Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||
  • ସୋର : ରୂପା ରାଧାକୃଷ୍ଣ ମୂର୍ତ୍ତି ନେଇଗଲେ ଚୋର, ସୁନା-ରୂପା ଅଳଙ୍କାର ବି ଲୁଟ୍
  • ||
  • କଟକ : କୁମ୍ଭମେଳା ଫେରନ୍ତା ୧୩ଜଣ କରୋନା ପଜିଟିଭ୍, ରେଳ ଯାତ୍ରୀଙ୍କ ରିପୋର୍ଟ ଯାଞ୍ଚ କଡାକଡି
  • ||
  • ଆଠମଲ୍ଲିକ : ଜଳ ପ୍ରକଳ୍ପ ସ୍ଥାନାନ୍ତର ପ୍ରତିବାଦ, ଉପଜିଲ୍ଲାପାଳ ଅଫିସ ସମ୍ମୁଖରେ ଗ୍ରାମବାସୀଙ୍କ ବିକ୍ଷୋଭ ପ୍ରଦର୍ଶନ
  • ||
  • ପୁରୀ : ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||
  • ମାଲକାନଗିରି : ପୋଲିସ-ନକ୍ସଲ ଗୁଳିବିନମୟ : ଜଣେ ନିହତ, ମୁଣ୍ଡ ଉପରେ ୫ଲକ୍ଷ ଟଙ୍କାର ପୁରସ୍କାର
  • ||
  • ତେଲକୋଇ : ମହୁଲ ବୋଝେଇ ମିନିଟ୍ରକ୍ ଜବତ, ଜଣେ ଅଟକ
  • ||
  • ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||

ବିମାନ ଟେକ୍ ଅଫ୍ ପୂର୍ବରୁ ଯାତ୍ରୀ କହିଲେ, ‘ମୁଁ କରୋନା ଆକ୍ରାନ୍ତ’ : ସମ୍ପୂର୍ଣ୍ଣ ବିମାନ ହୋଇଗଲା ଖାଲି

5/03/2021 at 8:06 PM

ନୂଆଦିଲ୍ଲୀ ୦୫/୦୩ : କରୋନା ମହାମାରୀ ସମୟରେ ବିଶ୍ବବାସୀ କୋଭିଡ୍‌ ଗାଇଡଲାଇନ ପାଳନ କରୁଛନ୍ତି । ଖାସ କରି ଟ୍ରେନ୍‌, ବିମାନ କିମ୍ବା ଯାନବାହନରେ ଯାତ୍ରା ସମୟରେ କୋଭିଡ୍‌ ଗାଇଡଲାଇନ୍‌ର କଡା ପାଳନ ପାଇଁ ନିର୍ଦେଶ ରହିଛି । ତେବେ ଦିଲ୍ଲୀରୁ ପୁଣେ ଯିବାକୁ ଥିବା ଏକ ବିମାନ ଟେକ୍‌ଅଫ୍‌ର ଠିକ୍‌ ପୂର୍ବରୁ ଜଣେ ଯାତ୍ରୀ କହିଥିଲେ ଯେ, ସେ କରୋନା ପଜିଟିଭ ଅଛନ୍ତି । ଏହା ପରେ ଉକ୍ତ ବିମାନରେ ଥିବା ସମସ୍ତ ଯାତ୍ରୀଙ୍କ ମଧ୍ୟରେ ଭାଳେଣୀ ପଡିଯାଇଥିଲା । ଏହା ପରେ ବିମାନବନ୍ଦର କର୍ତ୍ତୃପକ୍ଷ ତୁରନ୍ତ ଯାତ୍ରୀମାନଙ୍କୁ ବାହାରକୁ ଅଣିଥିଲେ ।

ସୂଚନା ଅନୁସାରେ, ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତରାଷ୍ଟ୍ରୀୟ ବିମାନ ବନ୍ଦରରୁ ପୁଣେ ଯିବାକୁ ଇଣ୍ଡିଗୋ ଫ୍ଲାଇଟ୍‌ ୬ଇ-୨୮୬ ଟେକ୍‌ଅଫ୍‌ କରିବାକୁ ଯାଉଥିଲା । ଉଡାଣ ଭରିବାର ମାତ୍ର କେଇ ମିନିଟ୍ ପୂର୍ବରୁ ଜଣେ ଯାତ୍ରୀ କ୍ରୁ ସଦସ୍ୟଙ୍କୁ କହିଥିଲେ ଯେ, ‘ସେ କରୋନାରେ ଆକ୍ରାନ୍ତ ଅଛନ୍ତି । ଏହା ସହିତ ସେ କହିଥିଲେ ବିମାନରେ ଯିବା ପୂର୍ବରୁ କୋଭିଡ୍‌ ଟେଷ୍ଟ କରିଥିଲେ ଯାହାର ରିପୋର୍ଟ ଏବେ ଆସିଛି ଏବଂ ପଜିଟିଭ ଥିବା ଜଣାପଡିଛି’ ।

ଯାତ୍ରୀଜଣକ ମହାରାଷ୍ଟ୍ର ଯିବାର ଥିଲା । ବୋଡିଂ କରିବା ପୂର୍ବରୁ ସେ ତାଙ୍କର RT-PCR ଟେଷ୍ଟ କରିଥିଲେ ଏବଂ ରିପୋର୍ଟ ଆସିବା ଯାଏଁ ଅପେକ୍ଷା କରିଥିଲେ । କିନ୍ତୁ ବିମାନରେ ବସିସାରିବା ପରେ ତାଙ୍କର ରିପୋର୍ଟ ଆସିଥିଲା । ତେଣୁ ସଚେତନ ନାଗରିକ ଭାବେ ସେ ତୁରନ୍ତ କ୍ରୁ ସଦସ୍ୟଙ୍କୁ ଏ ବାବଦରେ ଜଣାଇଥିଲେ । ଏହା ପରେ ପାଇଲଟ ଟେକ୍‌ଅଫ୍‌ ନକରି ବିମାନରୁ ଯାତ୍ରୀମାନଙ୍କୁ ବାହାରକୁ ଆଣିବା ବ୍ୟବସ୍ଥା କରିଥିଲେ । ସଂକ୍ରମିତ ଯାତ୍ରୀଙ୍କ ତୁରନ୍ତ ହସ୍ବିଟାଲରେ ଭର୍ତ୍ତିକରାଯାଇଥିଲା ଏବଂ ବିମାନଟିକୁ ସମ୍ପୂର୍ଣ୍ଣ ଭାବେ ସାନିଟାଇଜ୍‌ କରାଯାଇ ବିମାନ ଗନ୍ତବ୍ୟ ସ୍ଥଳକୁ ଯାଇଥିଲା ।

   Related Posts