Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦକ୍ଷିଣ ଆଫ୍ରିକା ଗସ୍ତ ପାଇଁ ୧୮ ଜଣିଆ ଭାରତୀୟ ଦଳ ଘୋଷିତ, ଜାଣନ୍ତୁ କେଉଁ କେଉଁ ଖେଳାଳିଙ୍କୁ ମିଳିଲା ସ୍ଥାନ
  • ||
  • ରୋହିତ ଶର୍ମା ହେଲେ ଟିମ ଇଣ୍ଡିଆର ନୂତନ ଦିନିକିଆ ଅଧିନାୟକ, ବିରାଟଙ୍କୁ କେବଳ ଟେଷ୍ଟ ଦାୟିତ୍ଵ
  • ||
  • ଭୁବନେଶ୍ବର : ଗତ ଦୁଇ ବର୍ଷରେ ମାପ ଓ ଓଜନ ନିୟମ ଉଲଂଘନକାରୀଙ୍କଠୁ ଆଦାୟ ହୋଇଛି ୨ କୋଟି ୮୩ ଲକ୍ଷ ଟଙ୍କା : ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ
  • ||
  • ଭୁବନେଶ୍ବର : ଡିସେମ୍ବର ୯ରେ ବିଧାନସଭା ଘେରାଉ କରିବ ବିଜେପି ଯୁବମୋର୍ଚ୍ଚା : ଇରାଶିଷ୍ ଆଚାର୍ଯ୍ୟ
  • ||
  • ଭୁବନେଶ୍ବର : ଡ୍ରଗ୍ସ ମାଫିଆ ଶେଖ୍ ଆଜବାହାର ବାଲେଶ୍ଵର କୋର୍ଟରେ ହାଜର, ରାଜ୍ୟ ବାହାରେ ସମ୍ପତ୍ତି ଥିବା ନେଇ ମିଳିଛି ପ୍ରମାଣ
  • ||
  • ଅନୁଗୋଳ : ଆଖୁ ଖାଇବାକୁ ଆସି କୂଅରେ ଖସିପଡିଲା ଭାଲୁ, ବନ ବିଭାଗ କଲା ଉଦ୍ଧାର
  • ||
  • ଭୁବନେଶ୍ବର : କ୍ରାଇମବ୍ରାଞ୍ଚ ଏସଟିଏଫ୍‌ ଟାର୍ଗେଟ୍‌ରେ ବନ୍ୟପ୍ରାଣୀ ମାଫିଆ, ପ୍ରସ୍ତୁତ ହେଲା ମୋଷ୍ଟ ୱାଣ୍ଟେଡ ତାଲିକା
  • ||
  • ଚେନ୍ନାଇ : ତାମିଲନାଡୁ କୁନ୍ନୁରରେ ସିଡିଏସ୍ ବିପିନ ରାଓ୍ବତଙ୍କ ହେଲିକପ୍ଟର କ୍ରାସ୍
  • ||
  • ଭୁବନେଶ୍ବର : କୃଷି ଋଣ ଛାଡ ସହ ଫସଲ କ୍ଷୟକ୍ଷତି ଲାଗି ସ୍ବତନ୍ତ୍ର ପ୍ୟାକେଜ ଦାବି କଲା କଂଗ୍ରେସ
  • ||
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||

ପ୍ରଧାନମନ୍ତ୍ରୀଙ୍କ ରାଲିରେ ବ୍ଲାଷ୍ଟ କରିଥିବା ୪ ଦୋଷୀଙ୍କୁ ଫାଶୀ, ୨ ଜଣଙ୍କୁ ଅଜୀବନ ସଜା

1/11/2021 at 5:00 PM

ପାଟନା, ୦୧/୧୧: ବିହାରର ରାଜଧାନୀ ପାଟନାର ଗାନ୍ଧୀ ମୈଦାନ୍‌ରେ ହୋଇଥିବା ବମ୍ ବ୍ଲାଷ୍ଟ୍ ମାମଲାର ରାୟ ପ୍ରକାଶ କରିଛନ୍ତି କୋର୍ଟ । ଦୋଷୀଙ୍କୁ ଏନ୍ଆଇଏ କୋର୍ଟ ସୋମବାର ସଜା ଶୁଣାଇଛନ୍ତି । ଏହି ମାମଲାରେ କୋର୍ଟ ୪ ଅଭିଯୁକ୍ତଙ୍କୁ ଫଶିଦଣ୍ଡ ଶୁଣାଇଥିବା ବେଳେ ଦୁଇ ଜଣଙ୍କୁ ଆଜୀବନ ସଜା ଶୁଣାଇଛନ୍ତି । ଏଥି ସହିତ ଅନ୍ୟ ୨ ଅଭିଯୁକ୍ତଙ୍କୁ କୋର୍ଟ ୧୦ ବର୍ଷ ଲେଖାଏ କାରାଦଣ୍ଡ ଶୁଣାଇଛନ୍ତି ।  

