Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||
  • କୋରାପୁଟ : ମାଲବାହୀ ଟ୍ରେନ୍‌ ଇଞ୍ଜିନ୍ ଲାଇନ୍‌ଚ୍ୟୁତ, ନୂଆ ଟ୍ରାକ୍‌ରୁ ପୁରୁଣା ଟ୍ରାକ୍‌କୁ ପାସ୍ ବେଳେ ଦୁର୍ଘଟଣା
  • ||
  • ଖଲ୍ଲିକୋଟ : ପାଖେଇ ଆସୁଛି ‘ଜଓ୍ବାଦ’, ଡଙ୍ଗା ଓ ଜାଲ ନଷ୍ଟ ହେବା ଆଶଙ୍କାରେ ମତ୍ସ୍ୟଜୀବୀ
  • ||

ଶୋଇଥିବା ବେଳେ ବୃଦ୍ଧାଙ୍କ ବେକରୁ ସୁନାଚେନ୍ ଝାମ୍ପିନେବା ମାମଲାରେ ପୋଲିସର ହାତ ଖାଲି, ଲୋକଙ୍କୁ ସୁରକ୍ଷା ଦେବାରେ ବିଫଳ ପାଟପୁର ପୋଲିସ !

11/10/2020 at 10:24 PM

ସାନଖେମୁଣ୍ଡି ୧୧/୧୦: ପାଟପୁର ଥାନାରୁ ମାତ୍ର ଏକ କିଲୋମିଟର ଦୂରରେ ରହିଛି ବଢ଼େଇସାହି । ଏହି ସାହିରେ ରୁହନ୍ତି ୯୦ ବର୍ଷୀୟା ବୃଦ୍ଧା କୋରି ସାବତ । ତାଙ୍କର ବିବାହ ହେବା ଦିନଠାରୁ ଦୁଇଟି ସୁନାହାର ବେକରେ ପିନ୍ଧିଥିଲେ କୋରି । ବୃଦ୍ଧା ଜଣଙ୍କ ଏକୁଟିଆ ଘରେ ରହୁଥିବା ବେଳେ ଚଳିତମାସ ୬ ତାରିଖ ରାତ୍ର ସମୟରେ ଶୋଇଥିବା ଅବସ୍ଥାରେ ବେକରୁ ସୁନାଚେନ୍‌ କାଟି ନେଇଯାଇଥିଲେ ଚୋର । ଘଟଣାଟି ଘଟିଲା ପରେ ତାଙ୍କ ପୁଅ ଗୋପାଳ ସାବତ ଯିଏକି ଜଣେ ଅବସରପ୍ରାପ୍ତ ପ୍ରଧାନ ଶିକ୍ଷକ ପାଟପୁର ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ପାଟପୁର ପୋଲିସ ଘଟଣାସ୍ଥଳକୁ ଯାଇ ତଦନ୍ତ କରି ଚୁପ ବସିଛି। କିନ୍ତୁ ଏନେଇ ପାଟପୁର ଥାନାରେ କୌଣସି ମାମଲା ରୁଜୁ ହୋଇନାହିଁ । ଆଜକୁ 5 ଦିନ ବିତି ଯାଇଥିଲେ ସୁଦ୍ଧା ପୋଲିସ ର ହାତ ଖାଲି ।

