Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋଟିଏ ରାତିରେ ୨ଟି ଘରୁ ଲୁଟ୍, ନେଇଗଲେ ୬ ଭରି ସୁନା ଓ ଲକ୍ଷାଧିକ ଟଙ୍କା
  • ||
  • ଉଦ୍ଧାର ହେଲା ବିରାଟ ହରିଣ, ଓଜନ ୧ କ୍ୱିଣ୍ଟାଲ, ପେଟରେ ଗଭୀର କ୍ଷତ
  • ||
  • ସୁବର୍ଣ୍ଣପୁର : ରାସ୍ତା କଡରେ ପଡି କାନ୍ଦୁଥିଲା ନବଜାତ ଶିଶୁ, ଉଦ୍ଧାର କଲେ ଦମ୍ପତ୍ତି
  • ||
  • ହାଇଦର ସହଯୋଗୀ ୟାକୁବର ଆତ୍ମସମର୍ପଣ, SCBରେ ହାଇରଦରକୁ ଭେଟିଥିଲା ୟାକୁବ
  • ||
  • ଚମକ ହରାଉଛି ସୁନା : ପୁଣି କମିଲା ଦାମ୍, ୧୦ ହଜାର ଟଙ୍କା ହେଲାଣି ଶସ୍ତା
  • ||
  • ଗଜପତି : ଘାରିଲା କରୋନା ଭୟ, ଆଜିଠୁ ଗଜପତି ଜିଲ୍ଲାର ସବୁ ସୀମା ସିଲ୍
  • ||
  • ନୀଳଗିରି : ମାସ୍କ ଚେକିଂ ନାଁରେ ୨ ଯୁବକଙ୍କୁ ଗୁଡେଇ ତୁଡେଇ ପିଟିଲା ପୋଲିସ, ସୋସିଆଲ୍ ମିଡିଆରେ ଭିଡିଓ ଭାଇରାଲ୍
  • ||
  • ଚାନ୍ଦବାଲି : ମାସ୍କ ଚେକିଂ ନାଁରେ ୨ ଯୁବକଙ୍କୁ ଗୁଡେଇ ତୁଡେଇ ପିଟିଲା ପୋଲିସ, ସୋସିଆଲ୍ ମିଡିଆରେ ଭିଡିଓ ଭାଇରାଲ୍
  • ||
  • ଜଳେଶ୍ବର : ଓଭରବ୍ରିଜ୍ ଓ୍ବାଲ୍‌କୁ ଧକ୍କା ଦେଇ ଓଲଟିଲା ବୋଲେରୋ, ୬ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୨୮ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