ଘଟଣାରେ ଅଭିଯୁକ୍ତ- ଇମତିଆଜ୍ ଅଂସାରୀ, ହୈଦର ଅଲୀ ଓର୍ଫ ବ୍ଲେକ୍ ବ୍ୟୁଟି, ନୋମାନ ଆଂସାରୀ, ମୁଜିବୁଲ୍ଲାହ ଅଂସାରୀକୁ କୋର୍ଟ ଫାସୀ ଦଣ୍ଡ ଦେଇଥିବା ବେଳେ ଅନ୍ୟ ଦୋଷୀ- ଉମର ସିଦ୍ଦିକି, ଅଝରୁଦ୍ଦିନଙ୍କୁ ଆଜିବନ କାରାବାସ ଓ ଅହମଦ ହୁସେନ୍,ଫିରୋଜ ଅସଲମଙ୍କୁ ୧୦ ବର୍ଷ ପାଇଁ ଜେଲ୍ ଦଣ୍ଡ ହୋଇଛି। ସେହିପରି ଅନ୍ୟ ଜଣେ ଦୋଷୀ ଇଫ୍‌ତେ ଖର ଆଲମଙ୍କୁ ୭ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି କୋର୍ଟ।

ଗାନ୍ଧୀ ମୈଦାନ୍‌ ଏବଂ ପାଟନା ଜଙ୍ଗସନ୍‌ରେ ୨୭ ଅକ୍ଟୋବର ୨୦୧୩ରେ ସିରିଏଲ୍‌ ବମ୍ୱ୍‌ ବ୍ଲାଷ୍ଟ ହୋଇଥିଲା । ଏହି ଘଟଣାରେ ୬ ଜଣ ଲୋକଙ୍କ ମୃତ୍ୟୁ ହୋଇଥିଲା ଏବଂ ୮୯ ଜଣ ଲୋକ ଆହତ ହୋଇଥିଲେ । ୮ ବର୍ଷ ପରେ ଏହି ମାମଲାର ରାୟ ଆସିଛି । ଗତ ବୁଧବାର କୋର୍ଟ ମୁଖ୍ୟ ୬ ଅଭିଯୁକ୍ତଙ୍କୁ ଦେଶଦ୍ରୋହ, ଅପରାଧିକ ଷଡ଼ଯନ୍ତ୍ର, ହତ୍ୟା, ହତ୍ୟା ଉଦ୍ୟମରେ ଦୋଷୀ ଘୋଷଣା କରିଥିଲେ । ଅନ୍ୟ ଜଣେ ଅଭିଯୁକ୍ତକୁ କୋର୍ଟ ସାକ୍ଷୀ ଅଭାବରୁ ମୁକ୍ତ କରିଥିବା ଜଣାପଡ଼ିଛି ।

ଗାନ୍ଧୀ ମୈଦାନ୍‌ରେ ନରେନ୍ଦ୍ର ମୋଦିଙ୍କ ରାଲିରେ ବିସ୍ପୋରଣ କରିବାକୁ ରାଞ୍ଚି ଓ ରାୟପୁରରେ ବସି ଦୋଷୀମାନେ ଯୋଜନା ପ୍ରସ୍ତୁତ କରିଥିଲେ। ପୂର୍ବରୁ ଏହାର ରିହର୍ସଲ ମଧ୍ୟ କରିଥିଲେ । ୨୦୧୩ ଜୁଲାଇ ୭ ତାରିଖର ବୋଧଗୟାରେ ବିସ୍ଫୋରଣ ପରେ ଗାନ୍ଧୀ ମୈଦାନରେ ବିସ୍ଫୋରଣ କରିବା ନେଇ ଇଣ୍ଡିଆନ ମୁଜାହିଦ୍ଦୀନର ଜିହାଦୀମାନେ ଯୋଜନା କରିଥିଲେ। ବୋଧଗୟା ବିସ୍ଫୋରଣର ମାଷ୍ଟର ମାଇଣ୍ଡ ମୋଜିବୁଲ୍ଲାହ ଅଲି ଥିଲା। ଗାନ୍ଧୀ ମୌଦାନ୍‌ରେ ବିସ୍ଫୋରଣ ପାଇଁ ଅପରାଧୀମାନେ ବିସ୍ଫୋରକ ସାମଗ୍ରୀ ସବୁ ରାଞ୍ଚିରେ ରଖିଥିଲେ।

ବିସ୍ଫୋରଣ କରିବା ପାଇଁ ସକାଳେ ୮ ଅପରାଧି ବସ୍‌ରେ ଆସି ପାଟନାରେ ପହଞ୍ଚିଥିଲେ। ଯୋଜନା ମୁତାବକ ସେମାନେ ଅଲଗା ଅଲଗା ହୋଇ କାମ କରିବାକୁ ଲାଗିଲେ। ଇତିମଧ୍ୟରେ ପଟନା ଜଙ୍କସନ୍‌ର ପ୍ଲାଟଫର୍ମ ସୌଚାଳୟରେ ଜଣେ ଆତଙ୍କବାଦୀ ନିଜକୁ ଉଡ଼ାଇ ଦେଇଥିଲା। ଏଥିରେ ଆତଙ୍କବାଦୀର ମୃତ୍ୟୁ ହୋଇଥିଲା।

   Related Posts