Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ କରୋନା ପଜିଟିଭ୍, ୨୯୦ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଢେଙ୍କାନାଳ : ପଞ୍ଚାୟତ ସମିତି ସଭ୍ୟଙ୍କୁ ଗୁଳି କରି ହତ୍ୟା, ପୂର୍ବ ଶତ୍ରୁତାରୁ ହତ୍ୟାକାଣ୍ଡ !
  • ||
  • କଟକ : ହାତୀ ଆକ୍ରମଣରେ ଜଣେ ମୃତ, କୂଳକୁ ଫେରିବା ବାଟରେ ମାରିଥିଲା ଦନ୍ତା
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୦୨ କୋଭିଡ୍ ପଜିଟିଭ୍
  • ||

ଚୋରି କରି ଫେରାର ହୋଇଯାଇଥିଲେ, ଆଉଥରେ ଯୋଜନା କରୁଥିବା ବେଳେ ମାଡ଼ିବସିଲା ପୋଲିସ୍‌, ତାପରେ…

27/07/2021 at 9:49 PM

ପାଟଣା, ୨୭/୦୭: କେନ୍ଦୁଝର ଜିଲ୍ଲା ପାଟଣା ଥାନା ପୋଲିସ ଚୋରି ଅଭିଯୋଗରେ ୩ ଯୁବକଙ୍କୁ ମଙ୍ଗଳବାର ଗିରଫ କରି କୋର୍ଟ ଚାଲାଣ କରିଛି । ଗିରଫ ଯୁବକ ମାନେ ହେଲେ ମୁଖ୍ୟ ଅଭିଯୁକ୍ତ କାମେଶ୍ୱରପୁର ସାହିର ଅମନ ନାଏକ(୧୯)ଙ୍କ ସହ ଏହିଥାନା ଦୁର୍ଗାଦେଇପୁର ଗ୍ରାମର ଚନ୍ଦ୍ର ଶେଖର ବରଡ଼ିଆ  ଓରଫ ଭେଲୁ(୨୮)  ଏବଂ ସଁରାପଶି ଗ୍ରାମର ରାଜେଶ ନାଏକ(୩୦) ।

ଅଭିଯୋଗ ଅନୁଯାୟୀ ଏହି ୩ ଯୁବକଙ୍କ ସମେତ ୭ ଜଣ ମିଳିତ ଭାବରେ ଗତ ନଭେମ୍ବର ୧୪ ତାରିଖ ୨୦୨୦ ମସିହା ରାତିରେ ବାଉଁଶଡିହା ଗ୍ରାମର ରମେଶ ଚନ୍ଦ୍ର ମହାନ୍ତଙ୍କ ଘରେ ପଶି ବତକ ସାଇକେଲ ଓ କୁକୁଡ଼ା ଚୋରି କରୁଥିଲେ । ଏହି ସମୟରେ ସେମାନେ ଧରା ପଡ଼ିଯାଇଥିଲେ । ପରେ ଗିରଫ ଭୟରେ କୌଶଳ କ୍ରମେ ଫେରାର ହୋଇଯାଇଥିଲେ ।

ସୋମବାର ସନ୍ଧ୍ୟାରେ ଏହି ୩ ଜଣ ଯୁବକ ବସି କୌଣସି ଏକ ଆଲୋଚନା କରୁଥିବା ସମୟରେ ଏସଆଇ ରଣଜିତ ପଟ୍ଟନାୟକ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ଚୋରୀ ଘଟଣାରେ ସମ୍ପୃକ୍ତ ଥିବା ଅନ୍ୟ ୪ ଜଣ ଏ ପର୍ଯ୍ୟନ୍ତ ଫେରାର ଥିବା ବେଳେ ଏନେଇ ପାଟଣା ଥାନାରେ ୧୮୧/୨୦ରେ ଏକ ମାମଲା ରୁଜୁ ହୋଇଥିଲା ।

   Related Posts