Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସରେ ସ୍ଥାନ ପାଇବ ପଶ୍ଚିମ ଓଡିଶାର କଳାକୃତୀ, ୮ ଓଡିଆ କଳାକାର ହାସଲ କଲେ ସଫଳତା
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୫ ଜଣଙ୍କ ଜୀବନ
  • ||
  • ଆଉ ଏକ ଲଘୁଚାପ, ୩୦ ଯାଏଁ ସାରା ରାଜ୍ୟରେ ବର୍ଷା
  • ||
  • ବରଗଡ଼ : ଗାଁ ମୁଣ୍ଡରେ ପଡ଼ିଛି ଯୁବକଙ୍କ ରକ୍ତାକ୍ତ ମୃତଦେହ, ହତ୍ୟା ନା ଆଉ କିଛି ?
  • ||
  • ମାଷ୍ଟରକ୍ୟାଣ୍ଟିନ୍‌ ଛକରୁ ମିଳିଲା ମୃତଦେହ, ଶାଢୀରେ ଝୁଲିପଡିଲେ ଯୁବକ
  • ||
  • ଦିନେ ବଢିବା ପରେ ପୁଣି କମିଲା ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୬୧୫ କରୋନା ପଜିଟିଭ୍
  • ||

ଆଇପିଏଲ ୨୦୨୦ ସ୍ପନସରସିପ୍ ଦୌଡରେ ସାମିଲ ହେବ ବାବାଙ୍କ ପତଞ୍ଜଳୀ କମ୍ପାନୀ !

10/08/2020 at 2:02 PM

ନୂଆଦିଲ୍ଲୀ ୧୦/୦୮ : ଆଇପିଏଲର ୧୩ତମ ସିଜନରୁ ମୁଖ୍ୟ ପ୍ରଯୋଜକ ଭିଭୋ ହଟିଯିବା ପରେ ନୂଆ ସ୍ପନସର ଖୋଜୁଛି ବିସିସିଆଇ | ଖବର ଅନୁଯାୟୀ, ଯୋଗଗୁରୁ ରାମଦେବ ବାବାଙ୍କ କମ୍ପାନୀ ପତଞ୍ଜଳୀ ଆଇପିଏଲ ୨୦୨୦ ସ୍ପନସରସିପ ପାଇଁ ବୋଲି ଲାଗିପାରେ | ଇକୋନୋମିକ୍ସ ଟାଇମ୍ସ ଅନୁଯାୟୀ, ପତଞ୍ଜଳୀ ମୁଖପାତ୍ର ଏସ.କେ.ତିଜାରାବାଲା କହିଛନ୍ତି ଯେ, ପତଞ୍ଜଳୀକୁ ଗ୍ଲୋବାଲ ବ୍ରାଣ୍ଡ କରିବାକୁ ଚାହୁଁଛନ୍ତି ଏବଂ ସେଥିପାଇଁ ଆଇପିଏଲ ସ୍ପନସରସିପ କଥା ଚିନ୍ତା କରୁଛନ୍ତି | 

ତେବେ ବଜାର ସୂଚନା ଅନୁଯାୟୀ, ପତଞ୍ଜଳୀ ଗ୍ଲୋବାଲ ବ୍ରାଣ୍ଡ ନୁହେଁ | ଯଦି ଆଇପିଏଲ ଟାଇଟଲ ସ୍ପନସର ହୁଏ ତାହେଲେ ପତଞ୍ଜଳୀ ନିଶ୍ଚୟ ଫାଇଦା ହେବ କିନ୍ତୁ ଆଇପିଏଲକୁ କିଛି ଫାଇଦା ହେବନାହିଁ | ଭିଭୋ ହଟିଯିବା ପରେ ଆଇପିଏଲ ଟାଇଟଲ ସ୍ପନସରସିପରେ ଜିୟୋ, ଆମାଜନ, ଟାଟା ଗୃପ, ଡ୍ରିମ ୧୧ ଓ ବାୟଯୁ ଭଳି କମ୍ପାନୀ ଆଗ୍ରହ ପ୍ରକାଶ କରିଛନ୍ତି | ବିସିସିଆଇ ଆଇପିଏଲ ସିଜନ ୧୩ ର ନୂଆ ପ୍ରଯୋଜକ ପାଇଁ ପୁରା ପାରଦର୍ଶିତା ଓ ପ୍ରକ୍ରିୟା ପାଳନ କରିବ | ବିସିସିଆଇ ଖୁବ ଶୀଘ୍ର ଆଇଟିବିପି ପ୍ରକାଶ କରିବ | ସ୍ପନସର ଚୟନ ପାଇଁ ଟେଣ୍ଡର ପ୍ରକ୍ରିୟା ପାଳନ କରାଯିବ | କାରଣ ବୋର୍ଡ ପାରଦର୍ଶିତା ଉପରେ ବିଶେଷ ଦୃଷ୍ଟି ଦେଇଥାଏ | ଇନଭିଟେସନ ବିଦ ଅନୁଯାୟୀ ନିଲାମୀ ବିଜେତାଙ୍କୁ ୟୁଏଇରେ ସେପ୍ଟେମ୍ବର ୧୯ ତାରିଖରୁ ନଭେମ୍ବର ୧୦ ତାରିଖ ଯାଏଁ ହେବାକୁ ଥିବା ଆଇପିଏଲ ପ୍ରଯୋଜକ ନିଯୁକ୍ତ କରାଯିବ |

ଭାରତ-ଚୀନ ସୀମା ବିବାଦକୁ ନେଇ ଚାଇନା ସାମଗ୍ରୀ ବହିଷ୍କାର ଦାବି ଜୋର ଧରିବା ପରେ ଭିଭୋ ଗତ ସପ୍ତାହରେ ବିସିସିଆଇ ସହ ଚୁକ୍ତିନାମା ଶେଷ କରିଥିଲା | ଭିଭୋ ଇଣ୍ଡିଆ ୨୦୧୭ ରେ ଆଇପିଏଲ ଟାଇଟଲ ପ୍ରଯୋଜନା ଅଧିକାର ୨୧୯୯ କୋଟି ଟଙ୍କାରେ ହାସଲ କରିଥିଲା | ଚୁକ୍ତି ଅନୁଯାୟୀ, କମ୍ପାନୀକୁ ପ୍ରତି ସିଜନରେ ବିସିସିଆଇକୁ ପାଖାପାଖି ୪୦୦ କୋଟି ଟଙ୍କା ଦେବାକୁ ଥିଲା | ତେବେ ନୂଆ ସ୍ପନସର ଏତେ ଟଙ୍କା ନ ଦେଇ ପାରନ୍ତି ବୋଲି ଆଶଙ୍କା କରାଯାଉଛି ଯେଉଁଥିପାଇଁ ବିସିସିଆଇକୁ ଫାଇଦା ହେବନାହିଁ |

   Related Posts