ପାଟଣା ୧୯।୦୧: ସ୍ବାସ୍ଥ୍ୟସେବାର ପୁଣି ବିକଳ ଚିତ୍ର । କେନ୍ଦୁଝର ଜିଲ୍ଲାରେ ଜିଲ୍ଲାର ଅବହେଳିତ ବ୍ଲକ ସାହାରପଡା ବ୍ଲକର ସିଲିପଦା ପଞ୍ଚାୟତ ସିଲିପଦା ଗାଁକୁ ଭଲ ରାସ୍ତା ନଥିବାରୁ ଆସିପାରିଲାନି ଆମ୍ବୁଲାନ୍ସ । ଯାହାଫଳରେ ଷ୍ଟ୍ରେଚରରେ ବୁହା ହୋଇଥିଲେ ରୋଗୀ। କିନ୍ତୁ ମେଡିକାଲରେ ବିଳମ୍ବ ପହଞ୍ଚିବାରୁ ଯୋଗୁ ଚିକିତ୍ସାଧୀନ ଅବସ୍ଥାରେ ବୃଦ୍ଧଙ୍କ ମୃତ୍ୟୁ ହୋଇଛି ।
ଖବର ଅନୁଯାୟୀ, ମଙ୍ଗଳବାର ରାତିରେ ସାହିର ବୈରାଗୀ ପାତ୍ର ପେଟ ଯନ୍ତ୍ରଣାରେ ଛଟପଟ ହୋଇଥିଲେ । ଏହାପରେ ୧୦୮ ଆମ୍ବୁଲାନ୍ସକୁ କଲ କରିଥିଲେ । ୧୦୮ ଆମ୍ବୁଲାନ୍ସ ଆସିଥିଲେ ମଧ୍ୟ ରାସ୍ତା ଖରାପ ଯୋଗୁ ସାହି ଭିତରକୁ ଯାଇ ପାରିନଥିଲା । ବାପାଙ୍କ ଯନ୍ତ୍ରଣା ଦେଖି ଭିନ୍ନକ୍ଷମ ପୁଅ ସୁନିଲ ଚିତ୍କାର କରିବାରୁ ସାହିର କିଛି ଯୁବକ ଓ ଆମ୍ବୁଲାନ୍ସ କର୍ମଚାରୀ ବୈରାଗୀଙ୍କୁ ଷ୍ଟ୍ରେଚର ସାହାଯ୍ୟରେ ୫୦୦ ମିଟର ବୋହି ଆଣି ୧୦୮ରେ ମେଡିକାଲକୁ ପଠାଇଥିଲେ । କିନ୍ତୁ ମେଡିକାଲରେ ବୃଦ୍ଧ ବୈରାଗୀଙ୍କର ମୃତ୍ୟୁ ହୋଇଥିଲା। ଭଲ ରାସ୍ତା ନଥିବାରୁ ସାହି ବାସୀ ଦୀର୍ଘଦିନ ଧରି ରାସ୍ତା ନିର୍ମାଣ କରିବାକୁ ଦାବି କରି ଆସୁଥିଲେ । କିନ୍ତୁ ଏହାର କୌଣସି ସୁଫଳ ହୋଇନଥିଲା । ରାସ୍ତା ତିଆରି ହୋଇନଥିବାରୁ ଵୃଦ୍ଧଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି।