Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ନିର୍ଭୟା ଗଣ ଦୁଷ୍କର୍ମ ଘଟଣା – ଦୋଷୀ ପଓ୍ୱନ ଅପରାଧ ସମୟରେ ନାବାଳକ ଥିଲା କି ନାହିଁ, ୨୦ ଜାନୁଆରୀରେ ଶୁଣାଣୀ କରିବେ ସୁପ୍ରିମକୋର୍ଟ

18/01/2020 at 4:21 PM

ନୂଆଦିଲ୍ଲୀ ୧୮।୦୧- ନିର୍ଭୟ ଗଣ ଦୁଷ୍କର୍ମ ଘଟଣା ସମୟରେ ଦୋଷୀ ପଓ୍ୱନ ନାବାଳକ ଥିଲା କି ନାହିଁ ସେ ବିଷୟରେ ସୁପ୍ରିମକୋର୍ଟରେ ଦାୟର କରାଯାଇଥିବା ସ୍ପେଶିଆଲ୍‌ ଲିବ ପିଟିସନ୍‌ ଉପରେ ଶୁଣାଣୀ କରାଯିବ । ଜାନୁଆରୀ ୨୦ ତାରିଖରେ ଏହାର ଶୁଣାଣୀ ହେବ । ଦିଲ୍ଲୀ ହାଇକୋର୍ଟରେ ପଓ୍ୱନର ଓକିଲ ପକ୍ଷରୁ ଦାୟର ଲିବ୍‌ ପିଟିସନ୍‌କୁ ଅଦାଲତ ଖାରଜ କରି ଦେଇଥିଲେ । ଦୋଷୀଙ୍କ ଓକିଲ ଏପି ସିଂ ହାଇକୋର୍ଟଙ୍କ ଫୈସାଲା ବିରୋଧରେ ସୁପ୍ରିମକୋର୍ଟରେ ମାମଲା ରୁଜୁ କରିଛନ୍ତି । ତଳ କୋର୍ଟ ଦୋଷୀମାନଙ୍କୁ ଫାଶୀ ଦେବା ପାଇଁ ଡେଥ୍ ଓ୍ୱାରେଣ୍ଟ ଜାରି କରିଛନ୍ତି । ଫେବ୍ରୁଆରୀ ୧ ତାରିଖରେ ଦୋଷୀମାନଙ୍କୁ ଫାଶୀ ଦିଆଯିବ ।

ରାଷ୍ଟ୍ରପତି ରାମନାଥ କୋବିନ୍ଦ ଦୋଷୀ ମୁକେଶର ରାଜକ୍ଷମା ଆବେଦନକୁ ଖାରଜ କରି ଦେଇଛନ୍ତି । ଶୁକ୍ରବାରରେ ଗୃହମନ୍ତ୍ରାଳୟ ମୁକେଶର ରାଜକ୍ଷମା ଆବେଦନ ରାଷ୍ଟ୍ରପତିଙ୍କ ପାଖକୁ ପଠାଇବା ସହ ଏହାକୁ ଖାରଜ କରିବା ପାଇଁ ସୁପାରିଶ କରିଥିଲେ ।

୨୦୧୨ ମସିହାରେ ଏହି ଦୋଷୀମାନେ ଏକ ଚଳନ୍ତା ବସ୍‌ରେ ନିର୍ଭୟା ଗଣ ବଳାତ୍କାର କରିବା ସହ ବିଭତ୍ସ ଭାବେ ହତ୍ୟା କରିଥିଲେ ।

ମୁକେଶ ସିଂ କିଛିଦିନ ତଳେ ରାଜକ୍ଷମା ପାଇଁ ଆବେଦନ କରିଥିଲା ।

ଜାନୁଆରୀ ୨୨ ତାରିଖରେ ଏମାନଙ୍କୁ ଫାଶୀ ଦେବା ପାଇଁ ଡେଥ୍‌ ଓ୍ୱାରେଣ୍ଟ ଜାରି କରାଯାଇଥିଲା । ମାତ୍ର ରାଜକ୍ଷମା ଆବେଦନ ଖାରଜ ହେବାପରେ ପୁଣିଥରେ ଡେଥ୍‌ ଓ୍ୱାରେଣ୍ଟ ଜାରି କରାଯାଇଛି ।

   Related Posts