ଏହି ବିଷୟ ଟିକୁ ବୃଦ୍ଧା ଗୁରୁତର ସହ ନେଇ ଦୁଃଖରେ ଖାଇବା ପିଇବା ମଧ୍ୟ ଛାଡି ଦେଇଥିବା କହିଛନ୍ତି ।ବରିଷ୍ଠ ନାଗରିକଙ୍କୁ ସୁରକ୍ଷା ଦେବା ପାଇଁ ଆମ ପୋଲିସ ପକ୍ଷରୁ ଅନେକ ସଚେତନ କରାଯାଉଛି ତା ସହିତ କଠୋର ଆଇନ ମଧ୍ୟ ରହିଛି ତଥାପି ଏଭଳି ଘଟଣା ନୁଆ ନୁହେଁ । ସେହିଭଳି ଚଳିତ ମାସ ୯ ତାରିଖରେ ଏହି ଥାନା ବଢିଆ ଉତ୍ସା ଗ୍ରାମର ଚିତ୍ତରଞ୍ଜନ ଆଚାର୍ଯ୍ୟଙ୍କ ମାଙ୍କର ମଙ୍ଗଳ ସୂତ୍ର, ଝୁମ୍ପି, ୫ଟି ମୁଦି କେହି ଚୋରି କରି ନେଇଥିବା ପାଟପୁର ଥାନାରେ ଏତଲା ଦେଇଛନ୍ତି ଚିତ୍ତରଞ୍ଜନ। ପୋଲିସ ୨୪୫/୨୦ରେ କେଶ ରୁଜୁ କରି ତଦନ୍ତ ଚଳାଇଛି।

ପାଟପୁର ସିଣ୍ଡିକେଟ ବ୍ୟାଙ୍କ ସମ୍ମୁଖରେ ବୃଦ୍ଧଙ୍କୁ ନକଲି ନୋଟ ଦେଇ ଅସଲି ନୋଟ ଝାମ୍ପି ନେଇ ଚମ୍ପଟ ମାରିବା ଘଟଣାରେ ବି ପୋଲିସ ଚୁପ୍‌ । ପାଟପୁର ଥାନା ନିକଟ କୁମ୍ବର ସାହି କୀର୍ତ୍ତନ ବେହେରା ନାମକ ଜଣେ ବୃଦ୍ଧଙ୍କୁ କେହି ପଚାରି ନବାରୁ ସେ ବାର ଦୁଆର ବୁଲି ବୁଲି ଭିକ୍ଷାବୃତି କରି ଶେଷରେ ଜୀବନ ହାରିଥିଲେ। ତେବେ ବୃଦ୍ଧଙ୍କୁ ପୋଲିସ ନ୍ୟାୟ ଦେଇପାରିଥାନ୍ତା କିନ୍ତୁ ସେମିତି ହେଲା ନାହିଁ ବୋଲି ଅଭିଯୋଗ ହୋଇଛି।

ପାଟପୁର ପୂର୍ତ୍ତ ବିଭାଗ ଡାକ ବଙ୍ଗଳାରୁ ଇଲେକ୍ଟ୍ରିକାଲ ସାମଗ୍ରୀ ଚୋରି ଘଟଣା ସମେତ ଆହୁରି ଅନେକ ଘଟଣା ପାଟପୁର ଥାନା ଅଞ୍ଚଳରେ ଘଟିଥିଲେ ହେଁ ଲୋକଲୋଚନକୁ ଆସି ପାରୁନାହିଁ। ଚୋରି ଡକାୟତର ମୁଖ୍ୟକାରଣ ଜୁଆ ଆଡ୍ଡା, ବେଆଇନ ଓ ଅବାଧ ଦେଶୀ ବିଦେଶୀ ମଦର ବିକ୍ରିକୁ ନେଇ ଏଭଳି ଘଟଣା ଘଟୁଥିବା ଅନୁମାନ କରାଯାଉଛି। ଆଗକୁ ଦଶହରା ଗାଁ ଗଣ୍ଡାରେ ଜୁଆ ପାଲି ଓ କିଛି ପାନ ଦୋକାନ ଗୁଡିକରେ ବେଆଇନ ମଦବିକ୍ରି ଏହାର ମୁଖ୍ୟ କାରଣ ପାଲଟିପାରେ । ଯାହାକୁ ନେଇ ବୁଦ୍ଧିଜୀବୀ ମହଲରେ ତୀବ୍ର ନିନ୍ଦା କରାଯାଇଛି। ଅନ୍ୟପଟେ ଖୁବଶୀଘ୍ର ଚୋରମାନଙ୍କୁ ଧରାଯିବ ବୋଲି ପାଟପୁର ପୋଲିସ ସୂଚନା ଦେଇଛି।

   Related Posts