କଳାହାଣ୍ଡି ୨୯।୧୨: ପୁଣି  ଖଟିଆରେ ବୁହା ହେଲେ ରୋଗୀ । ମଦନପୁର ରାମପୁର ବ୍ଲକ୍ ବାଡାପଦର ଗାଁରୁ ମାର୍ଦାଝୋର ପ୍ରାୟ ୭ କି.ମି. ପ୍ରସୂତୀଙ୍କୁ ଭାରରେ ବୋହିଥିଲେ ପରିବାର ଲୋକ ।

ଗାଁକୁ ରାସ୍ତା ନ ଥିବାରୁ ଆମ୍ବୁଲାନ୍ସ ପହଞ୍ଚି ପାରି ନଥିଲା । ପରେ ମାର୍ଦାଝୋରରୁ ଆମ୍ବୁଲାନ୍ସ ମଦନପୁର ରାମପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପହଂଚାଇଥିଲା । ସେଠାରେ ପ୍ରସୂତୀଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ବାଲିଗୁଡା ଉପଖଣ୍ଡ ସ୍ବାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତର କରାଯାଇଛି ।