Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ପ୍ରୟାଗରାଜ ରାମଲିଳା ଉପରେ Covid ମାଡ଼: ଜମି ଦଲାଲି କରୁଛନ୍ତି ରାବଣ, ଜାମ୍ବବନ୍ତ କାଟୁଛନ୍ତି ଚୁଟି !

30/09/2020 at 7:35 PM

ପ୍ରୟାଗରାଜ ୩୦।୯: ଆଉ ଦିନ କେଇଟା ପରେ ଦସହରା। ସାରା ଦେଶରେ ଆରମ୍ଭ ହୋଇଗଲାଣି ପ୍ରସ୍ତୁତି। ଦଶହରା ଅବସରରେ ପ୍ରୟାଗରାଜରେ ‘ରାମଲିଳା’ କେଉଁ ଆବାହମାନ କାଳରୁ ଚଳିଆସୁଛି। ତେବେ ଚଳିତବର୍ଷ କରୋନା ଭାଇରସ ମହାମାରୀ ଲାଗି ଏହି ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇପାରିବ କି ନା ସେ ନେଇ ସନ୍ଦେହ ଉପୁଜିଲାଣି।

ପଥର ଚଟ୍ଟି ରାମଲିଳା ପ୍ରୟାଗରାଜରେ ପ୍ରଶିଦ୍ଧ। ତେବେ ଚଳିତବର୍ଷ ରାମଲିଳା ଆୟୋଜନ ଲାଗି ପ୍ରଶାସନ ଅନୁମତି ପ୍ରଦାନ କରୁ ନାହାନ୍ତି। ଏଣୁ ଲୋକଙ୍କ ସମେତ କଳାକାର ମଧ୍ୟ ଦୁଃଖିତ। ଏହି ସାଂସ୍କୃତିକ କାର୍ଯ୍ୟକ୍ରମରେ ଅଭିନୟ କରି କଳାକାର ପରିବାର ଚଳାଇବା ଲାଗି ବେଶ ଦୁଇ ପଇସା ପାଉଥିଲେ। ହେଲେ ଚଳିତବର୍ଷ କାର୍ଯ୍ୟକ୍ରମ ଆୟୋଜନ ହେଉ ନଥିବା ଜଣାପଡିବା ପରେ ରାମଲିଳାର ବିଭିନ୍ନ ଭୂମିକାରେ ଅଭିନୟ କରୁଥିବା କଳାକାରମାନେ ପେଟପାଟଣା ଲାଗି ଚିନ୍ତାରେ ପଡିଯାଇଛନ୍ତି।

ରାମଲିଳାରେ ରାବଣ ଭୂମିକାରେ ଅଭିନୟ କରୁଥିବା ନିରଜ ତ୍ରିପାଠୀ ଏବେ ଜମି ଦଲାଲି ଆରମ୍ଭ କରିଦେଇଛନ୍ତି। ସେହିପରି ଗତ କିଛିବର୍ଷ ହେଲା ଜାମ୍ବବନ୍ତ ଭୂମିକାରେ ଅଭିନୟ କରିଆସୁଥିବା ଅଜୟ ସିଂହ ସେଲୁନରେ ଲୋକଙ୍କ ଚୁଟିକାଟି ପେଟପାଟଣା ଚଳାଉଥିବା ଜଣାପଡିଛି। ଗତବର୍ଷମାନଙ୍କରେ ଦଶହରା ବେଳେ ରାମଲିଳା ଲାଗି କଳାକାରଙ୍କ ନିକଟରେ ଜମାରୁ ସମୟ ନଥାଏ। ରାମଲିଳା ରିହର୍ସେଲରେ ଦିନରାତି ବିତିଯାଉଥିଲା। ତେବେ ଚଳିତବର୍ଷ କରୋନା କଳାକାରଙ୍କ ଜୀବିକା ମାରିଦେଇଛି।

ରାମଲିଳା କମିଟି ଏହି ଆୟୋଜନ ଲାଗି କଳାକାରମାନଙ୍କୁ ସେମାନଙ୍କ ଯୋଗ୍ୟତା ଓ ଦକ୍ଷତା ଲାଗି ପାରିଶ୍ରମିକ ମଧ୍ୟ ଦେଇଥାନ୍ତି। ଯାହା ଏହି ସାଂସ୍କୃତିକ କାର୍ଯ୍ୟକ୍ରମର କଳାକାରଙ୍କ ବାର୍ଷିକ ଆୟର ଏକ ମୁଖ୍ୟ ସ୍ରୋତ। ହେଲେ କାର୍ଯ୍ୟକ୍ରମ ଆୟୋଜନ ବନ୍ଦ ହୋଇଯିବାରୁ ସେମାନଙ୍କ ପେଟପାଟଣା ଲାଗି ସରକାର ଥରେ ବିଚାରକରନ୍ତୁ ବୋଲି କଳାକାର ଯୋଗୀ ସରକାରଙ୍କୁ ନିବେଦନ କରିଛନ୍ତି।

   Related Posts