Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ପିଡିଏସ୍ ଚାଉଳ ଚୋରା ଚାଲାଣ ଘଟଣା : ପ୍ରଶାସନର ଜାରି ରହିଛି ତଦନ୍ତ, କିନ୍ତୁ କାର୍ଯ୍ୟାନୁଷ୍ଠାନ ଦୁର୍ବଳ

30/11/2020 at 12:13 PM

ଭଦ୍ରକ ୩୦।୧୧:  ପିଡିଏସ ଚାଉଳ ଚୋରା ଚାଲାଣ ଘଟଣା । ମାମଲାର ତଦନ୍ତ କରୁଛି ଜିଲ୍ଲା ପ୍ରଶାସନ । କିନ୍ତୁ ତଦନ୍ତ ଚାଲିଥିଲେ କାର୍ଯ୍ୟାନୁଷ୍ଠାନ ଦୁର୍ବଳ ରହିଛି ବୋଲି ସ୍ଥାନୀୟଲୋକ ଅଭିଯୋଗ କରିଛନ୍ତି । ନଭେମ୍ବର ୧୯ରୁ ତଦନ୍ତ ଚାଲିଛି  ଯେ ଚାଲିଛି । ଜିଲ୍ଲାପାଳଙ୍କ ନିକଟକୁ ଆସାପାରୁନି ତଦନ୍ତ ରିପୋର୍ଟ । ଏତେ ବିଳମ୍ବ ପର୍ଯ୍ୟନ୍ତ ରିପୋର୍ଟ ନଆସିବା କାର୍ଯ୍ୟାନୁଷ୍ଠାନକୁ ଟାଳିବା ଓ ଦୁର୍ନିତୀରେ ଲିପ୍ତ ଥିବା ଅଧିକାରୀଙ୍କୁ ତଥ୍ୟ ଲୁଚାଇବା ପାଇଁ ପର୍ଯ୍ୟାପ୍ତ ସମୟ ଦିଆଯାଉଥିବା ଅଭିଯୋଗ ଆସିଛି ।  

ଖବର ଅନୁଯାୟୀ, ନଭେମ୍ବର ୧୯ତାରିଖରେ ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ବ୍ଲକ କୁଲଣା ବଜାରରେ ଏକ ପିଡିଏସ ଚାଉଳ ବୋଝେଇ ଟ୍ରକକୁ ଗ୍ରାମାବାସୀ ଅଟକ ରଖିଥିଲେ । ବେଆଇନ୍‌ ଭାବେ ଟ୍ରକରେ ଚାଉଳ ଚାଲାଣ ହେଉଥିବା ଅଭିଯୋଗ ଆଣିଥିଲେ ଗ୍ରାମବାସୀ । ଏହାପରେ ଯୋଗାଣ ବିଭାଗର ଅଧିକାରୀ ପହଞ୍ଚି ଟ୍ରକକୁ ଯାଞ୍ଚି କରିଥିଲେ । ଯାଞ୍ଚରୁ ଜଣାପଡିଥିଲା ଯେ,  ଯେଉଁ ଡିଲର ପଏଣ୍ଟରେ ପିଡିଏସ ଚାଉଳ ଖାଲି ହେଉଥିଲା, ସେଠାରେ ମାତ୍ର ୪୦ ବ୍ୟାଗ ଚାଉଳ ଖାଲି ପାଇଁ ରସିଦ ଥିଲା । କିନ୍ତୁ  ଟ୍ରକରୁ ୧୨୦ ବ୍ୟାଗ ଚାଉଳ ଖାଲି ହୋଇଥିଲା । ଟ୍ରକରେ ଆହୁରି ୪୦ ବ୍ୟାଗ ଚାଉଳ ଭର୍ତ୍ତି ହୋଇଥିଲା । ଭଣ୍ଡାରିପୋଖରୀ ଥାନାରେ ଯୋଗାଣ ଅଧିକାରୀଙ୍କ ଏତଲା ପରେ ଟ୍ରକ ଓ ଚାଉଳକୁ ଜବତ କରାଯାଇଥିଲା । ଏହାପରେ ତଦନ୍ତ ଆରମ୍ଭ ହୋଇଥିଲା । ପ୍ରାଥମିକ ତଦନ୍ତରୁ ଯୋଗାଣ ଠିକାଦର ପୂର୍ଣ୍ଣଚନ୍ଦ୍ର ମହାପାତ୍ରଙ୍କୁ ନିଲମ୍ବନ କରାଯାଇଥିଲା । କିନ୍ତୁ ସେଇଠି ଅଟକି ଗଲା କାର୍ଯ୍ୟାନୁଷ୍ଠାନ । ଦିନ ଗଡ଼ିବା ସହ ତଦନ୍ତରେ ବିଳମ୍ବ ମଧ୍ୟ ହେଉଛି । ସେପଟେ ସ୍ଥାନୀୟ ବାସିନ୍ଦା ପୁଣି ଅଭିଯୋଗ ଆଣିଛନ୍ତି ଯେ, ଏବେ ଡିଲରକୁ ଘଣ୍ଟ ଘୋଡାଇବା ପାଇଁ ଉଦ୍ୟମ ହେଉଛି । ଖବର ପ୍ରସାରଣ ପରେ ଯାହା କିଛି କାର୍ଯ୍ୟାନୁଷ୍ଠାନ ହୋଇଛି । ତାଠାରୁ ଆହୁରି କାର୍ଯ୍ୟାନୁଷ୍ଠାନର ବାକି ଅଛି ।

