Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଗୁରୁବାର ସୁସ୍ଥହେଲେ ରେକର୍ଡ ୮୪୭୧ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୨୪୯ ଡିସଚାର୍ଜ
  • ||
  • ଚାଲିଗଲେ ଆଉ ଜଣେ କଳାକାର, ଅଭିନେତା ପ୍ରିୟ ସୁନ୍ଦର ମିଶ୍ରଙ୍କ ପରଲୋକ
  • ||
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ସମ୍ବଲପୁରର ପ୍ରସିଦ୍ଧ ଶୀତଳଷଷ୍ଠୀ ଯାତ୍ରା : ଆଜି ଅନୁଷ୍ଠିତ ହେବ ପତରପେଣ୍ଡି

23/05/2020 at 8:08 AM

ସମ୍ବଲପୁର ୨୩।୫: ଆଜିଠୁ ଆରମ୍ଭ ହେବ ସମ୍ବଲପୁରର ଦେବ ଦେବ ମହାଦେବ ଓ ଦେବୀ ପାର୍ବତୀଙ୍କ ବିବାହ ଉତ୍ସବ ପ୍ରସିଦ୍ଧ ଶୀତଳ ଷଷ୍ଠୀ ଯାତ୍ରା । ଆଜି ଶୀତଳଷଷ୍ଠୀ ପର୍ବର ଅନ୍ୟ ଏକ ପ୍ରମୁଖ କାର୍ଯ୍ୟକ୍ରମ ପତରପେଣ୍ଡି । ତେବେ ଗତ ଅକ୍ଷୟ ତୃତୀୟାରୁ ଶୀତଳଷଷ୍ଠୀ ଯାତ୍ରାର ଆଦ୍ୟପର୍ବ ଥାଳ ଉଠା କାର୍ଯ୍ୟକ୍ରମ ସରିଛି । ଏଥିରେ କନ୍ୟା ପିତାମାତା ଚୟନ ହୋଇସାରିଛନ୍ତି ।

ଦେବ ଦେବ ମହାଦେବଙ୍କ ପାଇଁ ବରପିତା, ସପ୍ତଋଷିମାନେ କନ୍ୟା ସନ୍ଧାନରେ ଯିବେ । କନ୍ୟା ଘରେ ପହଞ୍ଚିବା ପରେ ସପ୍ତଋଷି କନ୍ୟାର ଗୁଣ ସୁନ୍ଦରତା ବରପିତାଙ୍କ ନିକଟରେ ବଖାଣି ୨୧ଟି ସରଗି ପତ୍ର, ଫୁଲ ଦେଇ ଦେବୀ ସାବିତ୍ରୀଙ୍କୁ ବୋହୁ ହିସାବରେ ବାଛିବାର କାର୍ଯ୍ୟକ୍ରମକୁ ହିଁ ପତରପେଣ୍ଡି କୁହାଯାଏ ।

ପତରପେଣ୍ଡି କାର୍ଯ୍ୟକ୍ରମ ତଥା ବିବାହ ପାଇଁ କିଣାବିକା ସାରିଲେଣି କନ୍ୟାପକ୍ଷ । ମାତା ପାର୍ବତୀଙ୍କ ପାଇଁ ବାସନକୁସନ, ଲୁଗାପଟାଠୁ ଆରମ୍ଭ କରି ଝିଅ ବିଦାର ସବୁ ସାମଗ୍ରୀ ଘରକୁ କିଣା ହୋଇ ଆସିଲାଣି । ତେବେ ସରକାରୀ କଟକଣା ଯୋଗୁଁ ସୀମିତ ସଂଖ୍ୟକ ବନ୍ଧୁବାନ୍ଧବ ଏଥିରେ ଉପସ୍ଥିତ ରହିବେ ।

ସମ୍ବଲପୁରରେ ପ୍ରତିବର୍ଷ ଧୁମଧାମରେ ପାଳନ ହୁଏ ଶିବ ବିବାହର ପ୍ରତିଟି କାର୍ଯ୍ୟକ୍ରମ । କନ୍ୟା ଖୋଜାଠାରୁ ଦେବ ନିମନ୍ତ୍ରଣ ଓ ବିବାହଠାରୁ ଦେବ ଦମ୍ପତ୍ତିଙ୍କ ନଗର ପରିକ୍ରମା ପର୍ଯ୍ୟନ୍ତ, ସମସ୍ତ କାର୍ଯ୍ୟକ୍ରମ ଆକର୍ଷଣୀୟ ଭାବେ ପାଳନ ହୁଏ ।

କିନ୍ତୁ ଚଳିତ ବର୍ଷ ମହାମାରୀ କରୋନା ଯୋଗୁଁ ଏଥର ସମସ୍ତ କାର୍ଯ୍ୟକ୍ରମ କେବଳ ବିଧି ରକ୍ଷା ପାଇଁ କରାଯିବ । କୌଣସି ପ୍ରକାର ଧାର୍ମିକ ଶୋଭାଯାତ୍ରା ବାହାରିବା ଉପରେ ସରକାର ଅଙ୍କୁଶ ଲଗାଇ ଥିବାରୁ ଅତି କମ୍ ଲୋକରେ ପତରପେଣ୍ଡି ସହ ଶିବ ପାର୍ବତୀଙ୍କ ଶୁଭ ବିବାହ ଓ ନଗର ପରିକ୍ରମା କାର୍ଯ୍ୟକ୍ରମ ମଧ୍ୟ କରିବାକୁ ସ୍ଥିର କରିଛି ଆୟୋଜକ କମିଟି ।

   Related Posts