Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

କରୋନା କାଳରେ Paytm ମାଲାମାଲ, ଚଳିତବର୍ଷ ଆୟ କରିଛି ୩,୬୨୯ କୋଟି

4/09/2020 at 3:55 PM

ନୂଆଦିଲ୍ଲୀ ୦୪।୦୯ : କରୋନା ମହାମାରୀ ସମୟରେ ସାମାଜିକ ଦୂରତାକୁ ଗୁରୁତ୍ବ ଦିଆଯାଉଛି। ବିଶେଷ କରି ଟଙ୍କା ପଇସା ଲେଣଦେଣ ଡିଜିଟାଲ ପ୍ଲାଟଫର୍ମରେ କରାଯାଉଛି । କରୋନା ସଂକ୍ରମଣକୁ ରୋକିବା ପାଇଁ ଅନଲାଇନ୍ ପେମେଣ୍ଟ ଉପରେ ଲୋକେ ଗୁରୁତ୍ବ ଦେଉଛନ୍ତି । ସେପଟେ କରୋନା କାଳରେ ମାଲେମାଲ ହୋଇଛି ଡିଜିଟାଲ ପେମେଣ୍ଟ ଆପ୍ ‘ପେଟିଏମ୍’ ।

କରୋନା କାଳରେ ଲୋକେ ଡିଜିଟାଲ ଲେଣଦେଣ ଉପରେ ନିର୍ଭର କରୁଥିବା ବେଳେ ଫାଇଦା ଉଠାଇ ନେଇଛି ପେଟିଏମ୍ । ଚଳିତ ଆର୍ଥିକ ବର୍ଷରେ ଡିଜିଟାଲ ଆର୍ଥିକ ସେବା କମ୍ପାନୀ ପେଟିଏମ୍ର ଆୟ ବଢ଼ି ୩,୬୨୯ କୋଟିରେ ପହଞ୍ଚିଛି । ଏହାସହ ବର୍ଷ ବର୍ଷ ଧରି କମ୍ପାନୀ ସହିଥିବା ଘାଟାରେ ୪୦ ପ୍ରତିଶତ କମିଛି । ଘରଟା କମୁଛି ଆୟ ଆଶାତୀତ ବଢ଼ିଥିବା ନେଇ କମ୍ପାନୀ ପକ୍ଷରୁ ସୂଚନା ମିଳିଛି ।

ଲକ୍ଷ ଲକ୍ଷ ଭାରତୀୟଙ୍କ ଡିଜିଟାଲ ଆର୍ଥିକ ଲେଣଦେଣକୁ ସଶକ୍ତ କରିବା ଦିଗରେ ପେଟିଏମ କାର୍ଯ୍ୟ କରୁଛି ବୋଲି କମ୍ପାନୀ ସଭାପତି ମଧୁର ଦେବଡା କହିଛନ୍ତି । ଏହି ପ୍ରୟାସ ଆତ୍ମନିର୍ଭର ଭାରତ ଗଢ଼ିବା ଦିଗରେ ବେଶ ସହାୟକ ହେବ ବୋଲି ମଧ୍ୟ ସେ କହିଛନ୍ତି । ଏବେ ପେଟିଏମ୍ ମାର୍ଚେଣ୍ଟ ପାଟନର୍ସଙ୍କ ପାଇଁ ଡିଜିଟାଲ ସେବା ପ୍ରସ୍ତୁତ କରିବାକୁ ଅଧିକ ପୁଞ୍ଜି ନିବେଶ କରୁଛି ଯାହା ଦ୍ବାରା ଉଭୟ ମାରଚେଣ୍ଟ ଓ ଗ୍ରାହକ ଅଧିକ ଲାଭ ପାଇପାରିବେ ବୋଲି ମଧ୍ୟ କହିଛନ୍ତି ମଧୁର ଦେବଡା ।

୨୦୨୨ ପର୍ଯ୍ୟନ୍ତ ଲାଭ ପାଇବା ଦିଗରେ କାର୍ଯ୍ୟ ହେଉଛି । ଏହା ବ୍ୟତୀତ ପେଟିଏମ୍ ଗୋଟିଏ ପ୍ରମୁଖ ବିତ୍ତିୟ ସେବା ଦେଉଥିବା ପ୍ଲାଟଫର୍ମରେ ପରିଣତ ହେବାକୁ ପ୍ରୟାସ ଜାରି ରଖିଛି । ପେଟିଏମ୍ ମନି ଓ ପେଟିଏମ୍ ଇନସ୍ୟୁରାନ୍ସ ସର୍ଭିସେସ୍ କମ୍ପାନୀର ଟର୍ଣ୍ଣଓଭର ବଢ଼ାଇବାରେ ମହତ୍ବପୂର୍ଣ୍ଣ ଭୂମିକା ଗ୍ରହଣ କରିବ ବୋଲି ମଧୁର ଦେବଡା କହିଛନ୍ତି ।

   Related Posts