ସେହିପରି କେବଳ  ଭଣ୍ଡାରୀପୋଖରୀ ବ୍ଲକର ତେଶିଙ୍ଗା ପଞ୍ଚାୟତ ନୁହେଁ । ଏମିତି ରଣଜୀତ ପଞ୍ଚାୟତରେ ମଧ୍ୟ ସମାନ ଅଭିଯୋଗ ଆସିଛି । ଲକ୍ଷ୍ମୀନାରାୟଣ ମହିଳା ସୋୟାଂସହାୟକ ଗୋଷ୍ଠୀ ମଧ୍ୟ ଷ୍ଟକରୁ ୩୨ କ୍ୱିଣ୍ଟାଲ ଚାଉଳ କମ ରଖିଥିବାରୁ  ନଭେମ୍ବର ୯ରୁ କାରଣ ଦର୍ଶାଅ ନୋଟିସ ଜାରି କରାଯାଇଛି । କିନ୍ତୁ କିଛି ଉତ୍ତର ମିଳିନାହିଁ । ଏହିଭଳି ଦୁଇଟି ଘଟଣା ନେଇ ଜିଲ୍ଲା ଯୋଗାଣ ଅଧିକାରୀଙ୍କୁ କହିଥିଲେ ଯେ, ଆମେ ତେଶିଙ୍ଗା ପଞ୍ଚାୟତର ପିଡିଏସ ଚାଉଳ ଚୋରା ଚାଲାଣ ଘଟଣାରେ ଯୋଗାଣ ଠିକାଦାରଙ୍କୁ ନିଲମ୍ବିତ କରିଛୁ । ତଦନ୍ତ ରିପୋର୍ଟ ଜିଲ୍ଲାପାଳ ଓ ଉପଜିଲ୍ଲାପାଳଙ୍କୁ ଦିଆଯିବ । ସେପଟେ ଭଦ୍ରକ ଜିଲ୍ଲାପାଳ ଘଟଣାସଂପର୍କରେ କହିଛନ୍ତି ଯେ, ତଦନ୍ତ ରିପୋର୍ଟ ବର୍ତ୍ତମାନ ପର୍ଯ୍ୟନ୍ତ ତାଙ୍କ ପାଖକୁ ଆସିନାହିଁ । ରିପୋର୍ଟ ଆସିଲେ କାର୍ଯ୍ୟାନୁଷ୍ଠାନ ନିଶ୍ଚିତ ହେବ ।

   Related Posts