Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

AC କୋଚ୍‌ରେ ଯାତ୍ରା କରୁଥିବା ଯାତ୍ରୀଙ୍କୁ ଝଟ୍‌କା: ରେଲୱେ ଅସୁଲ କରିବ ୟୁଜର୍ସ ଫି !

28/09/2020 at 4:44 PM

ନୂଆଦିଲ୍ଲୀ ୨୮/୦୯ : ବର୍ତ୍ତମାନ ଟ୍ରେନରେ ଯାତ୍ରା କରିବା ପଡିବ ମହଙ୍ଗା । କିଛି ବଡ ବଡ ଷ୍ଟେସନରେ ରେଲୱେ ୟୁଜର୍ସ ଫି ଅସୁଲ କରିବାକୁ ଯୋଜନା କରୁଛି । ଏହା ଟ୍ରେନ ଟିକେଟର ଅଂଶ ବିଶେଷ ହେବ । ଟାଇମ୍ସ ଅଫ୍ ଇଣ୍ଡିଆ ଖବର ଅନୁସାରେ, ଏସି କୋଚରେ ଯାତ୍ରା କରୁଥିବା ଯାତ୍ରୀଙ୍କୁ ଅଧିକ ଫି ଦେବାକୁ ହେବ । ଫାଷ୍ଟ୍ କ୍ଲା୍ସ‌୍ ଏସିରେ ଯାତ୍ରା କରୁଥିବା ଯାତ୍ରୀଙ୍କୁ ୩୦ ଟଙ୍କା ଫି ଦେବାକୁ ପଡିବ । ସେକେଣ୍ଡ କ୍ଲାସ ଓ ଥାର୍ଡ଼ ଟାୟାର ଏସିରେ ଯାତ୍ରା କରୁଥିବା ଯାତ୍ରୀଙ୍କ ପାଇଁ ଫି କମ ରହିବ । ସ୍ଲିପର କ୍ଲାସ ଯାତ୍ରୀଙ୍କ ପାଇଁ ଫି ଆହୁରି କମ ରହିବ । ସର୍ବନିମ୍ନ ୟୁଜର୍ସ ଫି ୧୦ ଟଙ୍କା ଧାର୍ଯ୍ୟ କରାଯାଇଛି । ରେଳ ମନ୍ତ୍ରାଳୟ ଏ ସମ୍ବନ୍ଧରେ ଏକ ପ୍ରସ୍ତାବ ଉପରେ କାମ କରୁଛନ୍ତି । ଏହି ପ୍ରସ୍ତାବକୁ ଖୁବ ଶୀଘ୍ର ମଞ୍ଜୁରୀ ପାଇଁ କ୍ୟାବିନେଟରେ ଉପସ୍ଥାପନା କରାଯିବ ।

ରେଳ ମନ୍ତ୍ରାଳୟ କ୍ୟାବିନେଟ ମଞ୍ଜୁରୀ ପାଇଁ ପ୍ରସ୍ତାବ ତିଆରି କରିଛି । ପ୍ରସ୍ତାବ ଅନୁସାରେ ଯାତ୍ରା କରିବା ପରେ ଯାତ୍ରୀଙ୍କୁ ୟୁଜର୍ସ ଫି ଦେବାକୁ ହେବ । ଏହାଛଡା ଯଦି ଆପଣ କାହାକୁ ଛାଡିବାକୁ କିମ୍ବା ଆଣିବାକୁ ଷ୍ଟେସନ ଯାଆନ୍ତି ତାହେଲେ ପ୍ଲାଟଫର୍ମ ଟିକେଟ ଛଡା ଭିଜିଟର ଫି ମଧ୍ୟ ଦେବାକୁ ପଡିପାରେ ।

ରେଲୱେ ବୋର୍ଡ ସିଇଓ ବିକେ ଯାଦବ କହିଛନ୍ତି ଯେ ୟୁଜର୍ସ ଫି ଯୋଗୁଁ ସାଧାରଣ ଯାତ୍ରୀଙ୍କୁ ଅସୁବିଧା ହେବନାହିଁ । ଆସନ୍ତା ମାସରେ ୟୁଜର୍ସ ଫି ସମ୍ବନ୍ଧରେ ଅଧିସୂଚନା ଜାରି ହୋଇପାରେ । ନୂଆଦିଲ୍ଲୀ ରେଳ ଷ୍ଟେସନ ଏବଂ ମୁମ୍ବାଇର ଛତ୍ରପତି ଶିବାଜୀ ଟର୍ମିନାସର ପୁନଃନିର୍ମାଣ ପାଇଁ ଘରୋଇ କମ୍ପାନୀଗୁଡିକରୁ ବିଡ୍ ଗ୍ରହଣ କରିବାର ଶେଷ ତାରିଖ ଭାବରେ ରେଳବାଇ ନଭେମ୍ବର ୬ ତାରିଖ ସ୍ଥିର କରିଛି । ସଙ୍କଟ ଦେଇ ଗତି କରୁଥିବା ରେଲୱେ ପିପିପି ମୋଡ଼ରେ ୫୦ ଷ୍ଟେସନକୁ ପୁନଃନିର୍ମାଣ ପାଇଁ ଫଣ୍ଡ ଯୋଗାଡ କରିବାକୁ ଯାତ୍ରୀଙ୍କ ଠାରୁ ୟୁଜର୍ସ ଫି ନେବାକୁ ଯୋଜନା କରୁଛି ।

   Related Posts