଧ କରି ଆନ୍ଦୋଳନ କରିବାକୁ ପୋଲିସ ଅନୁମତି ଦେଇନଥିଲା । ତେବେ ଏହାକୁ ନେଇ ଆନ୍ଦୋଳନ କାରୀମାନେ ଉପରିସ୍ଥ କୋର୍ଟରେ ଆବେଦନ କରିଥିଲେ । ବମ୍ବେ ହାଇକୋର୍ଟର ଔରଙ୍ଗାବାଦ ବେଞ୍ଚ ଏହି ମାମଲରେ ଶୁଣାଣି କରି ଏପରି ରାୟ ଦେଇଛନ୍ତି । ଆନ୍ଦୋଳନକୁ ନେଇ ଭିଣ୍ଡ ଜିଲ୍ଲାର ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ (ଏଡିଏମ) ଓ ମଜଲଗାଓ ସିଟି ପୋଲିସଙ୍କ ଦ୍ୱାରା ଦିଆଯାଇଥିବା ୨ ଆଦେଶକୁ ରଦ୍ଦ କରି ଦେଇଛନ୍ତି ଔରଙ୍ଗାବାଦ ବେଞ୍ଚ ।

ଆନ୍ଦୋଳନ କରୁଥିବା ଲୋକମାନେ କେବଳ ଦେଶର ଏକ ଆଇନକୁ ବିରୋଧ କରି ପ୍ରଦର୍ଶନ କରୁଛନ୍ତି । ତେଣୁ ସେମାନଙ୍କୁ ଦେଶଦ୍ରୋହୀ କୁହାଯାଇପାରିବା ନାହିଁ । ସିଏଏ ବିରୋଧରେ ଆନ୍ଦୋଳନ କରିବାକୁ ପୋଲିସ ଅନୁମତି ନଦେବା ବିରୋଧରେ ହୋଇଥିବା ଆବେଦନ ଉପରେ ଶୁଣାଣି ସମୟରେ କୋର୍ଟ ଏହା କହିଛନ୍ତି । ଭାରତକୁ ସ୍ୱାଧୀନତା ସେହି ଆନ୍ଦୋଳନକାରୀଙ୍କ କାରଣରୁ ମିଳିଛି । ଆଜି ପର୍ଯ୍ୟନ୍ତ ହେଲା ଦେଶର ଲୋକମାନେ ଅହିଂସାର ପଥକୁ ବିଶ୍ବାସ କରୁଛନ୍ତି । ଅହିଂସା ମାର୍ଗରେ ହେଉଥିବା ଶାନ୍ତିପୂର୍ଣ୍ଣ ଆନ୍ଦୋଳକୁ ବନ୍ଦ କରାଯାଇ ପାରିବ ନାହିଁ ବୋଲି ରାୟ ଦେଇଛନ୍ତି ।

   Related Posts