Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ସାମାନ୍ୟ କିଛି ଟଙ୍କା ପାଇଁ ରାତିସାରା ଆମ୍ବୁଲାନ୍ସରେ ରୋଗୀ ବନ୍ଦ, ଭୋକରେ ଛଟପଟ ହେଲେ ସ୍ତ୍ରୀ ଓ ଛୁଆ

5/05/2020 at 8:58 AM

ସମ୍ବଲପୁର ୫।୫: ହଜିଗଲା ମାନବିକତା । ରୋଗୀଙ୍କୁ ରାତି ସାରା ଆମ୍ବୁଲାନ୍ସ ରେ ବନ୍ଦ କରି ନିଶ୍ଚିନ୍ତରେ ଘରେ ଶୋଇଥିଲେ ଆମ୍ବୁଲାନ୍ସ ଡ୍ରାଇଭର । ସେପଟେ ଆମ୍ବୁଲାନ୍ସ ଭିତରେ ଗରମ ଏବଂ ଭୋକରେ ଛଟପଟ ହେଉଥିଲେ ୫ ବର୍ଷର ଛୋଟ ଶିଶୁ, ନିଜେ ରୋଗୀ ଓ ତାର ସ୍ତ୍ରୀ । ଏଭଳି ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି ବୁର୍ଲା ଭୀମସାରରେ । ବୁର୍ଲା ଭୀମସାରରୁ ୩୦୦ କି.ମି. ଦୂର ନୂଆପଡାକୁ ରୋଗୀଙ୍କୁ ନେଇ ଯାଇଥିଲା ଆମ୍ବୁଲାନ୍ସ । ରୋଗୀଙ୍କୁ ଘରେ ଛାଡିବା ବେଳେ ସମ୍ପୂର୍ଣ୍ଣ ଗାଡି ଭଡା ଦେଇନପାରିବାରୁ ପୁଣି ରୋଗୀ ଏବଂ ତାଙ୍କ ସ୍ତ୍ରୀଙ୍କ ସହ ଛୋଟ ଛୁଆକୁ ସେହି ଆମ୍ବୁଲାନ୍ସରେ ନୂଆପଡାରୁ ବୁର୍ଲା ଭୀମସାର ଫେରାଇ ଆଣିଲେ ଆମ୍ବୁଲାନ୍ସ ଡ୍ରାଇଭର । ଏହାସହ ରାତି ସାରା ରୋଗୀ, ତାଙ୍କ ସ୍ତ୍ରୀ ଓ ୫ ବର୍ଷର ଶିଶୁ ପୁତ୍ରକୁ ଆମ୍ବୁଲାନ୍ସରେ ବନ୍ଦ କରି ରଖିଥିଲେ । ପରେ କିଛି ବ୍ୟକ୍ତି ଦେଖି ସେମାନଙ୍କୁ ଦେଖି ଉଦ୍ଧାର କରିଥିଲେ ।

ସୂଚନାଯୋଗ୍ୟ ଯେ, ଗତ ଅପ୍ରେଲ  ୧୫ ତାରିଖରେ ନୂଆପଡାର ଡଗରେଶ୍ବର ମାଝୀ ସ୍ପାଇନ୍ ଟିବି ପାଇଁ ବୁର୍ଲା ଭୀମସାରରେ ଭର୍ତ୍ତି ହୋଇଥିଲେ । କିଛି ମାତ୍ରାରେ ସୁସ୍ଥ ହେବା ପରେ ମଇ ୨ ତାରଖରେ ସେ ଡିସଚାର୍ଜ ହୋଇଥିଲେ । ଲକ୍ ଡାଉନ୍ ଯୋଗୁଁ ବସ୍ ଚଳାଚଳ କରୁନଥିବାରୁ ବୁର୍ଲାର ମା’ ତାରିଣୀ ଟାକ୍ସିର ଏକ ଆମ୍ବୁଲାନ୍ସ ଯୋଗେ ଗାଁକୁ ଯାଇଥିଲେ ।

ପୂର୍ବରୁ ୫୨୦୦ ଟଙ୍କା ଭଡା ନିର୍ଦ୍ଧାରଣ ହୋଇଥିଲା । ଡଗରେଶ୍ବର ଗରିବ ଶ୍ରେଣୀର ହୋଇଥିବା ସହ ଏତେ ଦିନ ରହିଲା ପରେ ପାଖରେ ଆଉ ୧୬୦୦ ଟଙ୍କା ବଞ୍ଚିଥିଲା । ଘରେ ପହଞ୍ଚିବା ପରେ ଡଗରେଶ୍ବର ୧୬୦୦ ଦେବା ସହ ପଇସା ପାଇଁ ସମ୍ପର୍କୀୟକୁ ଫୋନ୍ କରି ପଇସା ମାଗିବା ସହ ଆମ୍ବୁଲାନ୍ସ ଡ୍ରାଇଭରକୁ କିଛି ସମୟ ଅପେକ୍ଷା କରିବା ପାଇଁ କହିଥିଲେ । ହେଲେ ମାଲିକ କଥାରେ ଡ୍ରାଇଭର ରୋଗୀ, ତାଙ୍କ ସ୍ତ୍ରୀ ଓ ଛୁଆକୁ ଆମ୍ବୁଲାନ୍ସରେ ବନ୍ଦ କରି ପୁଣି ବୁର୍ଲା ନେଇ ଆସି ରାତି ସାରା ବନ୍ଦ କରି ରଖିଥିଲେ । ତେବେ ଗତକାଲି ଘଟଣା ପ୍ରଘଟ ହେବା ପରେ ଟାକ୍ସି ମାଲିକ ଛୋଟଲାଲ୍ ଗୁପ୍ତାଙ୍କ ନାଁରେ ବୁର୍ଲା ଥାନାରେ ମାମଲା ରୁଜୁ ହୋଇଛି ।

   Related Posts