୭୦ହଜାର ଟଙ୍କା ପାଇଁ ବନ୍ଧା ପଡିଛନ୍ତି କଟକର ଘରୋଇ ହସପିଟାଲରେ

28/08/2018 at 12:29 AM

କଟକ ୨୮/୮: ୭୦ହଜାର ଟଙ୍କା ପାଇଁ ବନ୍ଧା ପଡିଛନ୍ତି କଟକର ଘରୋଇ ହସପିଟାଲରେ । ଟଙ୍କା ନମିଳିବାରୁ ଡାକ୍ତରଖାନା କର୍ତ୍ତୃପକ୍ଷ ବି ତାଙ୍କୁ ଛାଡୁ ନାହାନ୍ତି । ଏଣେ କିଛି ବୁଦ୍ଧି ବାଟ ନପାଇ ପରିବାର ଲୋକ କେନ୍ଦୁଝର ଜିଲ୍ଲା ପ୍ରଶାସନର ସହାୟତା ଲୋଡିଛନ୍ତି । ଗରିବ ଆଦିବାସୀ ଘରୋଇ ହସପିଟାଲର ବ୍ୟବସ୍ଥା ସଂପର୍କରେ ଜାଣି ନଥିଲେ ।ଦଲାଲଙ୍କ କବଳରେ ପଡି କଟକ ଏସ୍ସିବି ମେଡକାଲ ବଦଳରେ କଟକ ଲିଙ୍କ ରୋଡରେ ଥିବା ସିଲଭରସିଟି ଘରୋଇ ହସପିଟାଲରେ ଭର୍ତ୍ତି ହୋଇ ଯାଇଥିଲେ । ହେଲେ ଏବେ ବନ୍ଧା ପଡି ଯାଇଛନ୍ତି କେନ୍ଦୁଝର ସଦରବ୍ଲକ ଶଙ୍କିରୀ ଗାଁର ଗରିବ ଆଦିବାସୀ ଶୁକଲାଲ ମୁଣ୍ଡା । ଶୁକଲାଲ ଏବଂ ତାଙ୍କ ଝିଅଙ୍କୁ ଗତ ୧୭ ତାରିଖ ରାତିରେ ବିଷାକ୍ତ ସାପ କାମୁଡିଥିଲା । ସେମାନଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ସେଠାରେ ଝିଅର ମୃତ୍ୟୁ ହୋଇ ଯାଇଥିଲା । ଶୁକଲାଲଙ୍କ ଅବସ୍ଥା ସଙ୍କଟାପନ୍ନ ଥିବାରୁ ଡାକ୍ତର ତାଙ୍କୁ କଟକ ବଡମେଡିକାଲ ରେଫର କରିଥିଲେ । ହେଲେ ଶୁକଲାଲ କେମିତି କଟକ ଯିବେ ସେନେଇ କେହି ବି ଚିନ୍ତା କଲେନି । ଏତିକି ବେଳେ ଦଲାଲ ହାବୁଡରେ ପଡିଯାଇଥିଲେ । ୪ହଜାର ଟଙ୍କା ନେଇ ଦଲାଲ ଜଣକ ତାଙ୍କୁ କଟକ ଘରୋଇ ଆମ୍ବୁଲାନ୍ସରେ ଆଣିଥିଲେ । ହେଲେ ଏସ୍ସିବିରେ ଭର୍ତି ନକରି କଟକ ଲିଙ୍କରୋଡରେ ଥିବା ସିଲଭରସିଟି ଘରୋଇ ହସପିଟାଲରେ ଭର୍ତ୍ତି କରିଦେଇଥିଲେ । ଆଉ ତାପରେ ପାଣି ପରି ଟଙ୍କା ଖର୍ଚ୍ଚ ହୋଇଥିଲା । ଶୁକଲାଲଙ୍କ ପତ୍ନୀ ତୁଳସୀ ଛେଳି, ଗାଇ ଏବଂ ଧାନ ବିକି ଟଙ୍କା ଯୋଗାଡ କରି ଚାଲିଥିଲେ । ଶେଷରେ ନିଜ ଘର ଖଣ୍ଡିକ ବନ୍ଧା ପକାଇ ଥିଲେ। ତୁଳସୀଙ୍କ କହିବା ଅନୁଯାୟୀ ଏବେ ପର୍ଯ୍ୟନ୍ତ ସେ ୪୫ହଜାର ଟଙ୍କା ଦେଇଥିଲେ ବି ହସପିଟାଲ କର୍ତ୍ତୃପକ୍ଷ ତାଙ୍କୁ ଆହୁରି ୭୦ହଜାର ଟଙ୍କା ମାଗୁଛନ୍ତି । ନଚେତ ରୋଗୀକୁ ଛଡାଯିବ ନାହିଁ ବୋଲି କହିଛନ୍ତି । ଏପରିକି ଟଙ୍କା ନଦେବା ଯାଏ ରୋଗୀକୁ ଦେଖାକରିବାକୁ ଦେଉନଥିବା ଅଭିଯୋଗ କରିଛନ୍ତି । ଶେଷରେ ବାଧ୍ୟ ହୋଇ ତୁଳସୀ ଏବେ କେନ୍ଦୁଝର ଜିଲ୍ଲା ପ୍ରଶାସନର ଦ୍ବାରସ୍ଥ ହୋଇଛନ୍ତି ।

   Related Posts