ବୁର୍ଲା ଭିମସାରରେ ଜୁନିୟର ଡାକ୍ତରଙ୍କ ଆନ୍ଦୋଳନ ଯୋଗୁଁ ରୋଗୀ ସେବା ବାଧାପ୍ରାପ୍ତ
Published By : Prameya-News7 Bureau | December 03, 2018 IST
ସମ୍ବଲପୁର ୩/୧୨ : ୧୫ ଦିନରେ ପହଞ୍ଚିଛି ବୁର୍ଲା ଭୀମ୍ସାରରେ ଚାଲିଥିବା ଜୁନିୟର ଡାକ୍ତରଙ୍କ ଆନ୍ଦୋଳନ । ଆନ୍ଦୋଳନ ଯୋଗୁ ରୋଗୀସେବା ବାଧାପ୍ରାପ୍ତ ହୋଇନଥିବା ବେଳେ କେତେକ କ୍ଷେତ୍ରରେ ପରିସ୍ଥିତି ଖରାପ ରହିଛି ବୋଲି ଭୀମ୍ସାର ନିର୍ଦ୍ଦେଶକ କହିଛନ୍ତି । ସେପଟେ ଆଜି ଜେଡିଏର ୫ ଜଣିଆ ଟିମ୍ ସ୍ବାସ୍ଥ୍ୟମନ୍ତ୍ରୀଙ୍କୁ ଭେଟିବାକୁ ଭୁବନେଶ୍ବର ଆସିଛନ୍ତି । ଗତ ୨୯ ତାରିଖରେ ସ୍ବାସ୍ଥ୍ୟମନ୍ତ୍ରୀ ଜେଡିଏ ସହ ଆଲୋଚନା କରିବାକୁ ଡାକିଥିଲେ । ତେବେ ହାଇକୋର୍ଟ ବେଞ୍ଚ ପ୍ରତିଷ୍ଠା ଦାବିରେ ୪୮ ଘଣ୍ଟିଆ ପଶ୍ଚିମ ଓଡିଶା ମହାବନ୍ଦ ଯୋଗୁ ଟିମ୍ ଆସିପାରିନଥିଲା । ତେଣୁ ଆଜି ଯଦି ସ୍ବାସ୍ଥ୍ୟମନ୍ତ୍ରୀ ଭେଟିବାକୁ କୁହନ୍ତି ତାହେଲେ ସମସ୍ୟାର କୌଣସି ସମାଧାନ ବାହାରିବ ବୋଲି ଆଶା କରାଯାଇପାରେ । ପୂର୍ବରୁ ରାଜ୍ୟ ସରକାରଙ୍କ ପକ୍ଷରୁ ୪ଜଣିଆ ଟିମ୍ ଆସି, ଜେଡିଏ ଆଣିଥିବା ଅଭିଯୋଗ ସଂପର୍କରେ, ତଦନ୍ତ କରି ଫେରିଛନ୍ତି।